Skyndifærsla... ;-)

Ég vil láta hluti gerast hratt og drífa verkin af, en ég er samt ekki mikið fyrir skyndilausnir Mér finnst alveg með ólíkindum, hvað er hægt að selja fólki... skyndimegrunarkúr, ekkert að gera nema borða einhver efni með og/eða í staðinn fyrir mat. Sápur sem þrífa sjálfar, að vísu virðist mér þegar ég sé þær auglýstar að það verði að horfa á þær á meðan... jú hver vill ekki sitja og horfa á klósettið sitt hreinsast sjálfkrafa... Allt á að gerast sjálfvirkt og enginn á að hafa fyrir neinu... slæmt þegar fólk lætur gabba sig svona... Þetta er auðvitað rosalega þægilegt, sjálfhreinsandi eldhús var eitthvað sem ég vildi lengi vel sjá verða til, ekki lengur samt, ég elska eldhúsið mitt og finnst gaman að hafa það snyrtilegt, en ekki segja neinum að ég hafi sagt þetta, ég vil ekki fyrir nokkurn mun missa kúlið sko Annars ferlega góð inn í daginn og kom því í verk að setja inn mynd af dúllunni minni litlu henni Lindu, á skíðum í Svissnesku Ölpunum... með snuðið Hér snjóar eins og hellt væri úr einhverju, fatan er víst notuð þegar rignir, en kannski má bara líka nota hana þegar snjóar   Búin að taka niður allt jólaskraut og pakka því niður... mikið búin að reyna að senda kassana sjálfa upp á háaloft, en ekkert gerst ennþá... Líklega verð ég þá að setja þá þangað sjálf, fer í það núna... kannski... ef til vill... Hætt þessu bulli, eigið sælan sunnudag elskurnar mínar allar

Athugasemdir

[Jónína Dúadóttir, 11.1.2009 kl. 14:51]

Ragna mín: Þú færð 12 af 10 mögulegum fyrir þetta svarKnús inn í þinn dag líka mín kæra

[Birna Dúadóttir, 11.1.2009 kl. 15:16]

Og í mínu tilviki,borða meira.hreyfa mig minna.Og fyrir þetta fæ ég 15 af 10 mögulegum

[Jónína Dúadóttir, 11.1.2009 kl. 15:22]

Birna mín: Þú færð 15 af 10 mögulegum

[Ólöf Jóhanna Pálsdóttir, 11.1.2009 kl. 17:33]

Borða rétt fæði, ekki svelta sig og hreyfa sig meir. Þetta vita nú flestir ,en færri gera það, svo sem ég. Ég vil heldur ekki vera með andlitið niður í klósettinu til að sjá það hreinsa sig sjálft. Algjört bull, þessar auglýsingar.

[Ásdís Sigurðardóttir, 11.1.2009 kl. 18:09]

Skyndilega er ég orðin banhungruð

[Jónína Dúadóttir, 11.1.2009 kl. 18:29]

Ólöf mín: Rétt hjá þér, eina aðferðin sem virkar, en svo er allt annað mál hvort hún er notuð

Ásdís mín: Fáðu þér að borða, en ekkert skyndifæði

[, 11.1.2009 kl. 19:15]

Fljótlegasti og einfaldasti megrunarkúrinn er náttúrulega að borða ekkert  En hrædd er ég um að hann virki samt bara í mjög stuttan tíma   Kannski fara jólakassarnir upp sjálfir ef þú horfir nógu stíft á þá  en kannski er bara fljótlegra að skutla þeim upp sjálf   Eigðu gott kvöld góan mín

[Sigrún Þorbjörnsdóttir, 11.1.2009 kl. 19:21]

Ég kannast líka við þetta, "sjálfvirka" þvottavélin mín gerir til dæmis ekkert sjálf  Flott krúttan með snudduna

[Jónína Dúadóttir, 11.1.2009 kl. 20:03]

Dagný mín: Ég prófaði hann einu sinni, léttist um 16 kíló á 2 vikum... mæli ekkert með honum... Þetta var að vísu ekki viljandi, ég var ferlega veikVeistu ég er svo búin að yggla mig á kassana, en það gerist ekkert, næst yggli ég mig framan í spúsa það er örugglega áhrifaríkaraEigðu líka gott kvöld

Sigrún mín: Nú ??? Gerir hún ekkert sjálf.... ekki mín heldurJá sú stutta er æði

[Erna Evudóttir, 11.1.2009 kl. 22:02]

Dúllan, hún hefur náttúrulega þessa færni á skíðum beint frá ömmu sinni

[Jónína Dúadóttir, 12.1.2009 kl. 06:56]

Erna mín: Að sjálfsögðu... eða þannig sko...

[Kristín Gunnarsdóttir, 12.1.2009 kl. 07:06]

Það er alt reint að selja, klosettsjálfhreinsara HAHA. Þetta með megrunarkura, bara bull, láttu mig vita það. kærleikur til þín Jónina min

[Jónína Dúadóttir, 12.1.2009 kl. 07:09]

Kristín mín: Alveg réttEigðu góðan dag mín kæra