Eldhús er ekki eldhús....

.... nema þar sé uppþvottavél ! Ég stend og fell með þessari fullyrðingu minni Það er alveg á mörkunum að ég láti það skipta máli hvort þar er eldavél, mér leiðist nefnilega að elda þó ég sé fantakokkur. Þó að eldhúsið okkar sé ekki tilbúið nema að hálfu leiti, er uppþvottavélin samt farin að vinna verkin sín... eða mín. Og af því að hún er ætluð inn í innréttinguna undir bekkplötuna og á eftir að setja á hana framhlið í stíl við aðrar hurðir eldhússins, sem gefur henni eðlilegt jafnvægi á gólfinu, þá þurftum við að fergja hana svo hún dytti ekki fram fyrir sig í vinnunni. Henni er alveg sama og mér líka Ég hringdi í píparann í gær, þennan þarna sem var búinn að bjóðast til þess að skjótast strax í að tengja ofninn um leið og ég hringdi, en við höfum greinilega ekki sömu skoðun á því hvað orðið "strax" þýðir. Ég skal alveg teygja það upp í 2-3 daga, en hann vill meina að 2-3 vikur sé rétt þýðing á orðinu "strax". Ég gerði tilraun á honum með orðið "núna" en það var sama svarið, það þýðir líka 2-3 vikur í hans orðabók. He he, það er sko ekki séns í helv... að við förum að bíða eftir því í einhverjar vikur að láta tengja einn ofnskratta, svo við fórum og keyptum allt til þess og gerum þetta bara sjálf. Það er að segja, spúsi minn vinnur verkið en ég er verkstjórinn og hans faglegi ráðgjafi í tengjasjálfofninnokkardæminu... lesist: handlangari Hann gekk frá öllum lögnum í kjallaranum í gær með minni faglegu aðstoð og í dag verður sjálfur ofninn tengdur við það alltsaman. Enda er kalt hérna á norðurhjaranum núna, svo það er ekkert notalegt að hafa allt of lengi skrúfað fyrir alla ofna í húsinu ! Njótið dagsins og Birna mín, það er kominn fimmtudagur, góða ferð og góða skemmtun

Athugasemdir

[Erna Evudóttir, 15.5.2008 kl. 07:15]

Ég er svo sammála þér svo ég kem ekki til með að kalla eldhúsið í húsinu á Fáskrúðsfirði eldhús fyrr en þar kemur uppþvottavél Við bíðum spennt eftir Birnu og Sylvíu

[Jónína Dúadóttir, 15.5.2008 kl. 07:20]

Það verður bara kallað "herbergi með eldavél" þangað til, þú lætur þig ekkert með þaðHefði svoooo viljað koma líka

[Jónína Dúadóttir, 15.5.2008 kl. 07:45]

Og hana nú !Þakka þér fyrir og njóttu dagsins líka, vonandi í fínu veðri

[Jónína Dúadóttir, 15.5.2008 kl. 09:17]

Já þú meinar það, skarplega athugað hjá þérVerð að hugsa þetta obboðlítið...

[Heiður Helgadóttir, 15.5.2008 kl. 09:27]

Já, bráðum fæ ég þessa ómissandi vél, gott verður nú að losna við uppvaskið

[Jóhanna Magnúsar- og Völudóttir , 15.5.2008 kl. 09:30]

Uppþvottavél er lífsnauðsyn!

[Jónína Dúadóttir, 15.5.2008 kl. 09:34]

Ó, ég er svo innilega sammála ykkur Heidi og Jóhanna

[Helga Auðunsdóttir, 15.5.2008 kl. 12:03]

já uppþvottavél er bara möst og það getur ekki verið eldhús nema í henni sé þessi græja. Skrítið hvað þetta er lífsnauðsinlegt tæki. Besta hljóðið sem ég heyri á kvöldin fyrir utan þegar peyinn er sofnaður er uppþvottavélin að þvo.

[Jónína Dúadóttir, 15.5.2008 kl. 12:09]

[Gunnar Helgi Eysteinsson, 15.5.2008 kl. 13:14]

Hefur engin áhuga á að elda í þessari fjölskyldu -

Ég hélt að það væri bara Erna.

[Jónína Dúadóttir, 15.5.2008 kl. 15:41]

Ég er listakokkur og elda mjög oft, en tek samt sem áður fagnandi þeirri fullkomnu afsökun fyrir skort á eldamennsku, að ég á ekkert almennilegt eldhús ennþá

[Gunnar Helgi Eysteinsson, 15.5.2008 kl. 16:09]

Ókei

[Tiger, 15.5.2008 kl. 16:24]

   Svo þú ert fantakokkur kerling? Ehhh.. fantakokkar eru í mínum augum þeir sem berja og lemja það sem á að elda. Þeir sem skjóta og skera og murka lífið úr því sem á að borða.. ertu kannski ennþá fantakokkur kerling? Eða ertu kannski bara listagóð kokkastýra, eða bara handlangari sem er svona wannabíkokkurogsokkur?

  Verð að segja það að iðnaðarmenn eru snillingar upp til hópa, rétt eins og Spánverjar og Ítalir - gerum það á morgun eða í næsta mánuði. Alveg undarlegt að sjá þá í morgunmat - fram að morgunkaffi - og í morgunkaffi fram að hádegismat - og í hádegismat alveg fram að miðdegiskaffi og í miðdegiskaffi alveg þar til þeir hætta - að næra sig og hvíla og fara heim í mat og frí. Undarlegt hve mikið þeir þurfa að vinna greyin að tarna, druslurnar þessar. Rétt hjá ykkur að handlanga þetta bara sjálf.

  Kokkurinn á þessum bæ er ég náttúrulega - Uppþvottavélin á þessum bæ er - líka ég. Ég myndi aldrei samþykkja slíkan letibúnað inn á mitt heimili, ekki á meðan ég get gert þetta sjálfur. Hananú letibykkjurnar ykkar sem "getið ekki án uppþvottavélar verið" ... uss&fruzz.

Farðu svo í rass og rófu Jónína  .. jamm Jónína Storkur. Hmmm ... eða já það var víst Jónína Dúa er það ekki? Æi, eins og ég sagði annarstaðar - þá er auðvelt að gleyma sumum, you are one of them sko!

Knús á þig samt kerling og vertu til friðs. Reyndu svo að uppþvottast smá. 

[Jónína Dúadóttir, 16.5.2008 kl. 06:13]