Ekki fræðilegur.....

Þarf að leiðrétta smá misskilning..... Ég vinnvið heimaþjónustu sem felur í sér hjálp við venjuleg húsverk og annað tilfallandi inni á heimilum, hjá fólki sem sökum annað hvort elli eða einhverra annarra leiðinda á erfitt með að gera hlutina sjálft. Þó ég sé búin að vinna við þetta í tíu ár og þyki varið í vinnuna mína þá er þetta ekki áhugamálÞrif eru ekki áhugamál, þetta er vinnan mín og fyrir alla muni ekki og ég endurtek, ekki vera að bjóða mér á einhverjar sápu og klúta og fötu og skrúbbakynningar bara af því að ég vinn við þetta Takk fyrir....  Við erum að eignast  þetta fína "söddnubergi" eins og það hét heima hjá okkur í gamla daga, búin að mála, búin að leggja parket og hálfnuð að setja gólflistana. Þurfum að lækka hurðarkarminn af því að gólfið er lægra núna og förum í dag og pöntum fataskápa frá sama stað og eldhúsinnréttinguna. Svo verðum við að setja upp rimlagardínur vegna þess að rétt fyrir utan gluggann er töluvert mikið notaður gangstígur og þó ég sé ekkert voðalega feimin, þá eru nú takmörk fyrir athyglissýkinni í mér.... Það er dásamlegt veður úti og ég er að verða nokkuð viss um að það er geitungabú hérna við húsið, það er að verða dálítið grunsamlegt hvað einu flugurnar sem álpast hérna inn líkjast mikið geitungum Mér finnst þær dónalegar að vaða svona inn óboðnar, ekki er ég að troðast inn hjá þeim Að þessu bulli skrifuðu óska ég þess að allir eigi eins góðan dag og mér finnst vera í vændum hjá mér

Athugasemdir

[Birna Dúadóttir, 27.6.2008 kl. 08:30]

Flott hvað það gengur vel með söddnubergiðEn ég bara skil ekki akkuru þú vilt ekki fara á svona fötu-tusku-skítskynningu

[Jónína Dúadóttir, 27.6.2008 kl. 09:02]

Birna mín: Nei þú skilur það ekki...ég er kannski bara svona vanþakklát

Ragna mín: Góðan daginn mín kæraHvar vinnur þú ?

[Dísa (IP-tala skráð) 27.6.2008 kl. 09:21]

Hva!Hefurðu ekki áhuga á tuskum og sápum?Ekki ég heldur. Geitungar eru ekki góðir nágrannarTil hamingju með hjónaherbergið

[Jónína Dúadóttir, 27.6.2008 kl. 09:31]

Dísa mín: Þakka þér fyrir mín kæra

[Heiður Helgadóttir, 27.6.2008 kl. 10:07]

 Þó að þið séuð ekki með sýningarglugga fyrir almenning  Hverjum kemur við einkalífið hjá ykkur.

[Jónína Dúadóttir, 27.6.2008 kl. 10:09]

Heidi mín: Já segðu....

[Jokka (IP-tala skráð) 27.6.2008 kl. 10:56]

Geitungar..geit-ungar..eruð það nokkuð kiðlingar?  nei segi bara svona, meiri óþjóðalýðurinn sem kemur óboðinn í heimsókn, þó þeir heiti geitungar..

Eigðu góðan dag sömuleiðis

[Birna Dúadóttir, 27.6.2008 kl. 11:06]

Kannski bara spurning um að rukka inn

[Sigríður Jóhannsdóttir, 27.6.2008 kl. 11:48]

Er vinnan ekki áhugamál? Ég er svo aldeilis hissa, hélt að það væri kannske hægt að bjóða þér í kaffi og þú tækir með þér fötu-tusku skítsett og sæir um að losa mig við skít. Geitungar eru mesti óþjóðalýður, kunna enga mannasiði og troða sér þar sem troðið verður. Eitur á draslið! (en ekki gerða það sjálf þó ég efist ekki um að þú gætir)

[Sigríður Jóhannsdóttir, 27.6.2008 kl. 12:03]

gera átti það að vera, ekki gerða

[Jónína Dúadóttir, 27.6.2008 kl. 12:36]

Jokka mín: Geitaungar væru velkomnir og svo þú líka

Birna mín: Jú góð hugmynd, ætti ég að láta þá borga í hunangi ?

Hallgerður mín: Þakka þér fyrir, alltaf svo ljúft að láta dást að sérBúkolla kemur mér fyrir sjónir sem aðlaðandi kvenskörungur, hef aldrei séð hana samt, bara lesið

Sigga mín: Jú mundi kannski gefa mér tíma fyrir smá kaffisopa á meðan ég mundaði skítagræjurnarNeibb ekki hugsjón, ekki áhugamál, bara nokkuð vel borguð vinnaVeistu ég mundi með ánægju eitra sjálf fyrir kvikindunum, ef ég vissi hvar væri hægt að finna búið þeirra

[Ólöf Jóhanna Pálsdóttir, 27.6.2008 kl. 21:28]

Jónína mín það er nú ekki víst að geitungarnir eigi bú hjá þér bara komi í heimsókn því þú sér með betri mat handa þeim. Í fyrra sumar var eitt geitungabúi hjá mér sem var staðsett rétt fyrir utan eldhúsgluggan  minn. Ég hafði ekkert orðið vör við geitungana, en frétti svo að kona í raðhúsinu í G íbúðinni ( ég er í A)  hefði verið farðinn að leita á sinni lóð eftir búi, þar sem hún hafði orðið svo mikið vör við geitunga hjá sér. Ætli þeir fari ekki dálítið frá búunum til að þau finnist ekki. Kannski eru þetta svo vitur skordýr.Það var tilviljun að búið fannst og ég læddist út með myndavélina og myndaði það áður en meindýraeyðirinn losaði mig við það. Góða helgi.