Eru ekki allir kátir ?

Ég er þaðBíð eftir nýrri ríkisstjórn svo ég geti farið að fá á tilfinninguna að eitthvað gott geti kannski farið að gerast hérna hjá okkur... getur varla versnað héðan af er það ?Það er búið að snjóa þessi ósköp hérna í norðrinu, byrjaði með stæl í gærkvöldi... Hans hátign Lúkar heimilisköttur fór nú samt út um hádegi, okkur til mikillar furðu... hann hefur sömu skoðun á snjó og ég... algjör óþarfiAnnars er hann loksins búinn að samþykkja húsið okkar sem heimili sitt eða kannski frekar slá eign sinni á það, sést á því að hann er farinn að sitja um að komast upp í sófann í stofunni og rúmið okkar... Það er harðbannað og hann er miskunnarlaust rekinn þaðan ef til hans séstÉg er með alvarlegt, andlegt ofnæmi fyrir kattarhárum og finnst alveg nóg að þurfa að þrífa þau upp af gólfunum, ef ég þyrfti líka að fara að þrífa öll húsgögnin í tryllingi, liði ekki á löngu áður en ég yrði klepptækAnnars ferlega góð inn í daginn og nýt þess að þurfa þó ekki í dagvinnuna, stimpla mig að vísu inn klukkan 3 og skrepp í eitt smá innlit og fer svo aftur af stað klukkan 5, ekkert mál  Spúsi er orðinn svo flinkur í eldamennskunni að ég verð að fara að passa migÉg er búin að fá hverja snilldarmáltíðin eftir aðra alla vikuna, en ég veit samt ekki hvernig hann ætlar að toppa djúpsteikta fiskinn sem hann bar fram í gærkvöldi, það er varla hægtDraumurinn minn hefur alltaf verið að geta komið heim úr vinnu og sest beint að matarborðinu og sá draumur rætist alltaf aðra hverja viku núorðið og það er alger draumur get ég sagt ykkurEigið góða helgi krúttin mín

Athugasemdir

[Ólafur Th Skúlason, 31.1.2009 kl. 16:26]

þú átt góðan mann sjálfur elda ég þegar ég er í landi

[Jónína Dúadóttir, 31.1.2009 kl. 16:55]

Ragna mín: Já hann er það núKnús til baka með smásnjókúlu

Ólafur minn: Það vil ég líka meina

[Jenný Anna Baldursdóttir, 31.1.2009 kl. 16:58]

Er enn að snjóa?  Ésús, er þetta ekki að vaxa ykkur yfir höfuð?

[Ólöf Jóhanna Pálsdóttir, 31.1.2009 kl. 17:33]

En hvað það er notalegt hjá þér, að þurfa ekki að elda. Eigðu góða helgi .

[Sigrún Þorbjörnsdóttir, 31.1.2009 kl. 20:02]

Vonandi fer eitthvað gott að gerast. Við höfum beðið of lengi.

Það er bara flott að skiptast á eldamennskunni. Ósköp notó að koma heim og setjast við matarborðið. Það er allt öðruvísi að borða mat sem einhver annar eldar  Hafðu ljúfa helgina

[Huld S. Ringsted, 31.1.2009 kl. 20:36]

Þetta er alveg orðið ágætt, það má hætta að snjóa núna!!! Ég er ekkert sérstaklega hrifin af þessu kalda hvíta

[, 31.1.2009 kl. 20:45]

Það er greinilegt að þinn köttur hefur betri aðlögunarhæfni en minn - sem er enn ekki búinn að taka nýja heimilið í sátt síðan við fluttum í águstlok  En ég er sammála þér með kattahárin, finn mikinn mun á lónni síðan kisi minn gerðist útlagi

[Jónína Dúadóttir, 31.1.2009 kl. 21:54]

Jenný mín: Við erum svo harðgerð hérna að við stöndum alltaf uppúr

Ólöf mín: Satt segirðu mín kæra, góða helgi

Sigrún mín: Uppáhaldsmaturinn minn hefur alltaf verið allt sem einhver annar eldarGóða helgi ljúfan mín

Huld mín: Innilega sammála og innilega sammála

Dagný mín: Við fluttum í apríl á síðasta ári, vertu þolinmóð

[Gudrún Hauksdótttir, 31.1.2009 kl. 22:40]

Gott a dkisi er búinnad vidurkenna heimilid.Yndislegt ad geta sest ad bordum.Elska tad ,gerist bara mjög sjaldan á tessu heimili.

Knús til tín

[Jónína Dúadóttir, 31.1.2009 kl. 22:42]

Guðrún mín: Ég er forréttindapakk

Knús til þín líka

[Jóhanna Magnúsar- og Völudóttir , 31.1.2009 kl. 22:53]

 gleði, gleði, gleði.

[Jónína Dúadóttir, 1.2.2009 kl. 07:36]

Jóhanna mín:

[Guðrún Jónína Eiríksdóttir, 1.2.2009 kl. 21:03]

Kvitt og kveðja