Af næstum því hremmingum... ;-)

Fyrsta dagvinnan á nýja árinu í gær og svo er ég komin í helgarfrí, svona á þetta sko að vera   Nýjársdagur fór í að skrifa vinnuskýrslur og vinna pínulítið um kvöldið og í gærmorgun fór ég með skýrslurnar til verkstjórans míns. Hún var að raða okkur niður upp á nýtt, við erum komnar með nýtt hverfi á daginn og þarna var ég næstum því lent í fyrstu hremmingum ársins... en það slapp fyrir horn... Í þessu nýja hverfi býr meðal annars eini sanni allsekkiuppáhaldsskjólstæðingurinn minn úr kvöldvinnunni, sá sem rak mig fyrir rest af því að ég neitaði að koma til hans á morgnana og í hádeginu... aldrei verið rekin áður, en alveg hreint svakalega ánægð með það Þessi skelfilega hremmingarógn stóð yfir í um það bil mínútu... rétt á meðan verkstjórinn minn var að hugsa upphátt um það, hvort hún ætti kannski bara að senda mig til þessarar mannfígúru... en þegar hún leit upp og sá framan í mig, skipti hún allsnarlega um skoðun Þetta er skynsöm kona, sem skilur fyrr en skellur í tönnum, þarna í mínu tilfelli vígtönnum... og líklega með almannahagsmuni og eitthvað svoleiðis í huga, steinhætti hún við og spurði hvort ég héldi ekki að væri í lagi að senda hana X til hans Mér finnst gaman að finna góðar, jákvæðar og helst líka broslegar hliðar á sem flestu, það er miklu auðveldara og skemmtilegra að lifa svoleiðis, en sama hvað ég reyni þá tekst mér bara ekki að finna neina góða né jákvæða hlið á þessum manngarmi Af öllu fólki sem ég hef kynnst um ævina, þá er hann sá eini sem ég get sagt um að sé ekki góð manneskja og þá er ég alveg yfirgengilega kurteis... Og ég fer ekki fet til hans, það er ekki óhætt... Jæja elskurnar mínar allar, eigið góðan og gleðilegan þriðja dag ársins og munið brosin  

Athugasemdir

[Kristín Gunnarsdóttir, 3.1.2009 kl. 08:35]

Gott að þú varst ekki látin fara til hans kallgarmsins. Þú ert frábær Jónína mínKærleikskveðja

[Ólafur Th Skúlason, 3.1.2009 kl. 08:46]

góðan daginn hafðu gott helgar frí

[Jónína Dúadóttir, 3.1.2009 kl. 08:47]

Kristín mín: Já það hefði ekki gengið nógu velFrábær ? Það er nú aðeins orðum aukið... en þakka þér samt fyrir, fallegt af þér að segja það

[Jónína Dúadóttir, 3.1.2009 kl. 08:48]

Ólafur minn: Þakka þér og... vonandi... sömuleiðis

[Dísa (IP-tala skráð) 3.1.2009 kl. 09:21]

Blessuð gleðilegt ár hvað gerirðu manna mun

[Jónína Dúadóttir, 3.1.2009 kl. 09:32]

Dísa mín: Sæl mín kæra og gleðilegt árHeyrðu jahá, það geri ég svo sannarlega þegar þessi kall á í hlut

[Ía Jóhannsdóttir, 3.1.2009 kl. 09:43]

Æ sumt gamalt fólk getur verið ansi öfugsnúið og þreytandi.  Skil þig vel.

[Jónína Dúadóttir, 3.1.2009 kl. 10:19]

Ía mín: Verst að þessi hefur víst alltaf verið svona... og versnaði, að því að mér er sagt barasta ekkert við að eldast

[Jokka (IP-tala skráð) 3.1.2009 kl. 12:38]

Amm þessi er ótrúlegur, ljótt að segja það; en oft er það þannig að sá lifir lengst er lýðnum er leiðast...já ég veit ljótt að segja svona en...ég veit hver þetta er

Knúz frá mér til þín

[Jónína Dúadóttir, 3.1.2009 kl. 12:40]

Jokka mín: Það er ekkert ljótt að segja það, ljótara ef þú gerðir eitthvað til að laga það...Knús til baka elskið mitt

[Sigríður Jóhannsdóttir, 3.1.2009 kl. 12:46]

Heppin, hafðu það gott í helgarfríinu ljúfan mín

[Jónína Dúadóttir, 3.1.2009 kl. 13:20]

Sigga mín: Ég er alltaf svo heppinHafðu það gott líka mín kæra

[, 3.1.2009 kl. 17:13]

Æ ég kannast við svona fólk - en er blessunarlega laus við að þurfa mikið að hafa saman við það að sælda. Eigðu gott helgarfrí

[Gudrún Hauksdótttir, 4.1.2009 kl. 07:39]

Gott ad tinn yfir madur er med skinsemina í lagi:)

Velkomin í hóp minn bloggvina,hlakka til ad fylgjast med tér og tínum í framtídinni.

Kvedja frá Jyderup

[Jónína Dúadóttir, 4.1.2009 kl. 08:22]

Þakka þér og sömuleiðis