Snjór, snjór....

Snjór og ég höfum ekkert alltaf átt neinu sérstaklega kærleiksríku sambandi... Ég er ekki mikil... nei rétt skal vera rétt... ég er alls engin áhugamanneskja um skíðaíþróttir eða annað vetrarsport og snjór hefur frekar verið fyrir mér farartálmi og eiginlega óþarfur Samt finnst mér þetta vera að breytast, kannski með aldrinum eða bara eftir að við fluttum hingað niður til mannabyggða Mér er  bara næstum því sama um snjóinn núorðið, enda enginn farartálmi lengur, það er alltaf verið að moka allar götur hérna, allan sólarhringinn held ég En mér var ekki sama um fimbulkuldann sem mætti mér í gærmorgun þegar ég kom út og jókst frekar en hitt þegar leið á daginn... Jeppinn minn er stór og lengi að hitna og þar af leiðandi ók ég um í stórri frystikistu allan gærdaginn   Ég keyri ekki nema nokkrar mínútur í einu, en er inni í húsunum frá korteri upp í 2 og hálfan tíma svo það kemur af sjálfu sér að blessuð frystikistan afþýðir sig ekkert allan daginn... Ég var meira að segja farin að hafa hanska í vösunum... og jafnvel stundum á höndunum Svo kemst ég ekkert upp með það að fara út á klossunum... verð að vera í kuldastígvélum og þau eru með rennilás... og mín þjóðþekkta þolinmæði er nú ekkert alltaf með þegar ég þarf að fara úr þeim og í svona 20 - 30 sinnum á dag Annars ferlega góð inn í daginn og stjarnan sem spúsi smíðaði fyrir nokkrum árum er komin út á húsvegginn og aðeins meira svoleiðis á leiðinni út í dag Hafið það gott í dag elskurnar mínar allar og hafiði nú vettlinga... á höndunum  

Athugasemdir

[Helga skjol, 3.12.2008 kl. 06:38]

Sá einmitt stjörnuna þína í gær þegar ég átti leið framhjá húsinu þínu, reyndar keyri ég þarna oft á dag, þar sem ég bý nánast í næsta nágrenni við þig, :) hlakka til að sjá meira af ljósum í dag.

Knús inní daginn mín kæra

[Jónína Dúadóttir, 3.12.2008 kl. 07:38]

Helga mín: Gaman að því, ég er líka í alfaraleið hérnaJá ég hlakka líka til að fá meira upp og sendi þér svo hlýtt knús inn í daginn

[Heiður Helgadóttir, 3.12.2008 kl. 08:30]

Hér er allt í einu farið að snjóa, er að taka mig til fyrir vinnuferð. Eigðu góðan dag

[Jóhanna S Garðars (IP-tala skráð) 3.12.2008 kl. 08:31]

já elskan það er eins og með aðra suma ;=)) snjórinn á ekki við mig heldur, og ég var að hugsa um að fórna leðurhönskum (bóndans) í hlíf á nefið í kuldanum í gær, ástar kveðja héðan,,

[Birna Dúadóttir, 3.12.2008 kl. 08:37]

Uss það er bara skítarok í Kef,væri alveg til í að skipta yfir í snjó

[Jónína Dúadóttir, 3.12.2008 kl. 08:42]

Heidi mín: Gangi þér vel og góða skemmtun

Jóhanna mín: Minnir það mín kæraMér líst vel á nefhlífina, kannski Diddi yrði nú samt ekki eins hrifinn af hönskunum sínum á eftirÁstarkveðjur héðan líka

Birna mín: Þú ert alltaf og ævinlega velkomin hingað... snjór eða ekki

[Ía Jóhannsdóttir, 3.12.2008 kl. 08:54]

Brrrrr.. nú varð mér bara hálf kalt við lesturinn.  Hér er næstum vorblíða, sól og níu stiga hiti.  Væri alveg til í smá snjó og vonandi kemur hann fyrir jól.

Farðu varlega í umferðinni.

[Jónína Dúadóttir, 3.12.2008 kl. 09:20]

Ía mín: Æts... ég ætlaði ekki að frysta þig heillinEigðu góðan dag í vorblíðunni... á meðan hún endist

[, 3.12.2008 kl. 10:27]

Það er einn stór kostur við snjóinn - það birtir yfir öllu þegar er snjór  Og svo er hann náttúrulega líka svo jólalegur    Eigið góðan dag.

[Kristín Gunnarsdóttir, 3.12.2008 kl. 10:29]

Eg mundi sennilega ekki vera hrifin af snjónum ef að ég byggi á Íslandi en þar sem ég bý í danaveldi og MJÖÖÖGGG sjaldan snjór.Reindu að halda á þér hita ljufan

[Jokka (IP-tala skráð) 3.12.2008 kl. 12:06]

Akkuru er ekki búið að hanna upphitaðar nef/andlitshlífar? Í þessum fimbulkulda þar sem manni er skítkalt á nösunum og frostið BÍTUR í kinnarnar á manni???

Eigðu góða daga heillin mín, ég kíki eftir jólaljósunum þínum í dag þegar ég erindast þarna upp á brekkuna

[Gunnar Helgi Eysteinsson, 3.12.2008 kl. 16:18]

Akkúrat núna er engin snjór í smálöndum Svíþjóðar

[Birna Dúadóttir, 3.12.2008 kl. 20:13]

Gunnar minn,það lagast

[Huld S. Ringsted, 3.12.2008 kl. 22:34]

Stjarnan er flott, sá hana þegar ég var á leiðinni heim í dag

[Skattborgari, 3.12.2008 kl. 22:39]

Það er gaman að keyra í snjó sérstaklega þegar margir eru fastir en ég er alveg sammála með kuldann. Bílinn minn er sem betur fer fljótur að hitna og vinnubíllinn sömuleiðis.

Kveðja Skattborgari.

[Líney, 3.12.2008 kl. 23:20]

Æ love snjó

[Tiger, 4.12.2008 kl. 02:47]

  Mér finnst snjórinn æði - alveg nauðsynlegur til að bjarga sálarheill og geði bara öllu. Ófærð og læti í umferðinni er heilt ævintýri útaf fyrir sig sko - elska það ... en kuldinn sem oft fylgir - það er önnur Elínborg!

Stundum þegar maður er kominn í vinnuna - þá þarf maður að þreyfa á andlitinu á sér til að athuga hvort nefið hafi nokkuð frosið af á leiðinni - og svo þarf maður að sitja á ofninum á meðan maður fær sér tuttugu og tíu kaffi/kakóbolla - svona til að þýða restina af kroppnum.

Annars er ég í góðri vinnu - í hitanum og matarilminum í eldhúsinu svona oftast nær. Fátt eins gott eins og góður matur á hlóðum þegar úti gnauðar vetur konungur. 

Annars er það fúlt að hér fyrir sunnan snjóar bara aldrei fjandakornið ..

I´m moving to your snowy street soon sugarcube!

Annars er ég líka bara þolanlega góður - allavega allt í lagi svo sem segir 8 ára frændi minn ... svona bærilegur! Við leysum öll heimsins vandamál án þess að hækka róminn ... hann segir að það sé minn eini kostur!

Annars er ég líka öðrum kostum búinn! T.d. er ég uppfullur af knúsum og keleríum (ekki kaloríum) - og núna ætla ég að senda þér helling af þessum kostum mínum sko ... *skutla knúsum og keleríum (ekki kaloríum) all over you*!