Jónína Dúadóttir

.... sínar eigin leiðir !

Næstsíðasta kvöldið mitt í Gautaborg, sællar minningar InLove

var hringt í mig úr Fjallakofanum okkar fyrrverandi og mér sagt að kötturinn okkar væri að sniglast þar í kring, þá hafði hann ekkert látið sjá sig hérna heima í 4-5 daga Pinch

Ég bað konuna sem hringdi að hleypa honum ekki inn og gefa honum alls ekki að borða, annars sætu þau uppi með hann. Mér datt ekki í hug að senda einhvern til að sækja hann, hann hefur áður bjálfast þarna uppeftir og skilað sér heim aftur og hann gat bara gott og vel gert það líka í þetta skipti GetLost

Ég hef haft gluggann í þvottahúsinu opinn og mat í skálinni, ef hans hátign skyldi nú þóknast að heiðra okkur með nærveru sinni. Núna áðan heyrði ég allt í einu þetta kunnuglega ráma, aumingjalega, sem á að heita mjálm, hérna fyrir utan baðgluggann..... Tounge

Kötturinn Lúkas er mættur á svæðið, eftir um hálfs mánaðar útilegu Wizard

Að sjálfsögðu að drepast úr hungri og vosbúð og á allan hátt illum aðbúnaði, eins og venjulega..... að hans eigin mati. Hann lítur andstyggilega vel út og ég get ekki einu sinni með góðum vilja, séð að hann hafi lagt af um einn milljónasta úr grammi, svo ég get ekki beinlínis vorkennt honum Devil

Kannski er hann bara að skreppa aðeins heim til að fara í sturtu og skipta um föt og fer svo aftur... hver veit ? Honum er nefnilega alveg meinilla við hávaðann í verkfærunum sem við erum allaf að hamast með hérna, öll svona rafmagnstæki sem gefa frá sér hljóð eru ekki vel séð hjá hans hátign. Í dag erum við að fara að berjast um með rafmagnssög við að saga til gólfplöturnar á svefnherbergisgólfið okkar, svo kannski stoppar hann bara stutt við í þetta skiptið Grin

Njótið dagsins og verið nú góð við hann Lúkas minn ef hann bankar uppá Smile

Flokkur: Bloggar | 18.6.2008 | 08:42 | Facebook

Athugasemdir

Hann hefur þurft að koma og tékka á póstinum sínum og skipta um sokka þeir eru ótrúlegir þessir kettir...trúðu mér ég á 3 stykki og það er aldrei spurning hver ræður á þessu heimili..það er allavega ekki ég!!

Jokka (IP-tala skráð) 18.6.2008 kl. 09:48

Birna Dúadóttir, 18.6.2008 kl. 15:01

Ég bið að heilsa hans hátign!

Jóhanna Pálmadóttir, 18.6.2008 kl. 17:49

Mér skilst að þar sem hann Lúkas þinn bankar uppá eigi ekki að gefa honum að borða, svo ekki er hægt að taka vel á móti honum. Íslensk gestrisni er ekki það sem á að sýna honum. O..nei.