Jónína Dúadóttir

Slapp fyrir horn... held ég...

Vil trúa því að ég hafi í gær bjargað húsmóðurferli mínum fyrir horn, allavega um stundarsakir Wink Tók mig til og arkaði fram í þvottahús í þessu fína tiltektaræði og fann ýmislegt sem ég hafði ekki séð lengi, eins og til dæmis vaskinn og vaskabekkinn Whistling Henti 2/3 af fletum okkar eðla heimiliskattar, ég á bara eitt rúm þannig að það ætti að duga honum líka. Fór með allar flöskur og dósir niður í kjallara, maður hendir sko ekki svoleiðis, maður fer með í endurvinnslu, verst hvað þetta er farið að taka mikið pláss eftir að gefin var út sú tilskipun að það ætti að flokka þetta nákvæmar s.s. í plast, gler og ál. Fj... þrír pokar þá í staðinn fyrir einn eins og var... GetLost Þvottahúsið okkar var nú ekki stórt þegar við fluttum inn og það stækkaði ekkert heldur, þegar við vorum búin að koma þar fyrir þvottavél og þurrkara, frystiskáp og frystikistu, hún er að vísu ekki stór eiginlega bara yfirstærð af skókassa, en hún þarf samt pláss. Og auðvitað fleti og kúkakassa okkar eðla heimiliskattar, en það slapp passlega undir vaskabekkinn, þennan sem ég fann svo aftur þarna í gær Tounge Á meðan ég var að skurka þarna frammi, truflaðist auðvitað einn af 23 föstum dagslúrum okkar eðla heimiliskattar og hann fékk pólitískt hæli frammi á forstofumottunni á meðan. Það var þá sem hann gerði sér ljóst, hvað nú blaðburðarfólk er í raun hættulegt fólk Grin Þarna lá hann og mókti í sakleysi sínu, þegar allt í einu datt blað inn um bréfalúguna og honum brá svo svakalega að hann hentist í einni hreyfingu, upp af mottunni, yfir holið, inn í eldhús, þaðan inn í þvottahús, upp á frystikistuna og út um gluggann og ég gat ekki betur séð en fæturnir kæmu ekki niður fyrr en hann var kominn út á lóðina í þarnæsta húsi... og allt tók þetta í mesta lagi 3 sekúndur LoL Eigið góðan dag elskurnar mínar allar og munum brosin Smile

Flokkur: Bloggar | 21.9.2008 | 08:07 (breytt kl. 16:06) | Facebook

Athugasemdir

Eins gott að Lúsifer fékk ekki vægt hjartaáfall litla druslan. Hann passar sig á bréfalúgunni í framtíðinni. Eigðu frábæran sunnudag, þú varst heppin að vera ekki á leiðinni til Rhodos í gær, systir mín var ein af hópnum sem að þurfti að fara til Eigilsstaða, þar sem að flugvélin gat ekki lent á Akureyri sökum veðurs

Heiður Helgadóttir, 21.9.2008 kl. 09:24

Heidi mín: Já greyið, hann slapp bara furðuvelVar einmitt búin að hugsa mér að fara í þessa ferð en þurfti að hætta við vegna vinnunnar

Eigðu líka frábæran sunnudag

Jónína Dúadóttir, 21.9.2008 kl. 09:29

Góður

Birna Dúadóttir, 21.9.2008 kl. 09:45

Birna mín:

Jónína Dúadóttir, 21.9.2008 kl. 09:48

Góður þessi. Hafðu það gott mín kæra

Sigríður Jóhannsdóttir, 21.9.2008 kl. 10:21

Sigga mín: Sömuleiðis mín kæra

Jónína Dúadóttir, 21.9.2008 kl. 10:44

Góðan daginn Ninna mín kötturinn hefur lifað þetta af

Dísa (IP-tala skráð) 21.9.2008 kl. 11:22

Dísa mín: Góðan daginn vina mín, ójá já, betri en nýr

Jónína Dúadóttir, 21.9.2008 kl. 11:27

Sko, spáðu í því hvað kötturinn hefði getað fengið í hausinn á sér á góðum degi... Öll Pizzu tilboðin, húsgagnahöllin, Rúmfatalagerinn, Hagkaupsbæklingurinn, Bónusbæklingurinn, Nóatúnsbæklingurinn, Auglýsingar um fimleika fyrir krakkana, auglýsingar um sjónvarpsdagskránna, nýji bæklingurinn frá IKEA, Fréttablaðið, 24 stundir, Þéttur sunnudagsmoggi með aukablaði, Flugeldabæklingar frá Skátunum, Landsbjörgu, fjórir einkaaðilar sem eru komnir í harða samkeppni í flugeldasölunni, Tilkynning frá bænum um að núna standi tiltektarvika yfir.

Ég held þú ættir að fara að byggja veltibúr á köttinn, og láta köttinn ganga um með svona snorkel. Þannig að ef kötturinn er kaffærður aftur... þá amk kremjist hann ekki, og geti náð andanum.

Einar Indriðason, 21.9.2008 kl. 11:28

Einar minn: Alltaf ferskastur

Jónína Dúadóttir, 21.9.2008 kl. 11:31