Ættfræði 000...

Móðuramma mín, mamma og yngsta systir eru svona ættfræðisnillingar... amma er að vísu dáin en ég geri samt ekkert ráð fyrir því að henni hafi farið neitt aftur við það Ég er kannski ekki alveg á sömu hillu og þær með ættfræðina, veit svona nokkurnveginn hvað ömmur og afar hétu... held ég... en ekkert svo rosalega mikið framyfir það. En ég er nú ekki alveg tóm samt, ein nýja bloggvinkonan mín er til dæmis tengdamóðursysturdóttir mín og næstelsta dóttir tengdadóttur föðurafa míns, er ég... þannig að þið sjáið að ég veit nú svona ýmislegt Svo veit ég alveg líka hvaða börn ég á og að spúsi minn er frændi barnanna minna... sko pabbi hans og amma þeirra eða var það amma hans og pabbi þeirra... voru mikið skyld, systkini alveg örugglega eða eitthvað... Jæja... alltaf í ættfræðinni bara... Ég virkilega verð að rífa mig upp á rassg... í dag og þrífa hérna í húsinu okkar, hún dugar ekkert lengur uppáhaldsaðferðin mín, þ.e. að ganga bara um með lesgleraugun á andlitinu. Þá nefnilega sé ég allt í móðu frá mér, en nú er svo komið að skíturinn er alltaf að færast nær og nær, þrátt fyrir lesgleraugun og ég get svo svarið það að ég er farin að sjá hann töluvert skýrt bara... Og þar sem ég er búin að fatta það að húsið okkar er ekki sjálfhreinsandi, ég hefði nú ekki keypt það ef ég hefði vitað það, þá verð ég líklega að argast í þetta þegar líður á daginn   Farið varlega í dag yndin mín öll og munið að skafa almennilega af bílrúðunum, það er beinlínis hættulegt að búa bara til eitt lítið gægjugat, svona eins og rétt fyrir annað augað, í frostið á framrúðunni

Athugasemdir

[Erna Evudóttir, 16.10.2008 kl. 08:11]

Þér er nú alltaf að fara fram í ættfræðinni

[Jónína Dúadóttir, 16.10.2008 kl. 08:32]

Ragna mín: Góðan daginn mín kæra og sama til baka

Erna mín: Já finnst þér það ekki bara, mig var farið að gruna þetta

[Dísa (IP-tala skráð) 16.10.2008 kl. 08:51]

Góðan dag erum komin heim á klakann aftur

[Einar Indriðason, 16.10.2008 kl. 08:52]

Eftirfarandi heyrði ég frá svolítið örum ættfræðingi, sem var svona... aðeins að flýta sér:

"Heyrðu, já, ömmur þeirra voru bræður.  Eh.. ég meina... afar þeirra voru systur..."

[Jokka (IP-tala skráð) 16.10.2008 kl. 08:54]

Hva heyrist þú vita alveg nóg um ættfræði tíhí...ástarþakkir fyrir mig í gær, sennilega er linsurnar mínar skrýtnar því ég gat ekki séð nein óhreinindi hjá þér kona góð, alltaf jafn notalegt að koma til ykkar

[Jónína Dúadóttir, 16.10.2008 kl. 09:10]

Dísa mín: Velkomin aftur, ég var farin að sakna þín mín kæra

Einar minn: Já og ömmur þeirra geta líka hafa verið fermingarbræður

Jokka mín: Fáðu þér nú almennilegar linsur vænaTakk fyrir komuna elskið mitt

[Skattborgari, 16.10.2008 kl. 09:24]

Það er ágætt að þrífa íbúðina á 3-5vikna fresti og fá svo einga gest í heimsókn þegar það eru liðnar 2 vikur frá því að það var tekið til síðast. Ég hef aldrei getað skilið hvað er gaman við ættfræði.

Kveðja Skattborgari

[Jónína Dúadóttir, 16.10.2008 kl. 11:56]

Skattborgari: En að hafa það þá bara 2 vikur ?Mín tegund af ættfræði er skal ég segja þér alveg stórskemmtileg

[Birna Dúadóttir, 16.10.2008 kl. 12:25]

Held þú sért komin framúr mér í ættfræðinni gæskan

[Jenný Anna Baldursdóttir, 16.10.2008 kl. 12:34]

Halló, er snjór hjá ykkur?

[Jónína Dúadóttir, 16.10.2008 kl. 12:35]

Birna mín: Hvassegirðu... datt sannarlega ekki í hug að ég gæti virkilega farið fram úr neinum í henni

[Jónína Dúadóttir, 16.10.2008 kl. 12:36]

Jenný mín: Halló, nei það er ekki snjór, bara smáfrost á bílrúðumEn á flatlendinu ?

[Birna Dúadóttir, 16.10.2008 kl. 13:30]

Ég nebbla skil alls ekki hver nýja bloggvinkona þín er, tengdamóðursysturdóttir,uss ég hef ekki heila í þetta

[Jónína Dúadóttir, 16.10.2008 kl. 13:37]

Birna mín: Tók mig nú stund að sjóða þetta saman skoLíney "linka" er dóttir Dúnu í Túnsbergi, sem var systir Hjördísar tengdamóður minnar  Tengda-móður-systur-dóttir... rökrétt ekki satt

[Ía Jóhannsdóttir, 16.10.2008 kl. 14:49]

Ég marglas þetta með systurafafændabróðurmágömmu o.sv.frv. en skildi ekki bops.  Svona er ég nú sleip í ættfræðinni.  Knús inn í hreingerningardaginn.

[Líney, 16.10.2008 kl. 15:16]

Ég er afi minn

[Jónína Dúadóttir, 16.10.2008 kl. 16:36]

Rugludallur: Tengdamóðursysturdóttir min er ekki skyld mér, ég veit það alvegEn hvernig finnurðu það út að ég sjálf sé mægð mér ? Tengdadóttir föðurafa míns er mamma mín og ég er næstelsta dóttir hennarEigðu góðan lúr

Ía mín:Það sem ég veit og/eða skil í ættfræði er eingöngu páfagaukslærdómur eða fíflagangurÞakka þér hreinlega fyrir

Líney mín: Þú ert greinilega miklu flinkari í ættfræðinni en ég

[Erna Evudóttir, 16.10.2008 kl. 18:33]

Ég tek bara ofan hattinn fyrir ykkur ættfræðisnillingunum sko ef ég gengi með hatt

[Jónína Dúadóttir, 16.10.2008 kl. 18:37]

Erna mín: Já þú gætir nú lært mikið af okkurKauptu þér bara hatt

[Jónína Dúadóttir, 16.10.2008 kl. 19:28]

Rugludallur: Allt ruglið á síðunni minni er frítt

[Skattborgari, 16.10.2008 kl. 19:40]

Ja það er betra að þrífa á 3-5vikna fresti þar sem að ég er týpískur einhleypur karlmaður. Það hafa mest liðið 3mán hjá mér.

Kveðja Skattborgari.

[Sigríður Jóhannsdóttir, 16.10.2008 kl. 22:18]

Mér finnst þú algjört yndi Ninna mín. Eigum við að stofna uppgötvunarfyrirtæki og finna upp sjálfhreinsandi hús. Gætum grætt feitt, veit að margir munu borga fúlgu fyrir slíkt

Hafðu það gott dúllan mín

[Erna Evudóttir, 16.10.2008 kl. 22:44]

Bara hellluleggja stofuna og hafa svo niðurfall í miðjunni, nota svo bara háþrýstidælu á skítinn, þetta er sko stolin hugmynd en góð samt

[Jónína Dúadóttir, 17.10.2008 kl. 06:09]

Skattborgari: Ég er nú ekki með neitt krónískt tuskuæði sko, en 3 mánuðir eru svona aaaaaðeins of langt... fyrir minn smekkÉg veit samt alveg hvernig þetta er, á son á sama aldri sem býr einn

Kæri herra Rugludallur: Ég á sjálf að biðjast afsökunar... Ég þóttist vita hvað þú varst að meina, en langaði bara að gera smá at í þér

Sigga mín: Sömuleiðis dúllan mínMér líst vel á þessa hugmynd hjá þér, held þarna sé komið fullkomið stórgróðafyrirtæki

Erna mín: Þú ert hér með ráðin í nýja fyrirtækið okkar Siggu

[Jónína Dúadóttir, 17.10.2008 kl. 07:02]

Rugludallur minn: Þú berð nafn með rentu