Yndislegt tilgangsleysi....

Það snjóaði í logni... hreinn og fallegur snjór yfir öllu... ég ætla að fara út á eftir, þegar það er farið að skyggja og taka myndir Jólalögin hljóma í útvarpinu og spilaranum... það er einhver ró yfir, þó að það keyri alltaf bílar framhjá enda mikil umferðargata... kannski fólk að fara í búð og kaupa jólagjöf handa börnunum... eða elskunni sinni... eða bara rúnta eitthvað í tilgangsleysi... Ég sit hér við tölvuna í tilgangsleysi og líður fjarskalega vel með því, milli þess sem ég þríf aðeins og set jóladúka og glingur á viðeigandi staði Skutlaði hækjunum upp á háaloft í morgun, svo ég hnyti nú ekki um þær og slasaði mig og vona að ég þurfi aldrei að sjá þær aftur Ég var að urlast í gær og ákvað að til að halda geðheilsunni, gæti ég ekki með nokkru móti verið lokuð inni þriðja daginn í röð, svo ég tók bílinn minn af spúsa og fór niður í göngugötu í þeim tilgangi að fara nú loksins og kaupa mér föt. Ég var svo heppin að fá stæði beint fyrir framan búðina, en sá þá mér til skelfingar að ég hafði að sjálfsögðu skilið veskið eftir heima í forstofu... Þegar ég kom svo aftur hafði auðvitað einhver dóni tekið stæðið mitt, en ég fann annað og tókst alveg að eyða slatta í föt í þessari fínu verslun Og það besta er að ég fæ þau endurgreidd, fatapeningar Alveg ákveðin í að teikna kort með nákvæmum leiðbeiningum handa spúsa mínum svo hann rati í þessari sömu verslun, beint á jakkann sem hann ætlar að gefa mér í jólagjöf... hann veit ekki ennþá hvað hann ætlar að gefa mér í jólagjöf, en hann á eftir að komast að því Hlakka til rólegheitanna yfir jóladagana, við verðum bara þrjú, að kettinum meðtöldum og ég er svo heppin að þurfa ekki að vinna fyrr en yfir áramótin Ég ætla svoooo að njóta þess að slappa af og gleðjast yfir því að þurfa ekkert að fara út ef ég nenni því ekki Eigið góðan dag elskurnar Dísa og Tommi: takk fyrir komuna

Athugasemdir

[Ía Jóhannsdóttir, 21.12.2008 kl. 16:08]

Þá man ég það á alveg eftir að kaupa mér eitthvað nýtt svo ég fari nú ekki í  jólaköttinn

[Kristín Gunnarsdóttir, 21.12.2008 kl. 16:17]

Gleðileg jól kæra jónina og meigi nýja árið verða þér gott, . Þú ert frábær. Jólakveðja

[Jónína Dúadóttir, 21.12.2008 kl. 16:31]

Ía mín: Drífa sig

Kristín mín: Sömuleiðis mín kæra

[Huld S. Ringsted, 21.12.2008 kl. 16:37]

Ég er svo forvitin! Hvaða búð var þetta??

[, 21.12.2008 kl. 16:48]

Ég ætla að fara í jólaköttinn þetta árið. Lofa hins vegar afkomendunum að sleppa við hann  Gott fyrir spúsann að fá svona "hint"

[Jónína Dúadóttir, 21.12.2008 kl. 17:03]

Huld mín: Ég er ekki viss um það þú hafir heyrt um hana sko... hún heitir Zik Zak Tískuhús og er í gamla pósthúsinu í göngugötunniþú ættir að kíkja þangað einhvertímann, svakalega flott föt sem þær eru með...

Dagný mín: Bið að heilsa kisaJá ég er svo hjálpsöm og góð við spúsa minn

[Sigríður Jóhannsdóttir, 21.12.2008 kl. 17:14]

Njóttu kvöldsins mín kæra

[Huld S. Ringsted, 21.12.2008 kl. 17:27]

verst að hafa ekki verið í þeirri eðalbúð á sama tíma og þú

[Jónína Dúadóttir, 21.12.2008 kl. 17:47]

Sigga mín: Takk og sömuleiðis mín kæra

Huld mín: Vonaði að hitta á þig, en það gengur bara betur næstÞetta er sko ekkert síðasta ferðin mín í þessa búð

[Birna Dúadóttir, 21.12.2008 kl. 19:48]

´Zik Zak er töff búð

[Sigrún Þorbjörnsdóttir, 21.12.2008 kl. 21:30]

Spúsi þinn heppinn að fá svona leiðarvísir  Ég fer bara í jólaköttinn þetta árið. Hef ekki komist nóg upp úr flensunni til að kaupa mér föt. Var búin að versla á börnin og þá er ég ánægð  

[Jóhanna Magnúsar- og Völudóttir , 21.12.2008 kl. 22:38]

Alltaf fjör hjá þér! ..

[Ásdís Sigurðardóttir, 21.12.2008 kl. 23:02]

[Dísa (IP-tala skráð) 22.12.2008 kl. 09:32]

já það var nú tími til kominn að kíkja á þig og fína húsið þitt og svo auðvitað spússa þinn