Af gefnu tilefni...

... vil ég taka það fram að mér leiðist aldrei Það á ekkert að lesa á milli línanna af því að það stendur ekkert þar... það á að lesa orðin sem mynduð eru úr bókstöfunum, sem standa hvert á eftir öðru í línunum... vitleysingarnir ykkar Að vísu verð ég að viðurkenna að mér leiðist svolítið að geta ekki opnað útvarp, sjónvarp eða lesið blöðin án þess að þurfa að heyra, sjá og/eða lesa Ruglið í Reykjavíkurborg. Það er alveg furðulegt að þarna skuli geta safnast saman í einu ráðhúsi, svona stór hópur af fólki sem virkilega hefur það bæði sem atvinnu og áhugamál, að sjóða saman rugl og vitleysu og troða á vinum og óvinum, flokkssystkinum sem og fólki úr öðrum flokkum... Ég er alveg hætt að nenna að fylgjast með þessu fáránlega, en þó um leið verulega sorglega leikriti og ég get bara ímyndað mér hvernig fólki í sjálfri borginni líður... Bara til dæmis það, að sjá verulegan slatta af peningunum sem borgin hefur til umráða, þessum þarna peningum sem borgarbúar svitna við að vinna sér inn, flögra í risastórum  fúlgum í formi biðlauna, til allra þessara fyrrverandi borgarstjóra sem hafa setið, bara á þessu kjörtímabili og það er ekki líkt því búið.... Hlýtur að vera ferlega svekkjandi og fólk yrði alveg örugglega sáttara við að sjá þessa peninga fara í eitthvað þarfara... Borgarbúar, þið eigið alla mína samúð og ég vona að þið séuð búnir að fá að sjá síðasta þáttinn í þessu fáránlega leikriti, sem er bæði illa samið og illa leikið. Stjórnmálaumræðu lokið þennan daginn, næst kem ég með einhver öðruvísi leiðindi Gangið glöð inn í daginn og munið að stefnuljósastöngin er vinstra... nei hægra... nei vinstra megin...

Athugasemdir

[Sigríður Jóhannsdóttir, 15.8.2008 kl. 08:36]

Ótrúleg þessi borgarmál öll. Hvað ætli þessi meirihluti sitji lengi? Menn leika sér þarna með lýðræðið sem fyrir rúmum 60 árum skipti Íslendinga svo miklu máli, sorglegt.

Í dag verða allir með stefnuljós og rúðuþurrkur á fullu. Farðu vel með þig heillin mín!

[Jónína Dúadóttir, 15.8.2008 kl. 08:40]

Þetta er svo mikið rugl að mér dettur ósjálfrátt í hug að þetta lið sé alltaf að skíta endalaust í heyið....

[Dísa (IP-tala skráð) 15.8.2008 kl. 08:46]

Já þetta er orðið frekar leiðinlegt leikritÞað þarf að skipta um bæði leikstjóra og handrits höfunda

[Jónína Dúadóttir, 15.8.2008 kl. 08:53]

Alveg rétt, það er mikil þörf á því... strax !

[Jónína Dúadóttir, 15.8.2008 kl. 10:03]

Þakka þér fyrir Ragna mínJú það lítur einna helst út fyrir að hver sé að skara eld að sinni eigin köku, en gleymi að hugsa um hvað sé borginni og fólkinu þar fyrir bestu

[Jokka (IP-tala skráð) 15.8.2008 kl. 10:08]

Heyr heyr!!

Eigðu góðan dag heillin mín

[Birna Dúadóttir, 15.8.2008 kl. 12:48]

Æts þetta er svo sem ekki skárra hérna í sveitinni

[Jónína Dúadóttir, 15.8.2008 kl. 12:55]

Jokka mín: Sömuleiðis takk

Birna mín: Jú líklega, bara ekki eins áberandi...

[Tiger, 15.8.2008 kl. 13:20]

 Hahaha ... alltaf sömu leiðindin í þér addna piparjómfrúin þín! Það er heilmikið hægt að lesa á milli línanna þinna ætíð. Hér les ég að þú hefur ekkert betra að gera en velta þér uppúr borgarpólitík þó þú búir langt aftur á norðurpólnum. Finna sér áhugamál bara addna ... gefa Dú-unum t.d.

En, ég er svo sammála þér - ég þoli ekki allt þetta pólitíska fjaðrafok í öllum fjölmiðlum. Best væri ef það væri bara ein opin sjónvarpsstöð og eitt ríkisblað - sem flytti allar pólitískar fréttir. Banna ætti öllum öðrum að spá í hlutina ...

En, þegar mér leiðist - þá poppa upp hinir ýmsustu leiðinlegu karektarar sem vaða fram á ritvöllinn - í eigin nafni en misnota sér mitt lyklaborð - og eru svo bara með leiðindi á blogginu. Mitt verkefni er að svæfa slíka poppara sko ...

En, svona í lokin eru hér nokkur kíló af knúsi - vona að þú farir sparlega með þau ljúfust - því mar veit ekki hvenær næst verður tími til að athugasemdast - þó ég muni nú láta í mér heyra eitthvað. Farðu vel með þig kerfisvillan mín !!

[Jónína Dúadóttir, 15.8.2008 kl. 17:35]

Högni minn: Þú vakandi á þessum tíma sólarhrings ? Gaman að þvíJamm ég kíkti á einn leiðindakarakterinn sem ég hafði að vísu alveg misst af, hana "lolitulitlu" stelpuskömminaSpara aldrei neitt skal ég segja þér, sérstaklega ef það er eitthvað gott, þannig að ég klára knúsinFarðu vel með þig kettlingurinn minn og komdu heill heim