Kannski mundi honum sárna......

Las frétt um nálgunarbann, vissi ekki að það væri komið í notkun hér á landi. Hefði kannski aðeins þurft að hafa not af því í den, en þá var það eiginlega bara til í amerískum bíómyndum. Fréttin sem nálgunarbannið kom fyrir í, lýsir svo viðbjóðslegri mannvonsku að ég verð reið og nú er ég ekki oft reið. Mannkvikindi níddist svo á sambýliskonu sinni á allan hátt, í einhver ár og ég gat ekki á heilli mér tekið eftir lesturinn. Mikið svakalega hefði ég níðst á honum sjálf ef ég hefði náð honum þá, friðsemdarmanneskjan ég.... Það er auðvitað ekki fallegt að kalla einhvern mannkvikindi en mér er alveg sama og ég segi það aftur og aftur... Helvítis mannkvikindi ! Og ef einhverjum dettur í hug að fara að afsaka þetta helvítis mannkvikindi á einhvern hátt þá er mér að mæta ! Ég hlusta ekki á að kannski hafi hann fengið slæmt uppeldi eða verið níðst á honum í æsku eða lent undir valtara með hausinn eða drukkið einhverja ólyfjan ! Mér er alveg sama þó það væri allt þetta, það hefur samt ekki getað komið í veg fyrir að hann gerði sér grein fyrir því, að svona kemur maður ekki fram við aðra manneskju ! Það vantar alveg greinilega heilu kaflana í hausinn á helvítinu, en allt þetta sem hann gerði konunni var sko ekkert óvart eða ómeðvitað.... Ekkert væl um neitt svoleiðis í mín eyru ! Og ef einhverjum svo mikið sem dytti í hug að hugsa að konan sjálf beri einhverja ábyrgð á því hvernig komið var fram við hana þá verð ég ekki eldri og missi alla trú á mannfólki ! Ok þetta er svona upphrópunarmerkjapistill en ég gat ekki setið á mér... Ég var ekki alltaf í góðum málum síðustu árin í minni sambúð, svo ég þekki upplifun fórnarlambsins og fyrir mig var það alveg miklu meira en nóg, en svona hrylling þurfti ég þó aldrei að upplifa eins og þessi vesalings kona.... Svo skil ég ekki af hverju helvítis mannkvikindið gengur laus og það má ekki framlengja nálgunarbannið. Af hverju ekki ? Gæti honum sárnað ?!?! Ég sendi þessari vesalings konu allar mínar hlýjustu hugsanir og vona að Guð gefi að hún nái sér sem best og helvítis mannkvikindið fái meira en 2 mánuði skilorðsbundið eða eitthvað annað álíka hneyksli... Búin, hætt, farin....

Athugasemdir

[Birna Dúadóttir, 11.8.2008 kl. 07:59]

SammálaÞað mætti taka gaurinn og .....

[Jónína Dúadóttir, 11.8.2008 kl. 08:06]

Birna mín: Jú jú ég þykist alveg vita það sem þú skrifaðir ekki....

[Heiður Helgadóttir, 11.8.2008 kl. 08:14]

Því miður er eins og að karlmenn sem að misþyrma konum og börnum, sleppi létt undan, kemur til greina að ástæðan sé að dómarar eru oft karlmenn, og að þeir haldi með sínu eigin kyni. Auðvitað ætti að taka mann fjandann og snúa hann úr h......, eða hreinlega skera u.... h....

[Jónína Dúadóttir, 11.8.2008 kl. 08:21]

Heidi mín: Ég veit ekki hvort það er ástæðan eða bara allt orðið svo sýkt af peningum að þeir skipta meira máli en fólk

[Birna Dúadóttir, 11.8.2008 kl. 08:23]

Ætli sumum finnist ekki bara klárt mannréttindabrot að loka "greyið"inni

[Jónína Dúadóttir, 11.8.2008 kl. 08:31]

Birna mín: Mér bara finnst svona prívat og persónulega ekkert nóg að loka hann bara inni

[Jenný Anna Baldursdóttir, 11.8.2008 kl. 10:03]

Mér er óglatt út af þessu máli.

[Jónína Dúadóttir, 11.8.2008 kl. 10:21]

Jenný mín: Mér líka.

[Einar Indriðason, 11.8.2008 kl. 10:22]

Og, það er nú ekki eins og nálgunarbannið á hann hefði skert hans réttindi mikið.  Hann hefði ekki mátt vera nær en 50 metra við konuna, eða heimili hennar.  Hann hefði ekki mátt hafa samband við hana.

Þetta eru nú ekki mikil skerðing á hans frelsi.

(Einhver var að spekúlera um daginn, hvort það gæti verið hugsanlega, kannski, að þessi maður væri einhvers staðar háttsettur í Flokknum?  Miðað við hvaða dómarar í Hæstarétti gáfu grænt ljós - Jón Steinar, og hann þarna ... Börkur.... báðir skipaðir af Flokknum, og gott ef það var ekki ansi hvasst um báðar skipanirnar?)

En, já.  SVEI!

[Jónína Dúadóttir, 11.8.2008 kl. 10:30]

Einar minn: Er verið að tala um 50 metra ?????Já SVEI.....

[Einar Indriðason, 11.8.2008 kl. 11:03]

Tja... já... ef ég heyrði fréttina rétt, þá eru þetta 50 metrar sem hann má ekki koma nær konunni.  Gætu *hugsanlega* verið 100 metrar.  En, hvort heldur sem er... þetta er ekki mikil frelsisskerðing á hans hreyfingum.  Ekki sem réttlætir það að hann skuli ekki vera settur í áframhaldandi nálgunarbann.

Hann, semsagt, má í dag, "dangla" í hana, með opinberu leyfi frá þeim félögum, Jóni Steinari, og Berki.

[Jónína Dúadóttir, 11.8.2008 kl. 11:07]

Einar minn: Ég hélt ég hefði lesið 500 metrar og fannst það ekki nándar nærri nóg....... Hann má standa á tröppunum hjá henni, tala við hana..... bara gera það sem honum sýnist

[Jokka (IP-tala skráð) 11.8.2008 kl. 11:53]

Ég skil ekki svona dómara, og það er kannski ljótt að segja það en mér datt hreinlega í hug að þessir dómarar hefðu verið í "kúnnahópnum" hjá þessum manni, þar sem hann jú auglýsti konuna á netinu andsk djöf viðbjóður  ég er á móti dauðarefsingum en ekki í þessu máli. Og ég líka spyr, afhverju leitar lögreglan ekki uppi þessa menn sem nauðguðu konunni eftir að hafa svarað auglýsingu á netinu og ákærir þá líka? Ha? mér er bara spurn?!? Urrrrrrr

[Jónína Dúadóttir, 11.8.2008 kl. 12:18]

Jokka mín: Jamm urrrrrrrrrrrrrrrÉg held það sé ekkert hægt að láta sér detta í hug ljótara en svona mál, hvernig sem maður reynir....

[Sigríður Jóhannsdóttir, 11.8.2008 kl. 12:42]

Viðbjóður þetta mál allt saman!

[Jónína Dúadóttir, 11.8.2008 kl. 13:28]

Sigga mín: Sannarlega

[Jóhanna Magnúsar- og Völudóttir , 11.8.2008 kl. 14:22]

... úff..

[Kolgrima, 11.8.2008 kl. 16:37]

Þetta er ömurlegt - ekki síst í ljósi þess að hann braut nálgunarbannið.

[kona (IP-tala skráð) 11.8.2008 kl. 20:42]

...

[Jónína Dúadóttir, 11.8.2008 kl. 21:47]

Jóhanna mín: Jamm....

Kolgríma : Já og svo bættist það við.....

kona: ?

[Skattborgari, 11.8.2008 kl. 23:02]

Það eru yfirleitt menn sem eru óöruggir með sig sem eru að berja konunar sínar. Halda sennilega að það geri það að verkum að það komi ekki fram hvað þeir eru óöruggir með sig og litlir menn.

Vonandi jafnar konan sig og vonandi fær mannandskotinn góðan dóm.

Kveðja Skattborgari.

[Jónína Dúadóttir, 12.8.2008 kl. 07:03]

Skattborgari: Jú kannski er það ein ástæða....