Jónína Dúadóttir

Varstu að detta mamma ?

Hún dóttir mín í Svíþjóð sendi mér sms í gær :"Varst þú að detta mamma ? Heyrði að það hefði orðið jarðskjálfti á Íslandi....." Tounge

Ég fattaði ekki djókið alveg strax, hélt þessi elska væri að hafa áhyggjur af því að ég hefði meitt mig eitthvað í þessum skjálfta..... Svaraði eins og auli:"Nei elskan, fundum engan skjálfta hérna..." Shocking

Næ í rassg... á henni í næstu viku, mæti í köflóttum gúmístígvélum, lopapeysu og með íslenska fánann, syngjandi drykkjumannavísur á háskólaútskriftina hennar, við hennar virðulega skóla í Gautaborg Devil

Meiri lætin þarna fyrir sunnan, Guði sé lof fyrir að ekki fór þó verr, nógu slæmt samt sýnist mér á myndum.... Hefði viljað vera þarna og reyna eitthvað að hjálpa til, fann til í hjartanu þegar það var talað við tvær ungar stúlkur sem vissu ekkert hvert þær áttu að fara og hvað þær áttu að gera.... Fjölskylda annarrar þeirra í næsta bæjarfélagi og vegurinn lokaður þangað. Vona bara að einhver hafi tekið utan um þær og þær séu í góðu skjóli núna, sem og allir aðrir Heart

Í dag er síðasti dagurinn minn fyrir sumarfrí og á þriðjudaginn förum við suður, eldri sonur tengdadóttir og barnabarn og Gautaborg á miðvikudagsmorgun Wizard

Yngri sonurinn er farinn út með bílinn í Norrænu og sendi mér sms í hádeginu í gær, þá var hann í Færeyjum. Hann skilur vini sína tvo sem eru með honum, eftir í Noregi og kemur svo til Gautaborgar. Þar verður hann með okkur í viku, keyrir svo yfir til Danmerkur og tekur ferjuna þaðan til Færeyja, þar er stoppað í tvo daga á meðan verið er að sækja fleiri farþega til Íslands. Þetta er mánaðarlangur leiðangur hjá honum og ég veit að hann á eftir að fíla þetta í botn ! Við keyptum nú samt handa honum GPS svona rétt til öryggis og til þess að litla mömmuhjartað geti verið aðeins rólegra Wink

Mér er alveg sama hvað hver segir, ég veit að börnin mín eru fullorðin og bjarga sér alveg sjálf, en ég er mamman og má hafa pínu áhyggjur... í laumi Blush

Njótið dagsins eins og kostur er, ég veit að hugur okkar allra er hjá þeim sem eiga um sárt að binda vegna jarðskjálftans.... Heart

Flokkur: Bloggar | 30.5.2008 | 07:26 | Facebook

Athugasemdir

Æh já þetta var rosalegt í gær og maður fann mikið til þeim sem þarna voru sá viðtal (eða allavega var reynt að taka viðtal) við lítinn dreng er hafði lokast inni meðan mamma hans var úti, maður táraðist bara

Ég sé þig vonandi áður en þú stingur af úr landi eigðu góðan dag

Jokka (IP-tala skráð) 30.5.2008 kl. 08:05

Auðvitað líkar þeim það...í laumiHafðu það best í dag

Jónína Dúadóttir, 30.5.2008 kl. 08:06

Jokka mín: já þetta er rosalega erfitt fyrir marga og maður getur ekkert hjálpað neitt, bara hugsa hlýlega til alls fólksinsÞú verður að skottast hingað og kíkja, þó ekki væri nema á eldhúsið, áður en ég flý land

Jónína Dúadóttir, 30.5.2008 kl. 08:09

Vonandi heldur góða veðrið áfram þó þið komið nei fyrst þið komið ætlaði ég að skrifa

Erna Evudóttir, 30.5.2008 kl. 08:41

Api

Jónína Dúadóttir, 30.5.2008 kl. 08:42

Auðvita erum við aldrei svo gamlar að við höfum ekki áhyggjur af börnunum okkar. Berum alltaf hag þeirra fyrir brjósti annað er óeðlilegt. Sameinumst í hlýjum hugsunum til fólksins á jarðskjálfta svæðinu.

Eigðu góðan dag.

Ólöf Jóhanna Pálsdóttir, 30.5.2008 kl. 10:40

Hæ hæ var að senda þér póst. Kíktu á heimasíðuna hjá systurdóttur okkar henni Lilju í Hveragerði. Þau eru öll ómeidd en húsið í rúst, alveg ferlegt. Þau voru sem betur fer ekki inni í húsinu.

kv Auja

Auja sys (IP-tala skráð) 30.5.2008 kl. 11:01

Fátt er eðlilegra en að hugsa til barnanna sinna, aldur skiptir þar engu máli. Gott að þið losnuðuð meira og minna við skjálftann þarna fyrir norðan. Ég vorkenni þeim sem að eru að sópa saman rústum heimila sinna.

Heiður Helgadóttir, 30.5.2008 kl. 11:55

Ólöf mín: Innilega sammála

Auja mín: Fór inn á síðuna... þetta er hræðilegt, þvílík heppni að ekkert kom fyrir hana og krakkana

Heidi mín: Við erum svo heppin hérna fyrir norðan... greinilega ! Ég hef líka innilega samúð með öllu fólkinu

Jónína Dúadóttir, 30.5.2008 kl. 12:26