Jónína Dúadóttir

Lyftudrasl...

Hvern virkan dag þarf ég í hús þar sem er lyfta... mér er ekki vel við lyftur en í þessu húsi þarf að fara niður í kjallara til að komast lykillaus inn í stigaganginn og ég má ekki vera að því... eða svo ég segi nú alveg satt þá er mér líka illa við stóra mannlausa kjallara í ókunnugum húsum Whistling Ég er eiginlega eins og hálfviti þegar ég fer í þessa lyftu... Shocking Á meðan ég bíð eftir að hún komi, passa ég mig að standa hæfilega langt frá hurðinni ef einhver skyldi koma út, en ég er búin að koma þarna í marga mánuði og aldrei séð hræðu... Woundering Ég sting alltaf hausnum inn fyrst... varlega, til að gá hvort það sé einhver þar, lyftukassinn er nefnilega þversum, snýr þannig að ég sé hann ekki allan þegar ég stend fyrir framan. Ég þarf upp á fjórðu hæð og allan tímann brestur og brakar og ískrar í öllu saman draslinu, hristist, hoppar og skoppar og hurðin opnast áður en hún stoppar á hæðinni Pinch Og þegar hún loksins stoppar þá tekur hún svona eitt lokahopp, spes fyrir mig ábyggilega og ég held alltaf að hún sé að fara strax niður aftur svo ég hendist afskaplega lítið virðulega út í ofboði... Tounge Nokkrum sinnum hef ég flýtt mér svo mikið að komast út úr þessum óskapnaði að ég hef ekki tekið eftir því að hún er alls ekki á réttri hæð... þá er eins og einhver hafi ýtt á takkann á viðkomandi hæð en það er aldrei neinn þar... Undecided Svo þegar ég fer niður aftur þá endurtekur þetta sig, bara í öfugri röð og ég er alltaf fegin þegar ég kemst út á fyrstu hæðinni... Grin Eitt skiptið fór hún með mig niður í kjallarann... ég ýtti samt á takkann þar sem stendur 1... W00t Mér var nú ekki alveg sama svona rétt á meðan hurðin var að lokast aftur, en hún skreiddist með mig á rétta hæð og ég æddi í hendingskasti út úr húsinu LoL Ég er að segja ykkur það, ég er eins og hálfviti þegar ég þarf að hafa samskipti við þessa lyftu GetLost

Njótið dagsins elskurnar mínar allar Smile Heart

Flokkur: Bloggar | 21.2.2009 | 08:29 (breytt kl. 19:25) | Facebook

Athugasemdir

Það er einhver að stríða þér þarna, hef ég trú á. Fólk sem hefur verið þarna síðustu áratugina og er farið yfir móðuna miklu hefur lítið annað að gera en að leika sér í lyftunni.

Hafðu það gott í dag

Anna Guðný , 21.2.2009 kl. 09:35

Anna mín: Góð hugmynd, spurning um að hlægja þá bara með þeim

Hafðu það gott líka

Jónína Dúadóttir, 21.2.2009 kl. 10:53

Ragna mín: Já af hverju ekki... bara hafa gaman af þessuKnúúús

Jónína Dúadóttir, 21.2.2009 kl. 11:00

Hahaha, þetta er eins og atriði úr spennumynd.. fæ meira að segja smá hroll bara við að lesa þetta Knúúúss í helgina þína

Sigrún Þorbjörnsdóttir, 21.2.2009 kl. 11:31

Sigrún mín: Já elskan mín, þetta er eitt atriði úr handriti sem ber það áhugaverða nafn : Spennandi líf heimaþjónustustarfsmanns

Stórt og hlýtt knús handa þér

Jónína Dúadóttir, 21.2.2009 kl. 11:45

Ég se þig alveg fyrir mer í þessum lyftuleik, örugglega ekki gaman fyrir þá sem eru lyftuhræddir. Eigðu góðan dag Jónina min

Kristín Gunnarsdóttir, 21.2.2009 kl. 12:55

Kristín mín: Ef þú sérð þetta fyrir þér þá ertu örugglega flissandi að fíflinu núnaGóðan dag handa þér líka mín kæra

Jónína Dúadóttir, 21.2.2009 kl. 13:34

Já skil þig mætavel með kjallarann, en lyftur eru ágætar, þó sumir vilji ekki inn í þær koma. Þekki slíkt dæmi, en sjálf er ég hrifin að geta notað þær ef ég þarf upp á fjórðu hæð þá er það einni hæð of mikið fyrir mig. Eigðu góða helgi Jónína mín,

Ólöf Jóhanna Pálsdóttir, 21.2.2009 kl. 17:02