Góður dagur :-)

Laufabrauðsdagur í dagEldhúsið mitt er orðið hreint og fínt og aftur orðið óhætt að koma þar inn með matvörur. Jólagardínurnar eru þær sömu og ég hafði fyrir einum litlum glugga í eldhúsinu okkar í Fjallinu... það er eins og ég hafi verið svolítið ýkt í efniskaupum, fyrst ég get látið þær ná vel fyrir tvo stóra glugga núnaÉg var búin að gleyma að ég hafði verið með þær á síðustu jólum, sá það dauðóvart á myndum og ég tók líka myndir núna og setti inn í albúmið hérna á síðunni, þá get ég  séð fyrir næstu jól hvaða gardínur ég var með og þarf þá ekki að rangla um í búðum, leitandi að því sem mig vantar svo bara alls ekkiÞað fór lítið fyrir verslunarleiðangrinum mínum í gær, bara eitt orð yfir ástæðuna fyrir því: gestir. Það lagast, ég hef tveggja tíma hádegishlé minnsta kosti þrjá daga í næstu viku og þá á ég að geta komið einhverju í verk... Ég er svolítið í vandræðum með að eyða þessum hálfa mánuði sem ég á ennþá eftir af sumarfríinu mínu... En ef afleysingin mín skyldi nú samþykkja það, þá ætla ég að taka mér sumarfrí í kvöldvinnunni, vikuna yfir nýjárið, þá á ég að vinna og svo þennan tvo og hálfan dag í dagvinnunni líka... vonandiMeð því móti gæti ég verið að horfa fram á lengsta jólafrí sögu minnar í þessari vinnu, ég vinn nefnilega alltaf fram að hádegi á aðfangadag og gamlársdag, svo jólafríin hafa nú ekkert verið að þreyta mig hingað tilEigið góðan dag í dag og látið ykkur líða eins vel og hægt er

Athugasemdir

[Helga skjol, 14.12.2008 kl. 09:48]

Hrikalega er eldhúsið þitt flott.

Knús inn góðan Sunnudag mín kæra.

[Erna Evudóttir, 14.12.2008 kl. 09:54]

Flott hjá ykkur

[, 14.12.2008 kl. 10:19]

Flott eldhús ma'r  Og gardínurnar koma vel út. Eigðu góðan dag mín kæra

[Jokka (IP-tala skráð) 14.12.2008 kl. 10:38]

Oh dásamlega flottar gardínur og eldhús verð að reyna að kíkja í tebolla í vikunni!

Eigðu góðan dag heillin mín

[Jónína Dúadóttir, 14.12.2008 kl. 10:46]

Helga mín: Þakka þér fyrir, ég er svakalega ánægð með þaðknús til baka

Erna mín: Takk litla systir, þú færð að sjá það sjálf tuttugasta og eitthvað...

Dagný mín: Takk fyrir það mín kæraEigðu líka góðan dag

Jokka mín: Takk elskið mitt, þú ert velkomin nær sem er

[Jónína Dúadóttir, 14.12.2008 kl. 11:24]

Ragna mín: Þakka þér fyrir mín kæra

[Ía Jóhannsdóttir, 14.12.2008 kl. 12:08]

Förum í laufabrauðið í næstu viku en það kom ljúgandi yfir hafið frá Grenivík.  Jammí....sérstaklega þetta sem er með kúmeni.

Njóttu flotta eldhússins í botn!

[Jónína Dúadóttir, 14.12.2008 kl. 13:11]

Ía mín: Alltaf gaman í laufabrauði, það var nú einmitt á Grenivík sem ég kynntist því fyrstEigðu góðan dag

[Ásdís Sigurðardóttir, 14.12.2008 kl. 13:16]

Það er rosalega jólalegt og fallegt hjá ykkur. Til lukku með þetta flotta eldhús.  Krúttkveðja norður

[Sigríður Jóhannsdóttir, 14.12.2008 kl. 14:24]

Ninna var ekki gert laufabrauð á æskuheimili þínu? En eldhúsið þitt er æðislegt! Hafðu það gott ljúfan mín

[Jenný Anna Baldursdóttir, 14.12.2008 kl. 15:31]

Af einum glugga og yfir í tvo???  Halló, var hann stór?

Ferlega jóló hjá þér.

[Jónína Dúadóttir, 14.12.2008 kl. 16:29]

Ásdí mín: Þakka þér fyrir og sendi krúttkveðju um hæl til þín

Sigga mín: Vissi varla að það væri til fyrr en ég kom úteftirTakk mín kæra og sömuleiðis

Jenný mín: Neibb, hann var meira að segja minni en minni glugginn sem ég er með núna...Já er´etta ekki bara jóló