Þetta er of flókið fyrir mig...

Nú er búið að kæra eigendur Bónus fyrir að vera svo miklir glæpamenn að þeir gerðu allt til að hafa lægsta verðið á matvörumarkaðnum... Það var nefnilega svo agalega vont fyrir okkur neytendur... Ehhh... nú é´kki skilja... Ég get svo svarið það og það er eins satt og ég sit hér og skrifa þetta, að það er ofsalega gott fyrir mig sem neytanda, að fá sem mest fyrir peningana mína ! Það er svo sannarlega ekki verið að hugsa um minn hag sem neytanda, þegar kært er fyrir svoleiðis og viðkomandi gert að borga einhverjar 2-300 milljónir í sekt, sem leggst svo ofan á verðin í versluninni og ég þarf þá að borga meira fyrir vörurnar Ok, þessir menn áttu þátt í að koma Íslandi næstum því á hausinn, en þeir eru samt yfirleitt með lægsta vöruverðið á markaðnum og þá versla ég hjá þeim ! Ég þarf nefnilega að lifa í dag og það er verulega óhagstætt fyrir mig sem neytanda, að eiga ekki fyrir því sem ég þarf til þess Fólk rífst og skammast út í þá Bónusfeðga, þetta séu sko algjörir glæpamenn og svo framvegis og það er tuðað og nöldrað út í eitt, við eldhúsborðið og svo fer þetta sama fólk beinustu leið í Bónus og verslar þar, af því að það er hagstæðast fyrir neytandann Ég má alveg við því að leggja aðeins af, það er staðreynd, en ég lifi ekki á hugsjóninni einni saman og ef ég versla ekki í neinni búð þar sem eigendurnir hafa gert eitthvað sem mér líkar ekki, þá lít ég fljótlega út eins og sá sem stendur alltaf einn og yfirgefinn, úti í horni í skoðunarstofunni á Slysó og svo mikið langar mig nú ekki til að leggja af Eigið góðan og blessaðan dag elskurnar mínar allar, ég ætla að fara að undirbúa skötuveislu Púkinn hér er í jákvæðari kantinum í dag, hann mótmælir orðinu "ekki"

Athugasemdir

[Ía Jóhannsdóttir, 20.12.2008 kl. 08:36]

[, 20.12.2008 kl. 09:26]

Þar hittirðu naglann á höfuðið eins og svo oft áður  Maður þarf nefnilega að borða og ef maður er ekki á ofurlaunum þá finnst manni betra að fá meira fyrir minna  Eigðu góðan dag    - er fóturinn ekki eitthvað að skána? 

[Einar Indriðason, 20.12.2008 kl. 10:06]

Hmm... það sem samkeppnis...jaddajadda eitthvað var að setja út á, var að Hagar voru með svokallað undirboð, í þeim tilgangi að:

1)  Ná til sín og halda, kúnnum

2)  Koma í veg fyrir eðlilega samkeppni.

Þessi undirboð fóru svo langt hjá báðum aðilum, Hagar, og Krónunni, að þeir voru fyrir rest farnir að borga MEÐ vörunni (mjólkinni).  Gróðinn af því að selja neytendum mjólk var því enginn.  Breyttist raunar yfir í kostnað fyrir þá.  Sem, fyrir rest, við neytendur þurfum að borga á einn eða annan hátt.

Það sem ég held þeir hefðu átt að gera, hefði verið að hætta að lækka þegar sársaukamörkum væri náð.  Ég meina.. skaðar það virkilega Haga (Bónus) að fólk geti keypt mjólkina sína á krónu lægra verði í krónunni?  Og, á sama hátt, skaðar það Krónuna virkilega, að fólk geti keypt mjólk á krónu lægra verði í Bónus?  Ef þessar búðir eru samkeppnishæfar, hví stoppuðu þær þá ekki, áður en farið var yfir strikið, sársaukalega?

Og, svo má líka spyrja sig... Ef Bónus (eða Hagar, raunar) fá á sig svona sekt, má þá eiga von á því að Krónunni verði gert að borga svipaða sekt líka?

En... Hvernig er veltigrindin að standa sig?  Bundin saman með frönskum rennilás?

[Birna Dúadóttir, 20.12.2008 kl. 10:14]

Ég er sammála flestu sem hér hefur komið fram.Það sem ég er ósammála um,er svo lítilvægt,að það tekur því ekki að nefna þaðEigðu góðan dag

[Kristín Gunnarsdóttir, 20.12.2008 kl. 10:16]

Eigðu góðan dag Jónina mín. Kærleikur til þín

[Jónína Dúadóttir, 20.12.2008 kl. 10:45]

Ía mín:

Dagný mín: Takk fyrir þaðFóturinn er orðinn það góður að ég ætla að taka bílinn af spúsa í dag og fara að kaupa mér föt, búðin sem ég ætla í er ekkert svo stór og svo er hægt að leggja fyrir framan hanaEigðu góðan dag líka mín kæra og takk fyrir að spyrja

Einar minn: Þú skilur þetta og vonandi fá þá fleiri að borga... en eru allir búnir að gleyma olíufélögunum núna ?Veltigrindin blívur og rennilásarnir halda

Birna mín: Eigðu góðan dag líka

Kristín mín: Sömuleiðis mín kæra

[Einar Indriðason, 20.12.2008 kl. 12:39]

Olíufélögin... Veistu... skammtímaminnið hjá Íslendingum, almennt séð, er svo svakalega bilað, að það er ekki fyndið.  Og inn á það spila stjórnmálamenn.

Svei attan!

En... hafðu nú samt góðan dag, og daga :-)

[Líney, 20.12.2008 kl. 12:47]

knúsiknúsiknús 

[Dísa (IP-tala skráð) 20.12.2008 kl. 15:06]

sammála ég versla í B'ONUS þar fæ ég mest fyrir aurinn minnen þetta með göngugrindina ég þarf að nota mína sorry

[Jónína Dúadóttir, 20.12.2008 kl. 15:31]

Einar minn: Hvaða minni ?Hafðu líka góðan dag og daga

Líney mín:

Dísa mín: Já nákvæmlegaÆi jæja mín kæra, verst með grindina, en þýðir ekkert að fást um það, ég læt mér þá bara batna

[Sigríður Jóhannsdóttir, 20.12.2008 kl. 21:44]

Hafðu það gott mín kæra vinkona og verslaðu bara brosandi í Bónus, það geri ég og dettur ekki í hug að skammast mín fyrir það. Spilling og drullusokksgangur er svo víða að við getum held ég ekki sniðgengið alla þá sem hafa hagað sér illa en með þeim orðum er ég ekki að dæma Bónusfeðga

[Jenný Anna Baldursdóttir, 20.12.2008 kl. 23:07]

Ég versla ekki neitt.  Hehe.