Tveir fílar lögðu af stað í leiðangur....

Við sem sagt lögðum land... eða búðir... undir fót, sonardóttir mín hún Linda og ég í gærmorgun   Fyrst fórum við í Europris, þar sem sú stutta sagðist þurfa að kaupa eitthvað handa kettinum mínum að borða af því að hann væri alltaf vælandi og nýja skó á afa sinn af því að hann væri búinn að sulla svo mikilli málningu á gömlu skóna. Það er gott að einhver hugsar um þá félaga, ekki virðist ég standa mig neitt sérlega vel í því Svo fórum við á Glerártorg og þegar hún var búin að prófa öll leiktækin á göngunum þar, skanna Tossaröss leikfangabúðina frá A til Ö, fá ís í brauði sem hún skyldi svo eftir inni í Tiger í kassa fullum af böngsum, skamma ömmu sína hástöfum svo glumdi í einni verslunarmiðstöð eða svo, fyrir að vilja endilega fara inní Nettó sem væri leiðinleg búð, brosa og knúsa út pakka af frosnum bláberjum inni í þessari sömu leiðinlegu búð og týnast minnst tuttugu sinnum á þessum klukkutíma, þá var kominn tími til að amman færi í klippingu... Ég lýg því ekki að amman hefði með einstakri ánægju farið til tannlæknis og notið þess, eftir einn svona klukkutíma verslunarleiðangur með tæplega þriggja ára stelpuskotti.... En þetta var svakalega gaman og þegar ég fór svo að týna upp úr pokunum þremur þegar ég kom heim, kom í ljós að það eina vitræna sem hafði farið ofan í þá, var matur handa vælandi ketti og nýjir skór handa málaranum sullandi.... og hún ég ætlaði nú bara að kaupa Ajax Njótið dagsins elskurnar mínar allar... og barnabarnanna ef þið eruð svo heppin að eiga þau  Pé ess: Ég setti inn mynd af nýja "ekkialvegtilbúnaenlangtkomna" fataskápnum okkar

Athugasemdir

[Birna Dúadóttir, 9.7.2008 kl. 07:19]

Þau rúlla manni alveg upp þessar elskur

[Birna Dúadóttir, 9.7.2008 kl. 07:21]

Skápurinn er æði

[Jónína Dúadóttir, 9.7.2008 kl. 07:30]

Þau gera það svo sannarlegaJá skápurinn lofar góðu, við erum ferlega ánægð með hann. Förum í dag og pöntum hurðirnar á hann

[Birna Dúadóttir, 9.7.2008 kl. 07:34]

Þið eruð náttúrulega bara flottust

[Jónína Dúadóttir, 9.7.2008 kl. 07:39]

Sömuleiðis krúttið mittHvenær er áformað að skreppa austur í sveitir til Ernu ?

[Birna Dúadóttir, 9.7.2008 kl. 07:47]

Líklegast þegar bensínlíterinn hefur lækkað um ca 70 kr,til eða fráVeit ekki alveg.Ég ætla helst að vera á Ak,þegar Sylvía er á Landsmótinu-skáta.það er í lok júli.

[Jónína Dúadóttir, 9.7.2008 kl. 07:53]

Nú bara 70 krónur, þú biður ekki Guð um lítiðÍ lok júlí verður gestaherbergið okkar tilbúið fyrir þig

[Sigríður Jóhannsdóttir, 9.7.2008 kl. 08:34]

Æi, hvað þú ert heppin að vera amma. Ég vildi alltaf verða amma þegar ég var ung (yngri, er ung) en langaði ekkert að verða mamma. Svo laug því einhver að mar þyrfti að verða mamma fyrst. Sé svo margar ömmur í kringum mig sem ekkert eru mömmur, en ekkert bólar á ömmubarni hjá mér sem þó er mamma.

Það örlar á öfund hér að ofan (löstur sem ég hélt ég væri laus við). Greinilega yndislegt stelpuskott sem þú átt

[Einar Indriðason, 9.7.2008 kl. 08:46]

Það er ein spurning sem stendur upp úr hjá mér eftir lesturinn.  Þú segist hafa týnt henni 20 sinnum á klukkutíma.... og ... "þegar ég kom heim" ..... Nú er spurt, HVAR ER STELPAN?  Er hún ennþá í NETTÓ?  Eða er hún einfaldlega týnd?  Eða, kom hún kannski með þér heim, en þú gleymdir að skrifa "við" í staðinn fyrir "ég"?

[Jónína Dúadóttir, 9.7.2008 kl. 09:28]

Sigga mín: Það gerist þegar það á að gerastÉg veit þú verður frábær amma, þú mátt alveg eiga mína með mér þangað til

Einar minn: Úbbasía, ég vissi ég gleymdi einhverjuNei nei, bara svona smágrín sko.....liggur ekki í augum uppi elsku kallinn minn, að ég skilaði þessu skaðræði heim til foreldranna ?

[Einar Indriðason, 9.7.2008 kl. 09:35]

Jú, að sjálfsögðu skilaðirðu stelpunni á réttan stað :-)

(Minntu mig á að segja þér einhvern tímann frá krakkanum, sem slapp, komst í páskaeggjahilluna, og.... já.... þar bættist óvænt við eitt stykki af páskaeggi númer 6, í körfuna... hálfétið, og opnað.  Og með alveg svakalegum hávaða þegar mamman uppgötvaði skemmdarverkið......)

[Dísa (IP-tala skráð) 9.7.2008 kl. 09:39]

Þetta er enginn smá skápur næstum heilt herbergi eins og ég sagðiÞað er yndislegt að vera ammaég á 5 ömmubörn núna 3 dömur og 2 stráka

[Jónína Dúadóttir, 9.7.2008 kl. 09:40]

Æi, þau eru alveg yndisleg þessi börn......

[Jónína Dúadóttir, 9.7.2008 kl. 09:42]

Dísa mín: Það má alveg segja fataherbergi, er það ekki svo mikið í tískuTil hamingju með öll ömmubörnin, þú ert ofsalega rík

[Jóhanna Pálmadóttir, 9.7.2008 kl. 10:37]

Hún er greinilega alveg frábær, litla rófan

[Jokka (IP-tala skráð) 9.7.2008 kl. 12:11]

Greinilega verið mikið stuð með barnabarninu tíhí..  flottar skápar og örugglega miklu flottari en þessi ránrándýri sem þið voruð að spá í  

Sjáumst fljótlega

[Gunnar Helgi Eysteinsson, 9.7.2008 kl. 12:31]

Þetta er æðislega flott hjá ykkur - Ég fíla eldhúsið alveg í botn.

[Heiður Helgadóttir, 9.7.2008 kl. 12:37]

Ég er hrifin af þessu öllu saman hjá ykkur, fataskápurinn hefði nú bara átt að standa inní svefnherberginu mínu, fínar hyrslur, verða hvítar hurðir.

Eigðu góðan dag mín kæra

[Jónína Dúadóttir, 9.7.2008 kl. 15:51]

Jóka mín: Já hún er miklu sprækari en pabbinn þegar hann var á sama aldri

Jokka mín: Já sjáumst sem fyrst

Gunnar minn: Þakka þér fyrir, kærlega

Heidi mín: Takk, tími honum ekki og hurðirnar verða eikarlitaðarLjúfan mín njóttu dagsins

[Erna Evudóttir, 9.7.2008 kl. 21:40]

Ætliði ehv í frí, ég meina gera ekkert frí?

[Jónína Dúadóttir, 9.7.2008 kl. 22:02]

Já, við ætlum að skreppa austur á land eftir helgi

[Birna Dúadóttir, 9.7.2008 kl. 22:35]

Ninna prjónar svosem eins og eina lopapeysu á leiðinn austur

[Júdas, 9.7.2008 kl. 22:52]

Byrja snemma að ráða þessar elskur   

[Jónína Dúadóttir, 10.7.2008 kl. 06:58]

Birna mín: Það tekur ekki svo langan tíma að keyra

Júdas minn: Já þau fara eins langt og þau komast