Æi...

Ég er búin að týna bloggvinalistanum af forsíðunni og hann kemur ekkert inn hvað sem ég reyni... Enda er ég nú ekki beinlínis beittasti hnífurinn í skúffunni þegar kemur að stillingum í tölvum Ég kann að kveikja á henni og er flink á lyklaborðið og hef látið það duga, svona í aðalatriðum, hef aldrei gefið mér tíma til að fikta mig áfram Ég hef líka litla sem enga þolinmæði þessa dagana.... skömm frá því að segja Augun eru bólgin og klesst saman, speglar eru ekki í uppáhaldi og lítil börn verða hrædd þegar þau sjá framan í mig og ég skil það afskaplega vel... Annars er ég á fullu að láta mér batna og hlakka til Verslunarmannahelgarinnar, þá koma Erna systir mín og fjölskylda austan af landi og Róbert bróðir minn og fjölskylda frá Danmörku og Birna systir er hér líka þessa dagana, í fyrsta skipti í mörg ár verðum við svona mörg samankomin á einum stað Svo á ég stefnumót við ungan myndarlegan mann, í stóru tómu húsi klukkan tíu á sunnudagsmorguninn   Hljómar kannski pínu rómó en er það samt ekki við nánari athugun... þetta er bara læknirinn sem ætlar að taka saumana úr andlitinu á mér. Fyrst ég er svona svöl að vilja fara í svona aðgerð rétt fyrir Verslunarmannahelgina, hans eigin orð, þá fæ ég alveg sérstaka þjónustu og þarf ekkert að bíða fram á þriðjudag til að láta taka þessi pyntingatæki úr andlitinu á mér Lífið er ljúft, ég fæ fullt af yndislegum gestum á hverjum degi og á von á fleirum fram að helgi, það er stjanað við mig á allan hátt, það er ekki hægt að hafa það betra Njótið dagsins elskurnar mínar allar, í yndislegu veðri

Athugasemdir

[Heidi Strand, 31.7.2008 kl. 06:59]

Hérna er link inn á færslu um hvað þú átt að gera.

http://jensgud.blog.is/blog/jensgud/entry/602808/

[Jónína Dúadóttir, 31.7.2008 kl. 07:58]

Heidi Strand: Þakka þér fyrir

[Jenný Anna Baldursdóttir, 31.7.2008 kl. 08:32]

Það var/er einfalt mál.  Fylgið þessu:

- Fara í stjórnborð

- Stillingar

- Útlit

- Síðueiningar

  Þið dragið bara tónspilarann,  bloggvinalistann og það allt úr hólfinu sem er lengst til vinstri á síðunni í hólfið hægra megin við það. 

  Muna svo að smella á "Vista breytingar".

Sé að Heidi er búin að linka á Jens.

[Dísa (IP-tala skráð) 31.7.2008 kl. 09:10]

Ekki ætla ég að reina að kenna þér neitt um tölvu því ég kann bara að kveikja og slökkvaEn það verður líklega stuð þegar  þið systkinin hittist ég bið að heilsa þeim öllum

[Erna Evudóttir, 31.7.2008 kl. 09:11]

Sjáumst Ninna mín, etum drekkum og verum bara jolly saman, alltof langt síðan

[Sigríður Jóhannsdóttir, 31.7.2008 kl. 10:10]

Kerlan mín, bólgin og blá. Láttu þér batna og ég er alveg viss um að þú finnur bloggvinina

[Jokka (IP-tala skráð) 31.7.2008 kl. 10:14]

Þú ert ekki svo skelfileg elskan mín  hef séð marga verri sem voru þá bara nývaknaðir hahahahaha...takk fyrir okkur í gær, kem bráðlega aftur

[Jónína Dúadóttir, 31.7.2008 kl. 18:37]

Jenný mín: Þakka þér fyrir, en þetta er ég margbúin að gera en það gerist samt ekkert

Dísa mín: Já það verður fjör, ég skal með ánægju skila kveðjum frá þér

Erna mín: Et, drekk ok ver gladr... það var meiningin

Ragna mín: Þakka þér fyrir mín kæra, það vona ég líka

Sigga mín: Ekki sjón að sjá mig skoBlogvinalistinn hlýtur að birtast einhvern daginn, en ég hef samt meira gaman af því að sjá bloggvini mína "læf"

Jokka mín: Þú ert yndisleg, þakka þér fyrirSjáumst

Hallgerður mín: Mér finnst þetta frábært

[Auja sys (IP-tala skráð) 31.7.2008 kl. 21:07]

fékkstu flotta smsfrá mér Ninna mín. þar sem ég kann nákvæmlega ekker tað senda úr þessum flotta gullsíma mínum ,  allavega er ég hér í hinni dásamlegu Svíþjóð í 30 stiga hita alla daga og golf, og  hvaðeina. Vona að þér batni fljótt og verðir slétt og fín í framan mín kæra systir he he Bið að heila hinum systkinunum,

hug och kram

Auja´sys í Örebro kemur heim 11. ágúst

[Þorsteinn Gunnarsson, 1.8.2008 kl. 02:38]

Ef þú finnur ekki bloggvinalistann þá vildi ég bara fullvissa þig um að ég var sko á listanum

Vonandi gekk andlistlyftingin vel fyrir sig... já já þessir einkalýtalæknar þeir taka nottla á móti svona skvísum á öllum tímum sólarhrings

Góðan bata stelpa og góða og gleðilega verlunarmannahelgi með öllu undir

Kv. í heiðardalinn

[Jónína Dúadóttir, 1.8.2008 kl. 06:12]

Auja mín: Jú takk elskan, ég fékk alveg mega flott sms frá þérSkila kveðjum frá þér og sjáumst

Steini minn: Þú þarft sko ekkert að minna mig á að þú ert á mínum bloggvinalistaÞakka þér fyrir minn kæri, bæði fyrir góðar óskir og þetta með skvísuna

[Gunnar Helgi Eysteinsson, 1.8.2008 kl. 12:20]

Ef þú þarft hjálp, ekki hika við að hafa samband...