Jónína Dúadóttir

Næstu dagana....

... blogga ég örugglega bara um gott veður, svo þið getið þá kannski alveg eins farið bara inn á veðurstofan.is... ef það er til Tounge

Kom því loksins í verk í gær að skila restinni af eldhúsinnréttingunni, þá rýmkaðist aðeins hérna inni í tölvuverinu Wink

Ætlaði líka að heimta með frekju, að fá haldið á síðasta skápinn... það er nú eiginlega komið að frekjunni sko, það er að verða svo svakalega langt síðan ég bað um þetta... en ég gleymdi því Pinch

Hélt nú ekki að vinnan mín væri neitt svo voðalega stressvaldandi, en um leið og ég byrjaði að vinna aftur fór ég að verða eins og einhver hefði misst hrærivél á yfirsnúningi inn í hausinn á mér og ég gleymi og fatta ekki og athyglisgáfan langt úti á túni.... Blush

Skyldi ég ekki geta fengið örorkubætur út á þetta ? Mér sýnist nefnilega af fréttum að það eigi að fara að skella einhverri upphæð í málefni öryrkja og af því að frekjan í mér er til umræðu, þá verð ég að segja að mér finnst upphæðin alls ekki nógu há, það er búið að svelta þetta málefni svo lengi. Og svakalega svíður það svo að vita, að töluvert af þessari upphæð fer beinustu leið til gerviöryrkjanna... þeir eru til, ég veit það og þið vitið það. Fólk sem hefur tekist að arga sig inn á bætur, en getur alveg unnið og gert allt sem það langar til og þarf að gera, vinnur svart, svíkur það allt undan skatti og kvartar svo yfir því að bæturnar séu ekki nógu háar Shocking

Það er svoleiðis fólk sem kemur óorði á þá sem virkilega í alvöru, neyðast til að þiggja þessar aumingjalegu lúsabætur og geta barasta alls ekkert unnið og aukið með því tekjur sínar, hvorki löglega né ólöglega..... Angry

Áður en ég missi mig alveg og geri veðurstofan.is að mun skemmtilegri lesningu en bloggið mitt, ætla ég að óska ykkur öllum góðs dags og góðs veðurs Smile