Jónína Dúadóttir

Jæja...

... þá er komið að því... þetta ár líka að verða búið. Ef það væri eins auðvelt að breyta ástandinu í þjófélaginu eins og að breyta ártalinu, þá væri ég ferlega sátt... En nýtt ár byrjar aldrei á núlli, það byrjar nú yfirleitt bara á timburmönnum, allavega hjá mjög mörgum sem ég þekki. Það má líka segja að mest öll íslenska þjóðin sé að upplifa gríðarlega timburmenn, eftir þetta rokna fjármálafyllerí á gamla árinu og þeir timburmenn takmarkast því miður ekkert bara við nýjársmorgun... Þetta ár hefur verið gott fyrir mig, eins og öll mín ár eiginlega... skrattinn sér um sína ! Svooolítið einkennst af mikilli vinnu... ekkert nýtt svo sem, en aðalvinnan lá nú samt í að gera upp nýja/gamla húsið okkar. Við fluttum sem sé til byggða í apríl í yndislegt hús, stórt, hlýtt, bjart og líka svo miðsvæðis. Sundlaugin er til dæmis alveg í göngufæri, voða notalegt... að vísu fer ég aldrei í sund, en það er allt annað mál. Heppnin elti okkur eins og alltaf, við seldum gistiheimilið okkar alveg á réttum tíma og eftirsjáin eftir því er algerlega á núlli... keyptum þetta hús alveg á réttum tíma líka og af því að ég er svo fattlaus og líka fjandanum þrjóskari, þá tókum við ekkert myntkörfulán fyrir því. Ég fer alltaf í einhverskonar "blackout" þegar tölur og þannig er annars vegar og myntkörfulán er eitt af því sem ég fatta ekki alveg hvernig virkar, það vantar fávitaleiðbeiningarnar... Það getur stundum komið sér vel að vera svo fattlaus, að maður fattar ekki hvað maður er vitlaus... Ætla að þrífa aðeins hér í dag, sýnir hvað mér líður vel í þessu húsi, að ég elska að hafa það hreint og snyrtilegt og svo ætla ég líka að klára fyrri ermina á lopapeysunni, sem ég er að prjóna í skiptum fyrir kjöt og svo þarf ég að vinna aðeins í kvöld. Það eru alltaf einhverjir einstæðingar í veröldinni og ég er svo heppin að fá tækifæri til að halda nokkrum þeirra félagsskap í kvöld, ég reyni að finna eitthvað sem þeim þykir varið í, til að færa þeim og svo spjöllum við bara. Nú ætla ég ekki að hafa þetta lengra, annars verðið þið langt fram á næsta ár að lesa, alveg möguleiki að þið viljið koma einhverju fleiru í verk... Takk fyrir mig Heart

Flokkur: Bloggar | 31.12.2008 | 09:18 | Facebook

Athugasemdir

Gleðilegt ár til þín og þinna og megi árið 2009 verða þér sem allra best.

Takk fyrir bloggvináttuna og vonandi sjáumst við eitthvað á næsta ári.

ÁRAMÓTAKNÚS TIL ÞÍN OG ÞINNA

Helga skjol, 31.12.2008 kl. 11:01

Bestu kveðjur í þitt hús með óskum um frábært ár 2009

Ía Jóhannsdóttir, 31.12.2008 kl. 11:49

Helga mín: Gleðilegt nýtt ár með góðri heilsu og hamingju

Ía mín: Takk og sömuleiðis, allar góðar óskir til þín og þinna inn í nýja árið

Jónína Dúadóttir, 31.12.2008 kl. 12:13

Og svo kynntumst við á þessu ári Gleðilegt ár elskurnar, og takk fyrir samveruna og viðkynninguna...í kvöld verður skotið upp fragettum á heimilinu og síðan sest niður við spilamennsku, þið eruð velkomin í kvöld sem og alltaf

Jokka (IP-tala skráð) 31.12.2008 kl. 12:36

Jæja gamla mín mikið varstu nú heppin að sleppa myntkörfuláni og tala nú ekki um að losna við gistiheimilið grísinn með þér vonandi verður næsta ár eins gjöfult við þig og þína gleðilegt ár og takk fyrir það sem er alveg að ljúka

Dísa (IP-tala skráð) 31.12.2008 kl. 13:15

Gott og gleðilegt ár, mín kæra bloggvinkona

Heiður Helgadóttir, 31.12.2008 kl. 13:40

'Arið,hamingja heilsa gleði og alls hins besta óska ég þér og þínum

Birna Dúadóttir, 31.12.2008 kl. 13:49

Gleðilegt ár til þín og þinnatakk fyrir góða blogg vináttu og hafðu það gott um áramótin

Líney, 31.12.2008 kl. 14:00

Jokka mín: Heppnin er öll mín megin að hafa fengið að kynnast þér og svo yndislegu fjölskyldunni þinni í kjölfariðGleðilegt ár og hjartans þakkir fyrir allt gaman og gott á gamla árinu

Dísa mín: Já litla stelpaég var heppin með svo ótalmargt á árinu, til dæmis að þið Tommi komuð í heimsóknGleðilegt ár elsku vinkona, til þín og allra þinna og takk fyrir allt gamalt og gott

Heidi mín: Sömuleiðis mín kæra, allar mínar bestu óskir til baka til þín

Birna mín: Árið skvísaÁramótaknús á þig og alla þína með óskum um allt það besta sem hægt er að öðlast á nýju ári, frá mér

Líney mín: Sömuleiðis elsku tengdamóðursysturdóttir mín, óska þér og öllum þínum alls hins besta á nýju ári

Jónína Dúadóttir, 31.12.2008 kl. 15:41

Gleðilegt ár krúsin mín og vonandi heldur gæfan áfram að heiðra þig með nærveru sinni. Takk fyrir allt

Sigríður Jóhannsdóttir, 31.12.2008 kl. 15:51

Gleðilegt nýtt ár elsku Ninna og takk fyrir góðan vinskap og elskulegheit í alla staði
Bestu kveðjur til spúsa þíns og ég hlakka til að hitta ykkur á nýju ári

Hóffa (IP-tala skráð) 31.12.2008 kl. 16:10

Já, gleðilegt nýtt ár! :-)

Einar Indriðason, 31.12.2008 kl. 16:22

Sigga mín: Gleðilegt ár handa þér og strákunum þínum líka, mín kæra vinkonaÉg vona að nýja árið færi ykkur allt það besta sem hægt er að biðja um og ég hlakka til að hitta þig á nýja árinu

Hóffa mín: Þakka þér fyrir elskulega vinkona og megi nýja árið verða það besta fyrir þig hingað tilHlakka líka til að hitta þig á nýja árinu

Einar minn: Gleðilegt nýtt ár til þín og fjölskyldu þinnar

Jónína Dúadóttir, 31.12.2008 kl. 16:42