Jónína Dúadóttir

Kannski... ég veit það ekki... ;-)

Það er hægt að gleðjast yfir svo mörgu og það þarf ekkert endilega að vera alltaf eitthvað stórt. Margt smátt gerir eitt stórt og það hlýtur óhjákvæmilega að gilda líka um gleði og hamingju... sem flestallir hljóta að vera að leita að í lífinu, meðvitað eða ekki. Það eru samt alltaf einhverjir sem eru að bíða eftir hamingjunni... og svo kemur hún bara ekkert... GetLost

Eðlilega, hamingja er ekki eitthvað ástand sem við komumst í á einhverjum sérstökum tímapunkti í lífinu og verðum svo bara þar, hún hlýtur að felast í hverju augnabliki fyrir sig... safnast upp smám saman og hjálpa okkur til að vera jákvæð og vongóð, en við verðum að kunna að grípa hana og halda í hana Smile

Ég er til dæmis alltaf óvenju hamingjusöm annan hvern föstudagsmorgun og þá eingöngu af því að það er föstudagur... það er alltaf sá föstudagurinn sem ég er líka í kvöldvinnunni ! Og einn af þessum dásamlegu föstudögum er einmitt runninn upp Wizard

Spurning um að fara kannski að minnka við sig vinnu... Whistling

Nei þetta er fínt skal ég segja ykkur, alltaf eitthvað til að gleðjast yfir og ef ekki vill betur til þá kannski bara hlakka yfir einhverju... Devil

Losnaði til dæmis við ekkialveguppáhaldsskjólstæðinginn minn á kvöldin, þær eru flottar hetjurnar sem tóku við honum Kissing

Svo er alveg að koma febrúar og þá fer að vakna hjá mér smá von um að það geti verið að einhvertímann komi kannski vor... og jafnvel þá bara sumar í kjölfarið... það er sko eitt gott við veturinn, hann er alltaf einhvertímann búinn Grin

Hef svolítið verið að velta fyrir mér þessu með að varðveita barnið í sér... mér finnst það vera að geta glaðst yfir litlu en ekki samt að láta eins og maður sé ennþá einhver unglingsbjálfi... ekki samt að reyna að móðga unglinga á neinn hátt, þeir eru yndislegt fólk InLove

En hugmyndirnar sem þeir fá stundum eru nú ekki beinlínis til fyrirmyndar, ég veit það alveg ég var nefnilega einu sinni unglingur og blessaður bjálfi þó ég segi sjálf frá Sideways

Ég fæ alltaf einhvern svona kjánahroll þegar miðaldra menn fara að haga sér eins og þeir halda að unglingar geri og halda því svo fram, að það sé að varðveita barnið í sér Shocking

Það nefnilega gerir þá alls ekkert unga aftur heldur bara þvert á móti, þeir líta bara út fyrir að vera það sem þeir eru: kjánalegir miðaldra menn... ekki alveg uppáhaldið hjá þessari konu hérna Tounge