Var að setja inn nýjar myndir....

.... af nýjustu afrekum okkar vitleysinganna hérna á hælinu Það er ekki einleikið hvað þetta er gaman og mikið hrikalega er erfitt að finna skynsemina, innan um allt draslið hérna og hætta tímanlega á kvöldin ! Bara svona rétt til þess að ganga ekki svo fram af okkur, að við höfum fyrir rest ekki heilsu til að njóta allra dásemdanna þegar þetta allt er búið Svo er líka til líf fyrir utan eldhúsið okkar..... nú er það ? Ég gef mér varla tíma til að kíkja á bloggið og það náttulega gengur ekki Við erum komin með marmarakorkinn á gólfið og einhvernvegin tókst okkur að setja saman einn skáp í gærkvöldi, hornskáp með snúningsgrindum... Nei það er ekkert mál, ef maður er bara ekki að grauta í öllu í einu Af því að ég er ekki ennþá komin með útihitamæli, þá get ég ekkert sagt til um hversu heitt/kalt er úti en ég get þó upplýst, að það snjóar ekki ! Það var ferlega fúlt, svo ekki sé nú meira sagt, að sjá í gærmorgun, blómstrandi páskaliljur hengjandi haus með snjóhúfur ! Ég ætla að nota tækifærið fyrst ég er nú í beinni útsendingu og senda kveðjur til fólksins okkar út um allt: Á Ólafsfirði, Svíþjóð, Vopnafirði, Danmörku, Keflavík, Orlando, Reyðarfirði, Sviss, Reykjavík, Grenivík og Akureyri og á öllum hinum stöðunum sem ég man ekki alveg í augnablikinu. Við erum ekkert búin að gleyma ykkur, erum bara föst í eldhúsalgleymi, en það lagast og sumarfríið okkar fer í að flækjast á flestalla þessa staði Svo segi ég gleðilega hátíð (segir maður það ekki í dag annars ?)og allar mæður: Til hamingju með daginn Njótið dagsins og lifum lífinu lifandi

Athugasemdir

[Gunnar Helgi Eysteinsson, 11.5.2008 kl. 09:46]

Ég er búinn að lesa nokkrar færslur hér fyrir neðan... það var alveg þess virði.

[Birna Dúadóttir, 11.5.2008 kl. 10:52]

Hmm,stórfjölskyldan leggst á eitt,með að athuga hvort ekki sé til svona eftireldhúsmeðferð

[Erna Evudóttir, 11.5.2008 kl. 12:18]

Ef þessi meðferð er ekki til á Íslandi þá er hún örugglega til hérna í Svíþjóð örvæntið eigi

[Birna Dúadóttir, 11.5.2008 kl. 14:41]

[Jónína Dúadóttir, 11.5.2008 kl. 21:50]

Gunnar minn: Þakka þér fyrir og gaman að sjá þig

Birna mín: Stórfjölskyldan klikkar ekki á því, frekar en venjulega

Búkolla mín: Knús í rokið á Höfðanum

Erna mín: Kannski ég nái því þá um leið og ég fer til Kötu Vér örvæntum eigi... enn sem komið er

[Jokka (IP-tala skráð) 11.5.2008 kl. 22:53]

Sendi kveðjur til baka frá Orlando, get nú varla beðið eftir að koma í eldhúspartýið góða sem spúsi þinn er búinn að lofa tíhí.. þá verður nú gaman hjá okkur kona!!

[Jónína Dúadóttir, 12.5.2008 kl. 06:37]

Það verður það svo framarlega sem þetta partý verður ekki helgina 7.-8. júní, þá er ég nefnilega í Svíþjóð

[Tiger, 12.5.2008 kl. 16:07]

  

Lesist; Good morning cow... *glott*.