Smá sól auðvitað :-)

Það er smá sólarglæta úti og ég er að herða mig upp í að fara í Bónus eða bara einhverja svona verslun, mér er nokk sama hvað hún heitir Mér leiðist óhuggulega að versla en má til þegar hér er orðin sannkölluð þurrabúð... sérstaklega þegar ekki er til mjólk í kaffið mitt, þá er nú fokið í flest skjól og ég drattast þá út auðvitað, ekki má mig sjálfa nú vanta neitt... Dóttir mín elskuleg hringdi frá Gautaborg í morgun og var að hafa áhyggjur af því að mamman væri alveg blönk Fréttirnar sem þær heyra þarna úti benda til þess að allir íslendingar séu svangir og hafi hvorki í sig né á og ekki til ein einasta króna í neinu koti. Það er heldur ekki hægt að kaupa íslenskar krónur í sænskum bönkum þessa dagana, þær eru einfaldlega ekki á boðstólum Annars góð, fyrir utan það að vera að hrökkva upp af úr leti... Eigið góðan dag elskurnar mínar allar og munið brosin og knúsin  

Athugasemdir

[Líney, 12.10.2008 kl. 13:54]

Já   gott að eiga góða að sem hugsa til manns. Hvernig hefur Kata  það annars þarna úti,fer hún ekkert að koma heim eða er hún kannski alflutt?

Ég las fréttir um ísland í nokkrum erlendum fréttamiðlum og  margar voru á þá leið einmitt að fólk stæði frammi fyrir að verða hungurmorða,engir seðlar væru   til á íslandi því margir hefðu tekið  allt sitt út úr bönkunum og svæfu með undir koddunum og það væri ástæða þess að hraðbankar væru tómir

Þetta er svona  álíka og að  sumir trúa því enn að  við búum í moldarkofum og snjóhúsum

Sendi og knús  norður heiðar og  megir þú njóta kaffibollans

[Jónína Dúadóttir, 12.10.2008 kl. 14:32]

Líney mín: Já það er svo notalegtHún Kata mín hefur það þrusugott og er ánægð með lífið og tilveruna. Hún var að klára háskólanámið í vor, er núna virðulegur félagsráðgjafi hjá sænskum og er svo sannarlega ekkert á leið heim, nema bara í heimsóknir... en þó það

Knús til þín líka mín kæra og góða helgarrest

[Skattborgari, 12.10.2008 kl. 15:01]

Ástandið er ekki gott hér í dag sérstaklega þegar erlendir fjölmiðlar tala eins og það sé verra en það er.

Ofboðslega er ég sammála þér að það sé hundleiðinlegt að versla inn.

Kveðja Skattborgari.

[Jónína Dúadóttir, 12.10.2008 kl. 16:40]

Skattborgari: Eigðu sælan sunnudag

[Jenný Anna Baldursdóttir, 12.10.2008 kl. 16:58]

Vá er verið að dramatisera ástandið í Sverige.  Hahaha.

Sól í sinni og sól inni.

[Jokka (IP-tala skráð) 12.10.2008 kl. 17:13]

Ekki hrökkva upp af af leti kona góð! Ertu kannski að safna orku svo þú getir dansað upp á borðum 8.nóv

Eigið góða daga elskurnar

[Birna Dúadóttir, 12.10.2008 kl. 17:40]

Bíddu nú við,hvar ætlar þessi kona að dansa uppi á borðum

[Jónína Dúadóttir, 12.10.2008 kl. 20:25]

Jenný mín: Já heldur betur

Jokka mín: Spurningin var: Biggi og hvaða her ætla að draga mig upp á borð til að dansa ?

Birna mín: Konan dansar helst ekki og þá alls ekki uppi á borðum

[Jónína Dúadóttir, 12.10.2008 kl. 21:15]

Birna mín: Ég gleymdi sko að í Allanum 8. nóvember n.k. verða hún Jokka mín og félagar í hljómsveitinni Frum að spila fyrsta giggið sittÉg ætla að reyna að mæta þrátt fyrir háan aldur og vinnuþrælkun...

[Jokka (IP-tala skráð) 12.10.2008 kl. 21:57]

Öss ég treysti alveg Bigga hiklaust til að draga þig upp á borð tíhí...alveg einn og óstuddur hahahhahaha en ég vona að þið skötuhjú sjáið ykkur fært að mæta þrátt fyrir mikið annríki, aldur og fyrri störf eru ekki tekin með tíhí...

[Líney, 12.10.2008 kl. 23:27]

Bið að heilsa  Kötu  frænku og nýutskrifuðum Félagsráðgjafa þegar þú heyrir í henni næst,vá hvað hún er flott  Gott að heyra að   allt gengur vel.

[Jónína Dúadóttir, 13.10.2008 kl. 06:00]

Jokka mín:

Líney mín: Þakka þér fyrir mín kæra, ég skila því

[Ía Jóhannsdóttir, 13.10.2008 kl. 16:13]

Knús á þig vinkona

[Jónína Dúadóttir, 13.10.2008 kl. 17:28]

Ía mín: Og annað til baka á þig mín kæra

[Áslaug (IP-tala skráð) 13.10.2008 kl. 21:10]

Datt hér inn fyrir algjöra slysni... sammála þér með þetta búðarstand, leiðist það óskaplega!! En veistu þetta gerist líka hjá mér, bara allt í einu galtómur kofi pufffffff, þá VERÐUR maður að skella sér í Bónus:) Hafið það gott  í þínu koti, með baráttukveðju úr mínu koti.

[Jónína Dúadóttir, 13.10.2008 kl. 21:32]

Áslaug: Takk fyrir innlitið og baráttukveðjurnar