Vaskinn/vaskurinn...

Hérna um daginn tókst mér með miklu harðfylgi og einhverskonar misheppnuðum húsmóðurtöktum, að stífla vaskinn í eldhúsinu... Aðferðin er einföld, hella bara soðinu af nýja slátrinu í vaskinn og fara svo fram og svara í símann og fara til dyra í einni og sömu ferðinni og gleyma algerlega að láta renna heitt vatn á eftir slátursoðsfitugumsinu... Áberandi mikil kreppa í toppstykkinu á mér þann daginn... Aðferðin við að losa fj... stífluna var ekki eins einföld, eitt góða ráðið sem ég fékk var að sprauta uppþvottalegi ofan í rörið og láta liggja í sólarhring... en nei takk, hérna megin er ekki nokkur einasta þolinmæði til að bíða í heilan sólahring með vaskinn fullan af ógeðslegu sulli, ég þarf að not´ann, oft á dag. Og þó það séu þrír aðrir vaskar í húsinu og allir á einni og sömu hæðinni, þá vil ég samt hafa þennan starfandi í mína þágu og ekkert röfl Ég rauk í hendingskasti milli vinna og keypti eitthvað stórhættulegt efni í appelsínugulum brúsa, mokaði öllu sullinu úr vaskinum og hellti svo öllu eitrinu úr brúsanum ofan í rörið svo langt sem það náði... Lét renna kalt vatn eftir X tíma á eftir eins og stóð í leiðbeiningunum, já ég las þær reyndar... en þar lét ég auðvitað gabba mig, það gerðist ekkert... Drullusokkurinn dugði ekkert heldur, svo ég gerði það eina sem hægt var að gera í þessari alvarlegu stöðu... beið þangað til spúsi minn kom heim, hann reif eða öllu heldur skrúfaði sundur rörin undir vaskinum og losaði auðvitað stífluna... Og boðskapurinn með þessari frásögn ? Akkúrat alls enginn... ég er bara að leyfa ykkur að skyggnast aðeins inn í eldhúsið mitt með mér Bíðið bara þangað til ég fer að birta uppskriftir hérna... ekki samt halda niðri í ykkur andanum á meðan þið bíðið... Eigið dásamlegan dag, öll sem eitt

Athugasemdir

[Jenný Anna Baldursdóttir, 8.10.2008 kl. 09:42]

Mér varð óglatt.  Slátur er sko ógeðslegt, líka í vöskum.

En þetta appelsínugula dæmi er handónýtt, lenti í stífluðum vask og það gerði ekkert fyrir mig.

Njóttu dagsins.

[Ía Jóhannsdóttir, 8.10.2008 kl. 09:45]

Ojjojoj... hef lent í þessu líka.  Ógeðslegt og hrikalega pirrandi.  Njóttu dagsins án kreppufrétta, það er mottóið mitt í dag.  Ætla ekki að skoða blöðin eða opna fyrir TV.   

[Jónína Dúadóttir, 8.10.2008 kl. 09:51]

Jenný mín: Þetta var ógeðslegt, en slátrið þ.e.a.s.  lifrarpylsan er góðNjóttu dagsins

Ía mín: Ég er búin að vera í fréttabindindi í marga daga og líður fjarskalega vel með þvíEigðu góðan dag

[Líney, 8.10.2008 kl. 10:11]

hahaha er hægt að panta  þig í stíflulosun? Er nefnilega  með allt stíbblað á baðinu,þegar einhver fer í sturtu fer allt á flot...ég er búin að reyna  þetta appelsínugula  drullumall og  það  virkar ekkert... knús norður heiðar.

[Jokka (IP-tala skráð) 8.10.2008 kl. 11:07]

Elska slátur..en get ekki borðað það fnusss...sé þig kannski síðar í dag heillin mín

[Jónína Dúadóttir, 8.10.2008 kl. 11:48]

Líney mín: Frekar að fá spúsa minn í það, ég virka ekki nógu vel

Jokka mín: Ég verð heima

[Sigríður Jóhannsdóttir, 8.10.2008 kl. 17:35]

Þetta kemur fyrir á bestu bæjum og hefur ekkert með höfuðkreppu að gera Hafðu það gott með lifrapylsunni góðan mín

[Birna Dúadóttir, 8.10.2008 kl. 17:37]

Elskan mín,ég er að selja alveg brilliant stíflulosunarefni.Kannski soldið langt fyrir þig að sækja það

[Þorsteinn Gunnarsson, 8.10.2008 kl. 17:41]

Muna bara að kaupa ekki "náttúruvæna" stíflueyða... Allt náttúruvænt er ónýtt...þarna slátrarinn þinn... svona ef þú skyldir lenda í annarri kreppu og vidir ekki láta spúsann komast að því  

Kv. í Heiðardalinn

[Jónína Dúadóttir, 8.10.2008 kl. 21:08]

Sigga mín: Takk væna mín

Birna mín: Jaaa svona kannski heldur langt, en ég efast ekkert um gæðin

Steini minn: Slátrari hvað meinarðu.... veist þú EKKERT um konur ungi maður ?Bara grín, takk fyrir góð ráð minn kæri

[Skattborgari, 8.10.2008 kl. 22:40]

En gaman eða þannig. Sýnir að konur geta ekki gert 2 í einu.

Kveðja Skattborgari.

[Birna Dúadóttir, 8.10.2008 kl. 22:41]

[Jónína Dúadóttir, 9.10.2008 kl. 05:50]

Skattborgari: Jú þetta sannar bara að við getum gert minnst þrennt í einu en ef ég ætla að gera allt á sama tíma hlýtur eitthvað að fara úrskeiðis

Birna mín: