Fimleikar !

Aldrei hef ég nú verið verðlaunuð fyrir neina sérstaka fimi í neinu, nema kannski þegar ég sjálf annað slagið, verðlauna mig sjálfa fyrir fimi við að komast hjá óþægindum og erfiðleikum í lífinu   En núna reynir á fimina skal ég bara segja ykkur.... gólfin hérna eru eins og í mjög illa skipulagðri vöruskemmu, svo hæfileikar í fimleikum væru töluvert vel þegnir Ég væri líklega búin að reka vöruskemmustarfsmanninn ef ég væri verkstjórinn ! En starfsmaðurinn er ég sjálf svo ég held auðvitað vinnunni af því að ég er verkstjórinn... en ekki lengi úr þessu samt ef þetta fer ekki að lagast Gólfefnið kom í hús í gær og er í hrúgu á stofugólfinu og helmingurinn af innréttingunni kom líka í gær og þekur gólfið í holinu og teygir sig inn í borðstofu, kassinn með eldhúsháfnum er hálfur fyrir svefnherbergishurðinni og núna fyrst dettur mér í hug að það geti verið góð hugmynd að ryksuga ! En það má segja mér til málsbóta, að ég ætla þó að ryksuga áður en afgangurinn af innréttingunni kemur, sem verður líklega seinna í dag. Hef svolítið verið að velta því fyrir mér hvort það geti verið að einhverjum hjá flutningafyrirtækinu sé eitthvað illa við mig... Fyrst týna þeir háfnum mínum, svo skilja þeir hálfa innréttinguna eftir fyrir sunnan og reyna svo að rukka mig fyrir heimkeyrslu á gólfefninu, sem spúsi minn sótti sjálfur á bíl með kerru. En ég sé svo auðvitað að það bara getur ekki verið að einhverjum sé illa við mig En ef nú svo ólíklega vildi til, þá væri mér samt nokkurnveginn slétt sama, má nefnilega ekkert vera að því að velta mér upp úr því  Ég óska ykkur öllum dásamlegs dags, við leik og störf og prik dagsins fær uppáhalds flutningafyrirtækið mitt

Athugasemdir

[Jónína Dúadóttir, 7.5.2008 kl. 08:01]

Hey, gaman að fá svona flott nafn yfir þetta brölt mitt

[Jónína Dúadóttir, 7.5.2008 kl. 12:11]

Þú ert dottin út hjá mér, mig langar mikið til að vera bloggvinur þinn

[Tiger, 7.5.2008 kl. 13:23]

  Nei, ég segi nú bara svona - það er ekkert "só næs to mít jú" - eða hvað? Gott að vita að flest er komið á sinn bás, eða allavega inn í fjósið þitt bel.... nei ég klára þetta orð ekki, þú veist sjálf hvað það er - enda ertu "kýr-skýr" - ekki satt? Muhahaha...

  Það er þér líkt að vilja reka mann og annan fyrir hitt og þetta. Reyndu bara að spara þér ómakið og Axlaðu ábyrgð á eigin vandræðagangi, nú eða segðu af þér sem yfirkerling.

  Ef þú slasar þig ekki við að ryksuga þá færðu verðlaun hér með fyrir dugnað og fimi. En ég gruna nú að þú sért ein af þeim sem "skúra fyrst og ryksuga svo á eftir" .. enda hálf undarlegt að pokaspússur séu að standa í svona nokkru yfir höfuð. Hver hugsar um Dúurnar þínar á meðan þú hamast með hamar og sög? Í þínum sporum myndi ég líka velta mér uppúr smjörlíki og hveiti - yfir því að mér - persónulega - er heavý illa við þitt póstnúmer og ég mun sannarlega ekki breyta um skoðun í því máli.

  Jæja jæja... ok þá. Mér líkar ekkert illa við þig, ekkert rosalega - kannski bara pínulítið - eða kannski aðeins meira en pínulítið - hell yeah, mikið reyndar, tótally af öllu hjarta sko! Hmmm.... var ég með hjarta?? Knús á þig ljúflingur inn í ruslahrúgurnar í kringum þig. Ef þú þá ryksugar ekki knúsið bara áður en það lendir á þér addna sillybilly..

[Jokka (IP-tala skráð) 7.5.2008 kl. 13:32]

Guði sé lof að þú ert ekki að spóka þig um húsið á línuskautum segi ég nú bara!!  þori ekki að heimsækja þig fyrr en e-hvað af þessu er komið á veggi og gólf (á rétta staði á gólffletinum altso) tíhí..

Eigðu góðan dag elskan

[Jónína Dúadóttir, 7.5.2008 kl. 17:37]

Hjördís mín: Takk og takk, tek nafnið til mín hvort sem það er meint þannig eða ekkiÁ eftir að hringja í mömmuna og fá að vita það

Högni minn: Rétt næ upp úr ruslahrúgunni til að svara þér, ryksugan blés jafnharðan út að aftan því sem fór inn í hana að framanVerð að kíkja betur á það, náði knúsinu frá þér og sendi annað til baka

Jokka mín: Ég var rétt búin að leggja línuskautunum þegar .... Góða skemmtun í kvöld krúsidúllan mín

[Júdas, 7.5.2008 kl. 22:04]

Auðvitað er ekki nokkrum manni illa við þig Jónína mín!!  Að minnsta kosti ekki  bloggurum.

[Jónína Dúadóttir, 7.5.2008 kl. 22:18]

Kærar þakkir Júdas minn.... held ég...

[Birna Dúadóttir, 7.5.2008 kl. 23:04]

jamm góða kvöldið

[Jóhanna Magnúsar- og Völudóttir , 7.5.2008 kl. 23:50]

Knús og kveðja inn í kvöldið og nóttina - þú verður örugglega valin í einhvern góðan fimleikahóp og keppir fyrir hönd Íslands í Kassa-kztan...

[Jónína Dúadóttir, 8.5.2008 kl. 05:06]

Góðan daginn Birna mín

Jóhanna mín: Þakka þér fyrir, ég hlakka til og er mjög dugleg við æfingarnar