Núna þegar ég fer á fætur...

... þá fer ég ekkert bara í fötin sem ég ætla að vera í, ég fer líka í líðanina eða kannski má segja að ég fari í karakterinn sem ég ætla að "vera í" yfir daginn. Og ég er ekki að grínast þegar ég segi að ég hugsa meira um í hvaða karakter ég ætla að vera, en í hvaða fötum.... ég hef aldrei verið mikil áhugamanneskja um föt, nota þau aðallega til að hylja nekt og halda á mér hita. Þau mega gjarnan vera heil samt og hrein og ekki neinum æpandi litum og karakterinn líka... eiginlega  Þetta er fyrir löngu síðan orðið að vana, ég stend ekkert fyrir framan spegil á hverjum morgni og æfi svipi eða setningar eða neitt svoleiðis, ég er ekkert að fara að flytja leikrit Þetta er meira þannig að ég ætla að reyna að gera daginn góðan svo ég geti hugsað með ánægju til hans í kvöld þegar ég fer að sofa, muna að ég hef svo margt til að gleðjast yfir, brosa, taka eftir því sem vel er gert og muna að tala um það, ekki bara hugsa það og helst gera góðverk, en ég lendi bara allt of sjaldan í þeirri aðstöðu að geta gert góðverk Þetta snýst auðvitað allt um að mér líði vel, þannig að ég er í rauninni að lýsa því í allt of mörgum orðum hvernig ég er innrætt... eigingjörn og sjálfselsk Í dag er ég að fara að vinna, núna er sumarfríið búið og ég verð send út um hvippinn og hvappinn í dagvinnunni alla vikuna, svolítið stressandi að vera bara á nýjum heimilum, en það er samt meira stressandi fyrir fólkið sem ég fer til, að vera alltaf að fá nýjar konur inn á heimilið. Svo er ég líka í kvöldvinnunni, en er svo þrælheppin að tveir af ekkibeinlínisuppáhaldsskjólstæðingunum eru að heiman alla vikuna, þannig að ég geng inn í daginn ferlega ánægð og vona bara að það smitist sem víðast Vona svo að þið öll eigið yndislegan dag og munið að brosa sem mest til þeirra sem eiga það síst skilið, þeir þurfa nefnilega mest á því að halda   

Athugasemdir

[Birna Dúadóttir, 21.7.2008 kl. 09:25]

Jamm góðan daginn

[Jónína Dúadóttir, 21.7.2008 kl. 09:53]

Jamm

[Erna Evudóttir, 21.7.2008 kl. 10:20]

Góðan og blessaðan bara

[Sigríður Jóhannsdóttir, 21.7.2008 kl. 10:21]

Alltaf jafn yndisleg Ninna mín. Ég held bara að þér takist alltaf vel upp við val á karakter. Er að fara í borg óttans, þannig að þegar engar athugasemdir koma frá mér er ég þó ekki búin að gleyma þér. Hafðu það gott heillin mín!

[Jóhanna Magnúsar- og Völudóttir , 21.7.2008 kl. 10:30]

Ef þér líður sjálfri vel þá áttu miklu betra með að láta öðrum líða vel. Ég er hrææææðileg þegar mér líður sjálfri illa, er eins og konan í VR auglýsingunni - hvæsi á þá sem ekkert hafa gert mér. Sem betur fer eru þau tilvik hverfandi fá, og sá sem lendir nú helst í því er blásaklaus og elskulegur maki minn sem kvartar aldrei.

Þú ert flott!

[Jónína Dúadóttir, 21.7.2008 kl. 12:34]

Erna mín: Já bara góðan og blessaðan

Sigga mín: Eða segir maður FRÚ Sigríður ? Til hamingju aftur með daginn heillin mín og þakka þér fyrir að gleyma mér ekkiHafið það gott í brúðkaupsferðinni

Jóhanna mín: Ég hvæsi helst ekki, nema þá bara á sjálfa mig og svo stundum á sambýismanninn... fer eftir ýmsu hvort hann hvæsir á mótiSjálf geturðu verið flott

[Jenný Anna Baldursdóttir, 21.7.2008 kl. 14:57]

Falleg lífsspeki hjá þér.  Ég reyni að tileinka mér þennan hugsanahátt og það er farið að ganga ágætlega (með hléum).

Njóttu dagsins.

[Hóffa (IP-tala skráð) 21.7.2008 kl. 16:46]

Ninna, þú ert alltaf að gera góðverk, þú bara veist ekkert endilega af því.
Að vera meðvitaður um karakterinn sem maður klæðist dag hvern og setja góðsemina og jákvæðnina á oddinn gerir svo ótrúlega mikið fyrir þann sem þú mætir.  -veit þó ekki um ekkibeinlínisuppáhaldsskjólstæðingana þína.
Sumu fólki er hreinlega ekki viðbjargandi  og þá notar maður til að þroska þolinmæði sína og til að vita hvað maður geti teygt sig langt án þess að missa sig.
Mér finnst þú frábærlega innrætt; eigingjörn og sjálfselsk  bara flott

[Jónína Dúadóttir, 21.7.2008 kl. 19:32]

Jenný mín: Mér finnst þú flott

Hóffa mín: TakkÞetta var fallegtVerð að útskýra svolítið með ekkibeinlínisuppáhaldsskjólstæðingana sko... ég er náttulega langbest og glaðlegust við þá, af því að þeir eiga það síst skilið, en þurfa mest á því að halda

[Tiger, 21.7.2008 kl. 21:27]

  Sko, Dúa .. pokakerling .. ég gruna að þú sért nefnilega einmitt týpan sem gerir góðverkin ósjálfrátt eða ómeðvitað. Þú ert svona "goodtobearoundtýpa" sem fær mann alltaf til að vera hálfglottandi og kátan..

Ég tek mig til líka á morgnanna - en ég hugsa miklu meira um útlitið en skapið - enda þarf ég ekkert að hugsa um skapið - bara að fara réttu megin framúr. Ef ég fer hægra megin framúr þá bíða mín rifin föt og úreld - ásamt leiðindaskapi - en ef ég fer vinstra megin þá eru þar tilbúin töff föt og hrikalega töff skap. Auðvitað fer ég alltaf hægra megin framúr .. not!

Þú ert sannarlega með lífsspekina réttu megin - fallegar hugsanir og fallegar áætlanir, en það er ekkert skrýtið - þetta ert þú!

Knús á þig spögguleringur - reyndu nú að vera í góðu skapi einu sinni!

[Jónína Dúadóttir, 21.7.2008 kl. 21:36]

Högni minn: Ég er virkilega að reyna að rembast við að vera í góðu skapi, svona til tilbreytingarEigðu ljúft kvöld vitleysingurinn minn

[Tiger, 22.7.2008 kl. 03:22]

  Ohmægoodd .. ég hélt að það væru bara rjúpur sem rembast  - en líklega eru það líka Dú-ur... passa sig svo ekki komi bremzuför sko you know - segiekkimeirasko!

Knús á þig skotta ...