Ég skal mála allan heiminn.....

.... ef mér fyndist það bara ekki svona afspyrnu leiðinlegt Það er þó skömminni skárra að mála með rúllunni enda passaði ég mig á því að ná henni á undan spúsa, svo það dæmdist á hann að berjast um með pensilinn, skammastín stelpa Ég komst að því að litagleðin hefur verið í hávegum höfð í þessu herbergi í gegnum árin.... barnaljósblátt var það einhvertímann, svo var þarna einhver litur sem ég held að heiti ljóslilla... oj barasta og liturinn sem við vorum að mála yfir núna hefur  ábyggilega ekkert nafn... eitthvað svona ljósgrænbleikdrapp..... Okkar litur er marmarahvítt, ég nenni ekki að mála í litum, veit alveg að ég fengi fljótt leið á þeim og þá yrði ég sko að mála aftur og það er ekki í umræðunni Set frekar myndir á veggina og glaðlegar gardínur ef mig vantar liti. Ég er svakalega dugleg og drifin með það sem mér leiðist að gera, illu er svo sannarlega best aflokið   Enda ekki ekkert eftir nema að mála með pensli yfir smá spartl sem ég bætti í á nokkrum stöðum og svo bara skella sér í að sækja parketið. Gerum þetta að góðum degi, við skjáumst seinna

Athugasemdir

[Birna Dúadóttir, 26.6.2008 kl. 08:05]

Ég var einmitt í gærkvöldi að velta fyrir mér með hvaða litum ég ætti að mála herbergið hennar Sylvíu.Aftur og nýbúin

[Jónína Dúadóttir, 26.6.2008 kl. 08:09]

Þú ert náttulega ekki með réttu ráði sko......

[Jenný Anna Baldursdóttir, 26.6.2008 kl. 08:21]

[Heiður Helgadóttir, 26.6.2008 kl. 08:49]

Góðan og blessaðan daginn, málníngarkona. Litaval þitt er gott, ekki hefði ég getað sofið í lila herbergi, mitt svefnherbergi er vel grænt, góður afslöppunarlitur, enda sef ég afar vel þar. Hér í Malmö hefur verið smá rigníng, en nú er blessuð sólin eitthvað að glenna sig framan í mig.kveðjur

[Birna Dúadóttir, 26.6.2008 kl. 09:04]

Aha,kannski er bara grænt málið

[Jónína Dúadóttir, 26.6.2008 kl. 09:38]

Jenný mín:

Heidi mín: Góðan daginn heillin góð, gott þú ert að fá sólina hún skín hér í augnablikinu

Birna mín: jú allt er vænt sem vel er grænt

Ragna mín: Góðan og blessaðanÞað er sem betur fer ekkert betrekk hérna

[Jokka (IP-tala skráð) 26.6.2008 kl. 11:19]

Mála mála mála mála allan heiminn elsku mamma  þetta verður æði

[Birna Dúadóttir, 26.6.2008 kl. 11:54]

Ekkert nema sólskin í kringum þessa konu

[Sigríður Jóhannsdóttir, 26.6.2008 kl. 12:32]

Svo sannarlega sólskinsbarn. Mikið skil ég að þú hlaupir upp til að ná rúllunni, það mundi ég líka gera! Gangi þér málningarvinnan og parketlögnin vel!

[Sigríður Jóhannsdóttir, 26.6.2008 kl. 12:34]

Yndislega kvenlegt þetta með „ljósgrænbleikdrapp“, sem á sér ekkert nafn

[Jónína Dúadóttir, 26.6.2008 kl. 20:14]

Jokka mín: Búin að mála og þetta er æði

Birna mín: Það hjálpar að eiga sólskynsbörn fyrir systur

Sigga mín: Þakka þér fyrir, líklega það eina kvenleg þessa dagana hjá mér, alltaf skítug upp fyrir haus

[Sigríður Jóhannsdóttir, 26.6.2008 kl. 23:32]

Takk Ninna mín, mér er heiður að fá að vera bloggvinkona þín, ég er ekki alveg inn í þessu en sýnist að mér hafi tekist að samþykkja þig, alla vega ertu komin á mína síðu og þá hlýtur þetta að vera komið, er það ekki annars?!

[Jónína Dúadóttir, 27.6.2008 kl. 00:04]

Sömuleiðis Sigga mínOg þetta tókst alveg fullkomlega hjá þér, að sjálfsögðu

[Tiger, 27.6.2008 kl. 02:07]

Það hefur greinilega verið mjög vænt fólkið sem bjó þarna áður - enda mikið um grænt um allt, allavega græn eldhúsinnrétting og græn málning um allt.. og svo kemur þú og skemmileggur allt bara.

Málið er með þig náttúrulega að þú ert samt væn, þó ekki sért græn - það er maður alveg búinn að sjá í gegnum öll þín nýðskrif. Sko, nýðast á öllu þarna innandyra - rífa allt niður og brjóta upp hitt og þetta - ekkert nema nýð sko!

En, það er alltaf góð tilfinning þegar maður sér hlutina breytast og verða meira og meira "manns eigin" .. eða þannig.

Ég er nú ekki mikið fyrir mikla liti innandyra - en samt vil ég hafa smá lit. Er t.d. með einn vegg í stofunni í sama rauða litnum og er hérna á blogginu þínu .. annan svona rauðan vegg inni á baði og einn rauðan frammi á gangi við útidyrnar. Eitt svefnherbergið hjá mér er ljósssssmiltfjólublátt en flest annað í húsinu er hvítt.. nema kötturinn, hann er hvítur með svart skott.

En, vona að þú sért búin að laga baðherbergið svo þú þurfir ekki stanslaust að vera skítug uppfyrir haus .. eða svo. Knúsast alla leið til þín - en þá eru líka knúsin búin svo þú verður að gera þér að góðu handaband. Lot of luf into yar new house!

[Jónína Dúadóttir, 27.6.2008 kl. 08:28]

Takk Högni minn

[Jóhanna Magnúsar- og Völudóttir , 27.6.2008 kl. 10:49]

Ég elska að mála...  að vísu í hófi!