Enn sem komið er...

... yngsta barnabarnið okkar hún Linda Björg þriggja ára, er farin að hringja alveg sjálf í ömmu sína... sem er égÁ takkanum á símanum þeirra þar sem mitt númer er, er lítil mynd af epli og ef hún vill spjalla við ömmu þá bara ýtir hún á eplið. Hún hringdi í fyrradag og byrjaði á að spyrja hvort ég væri nokkuð í vinnunni... ? Mér gafst nú ekkert tóm til að svara vegna þess að hún kom sér beint að aðalerindinu sem var það að henni var svo illt í fætinum... maður hefur auðvitað erindiVið ræddum þetta aðeins, hún var alveg föst á þeirri skoðun sinni að steinninn hefði bara alls ekkert átt að vera akkúrat þarna sem hún datt og komumst svo að þeirri niðurstöðu að best væri að amma mundi kyssa á bágtið næst þegar við hittumst, ég þakkaði henni fyrir að hringja og þá kom: "Já ég fékk hugmynd... að hringja í þig... takk fyrir símatalið, bið að heilsa afa..." Hún hringdi svo í gær, rétt fyrir kvöldmat: "Amma þetta er ééég, ég var að borða pönnukökur í kvöldmatinn og ég er alveg að springa og hún oma(sem er í heimsókn frá Sviss) er ennþá að borða" Eftir þó nokkrar samræður svona um lífið og tilveruna, kvaddi hún með: "Takk fyrir daginn, bið að heilsa afa" afi þarf alltaf að fá að vera með...Ég heyrði að pabbi hennar sagði eitthvað þarna á bak við þegar hún var að leggja á og hún svaraði: "Pabbi, þetta var hún mamma þín"

Yndislegur dagur með glampandi sól og heiðskýran himinn, vona að hann verði ykkur góður

Athugasemdir

[Ía Jóhannsdóttir, 4.4.2009 kl. 13:20]

[María Guðmundsdóttir, 4.4.2009 kl. 14:08]

 yndisleg thessi børn, og thessi 3.ára aldur er bara skemmtilegur

[Ragna Birgisdóttir (IP-tala skráð) 4.4.2009 kl. 15:02]

Knús norður ljúfan.

[Jónína Dúadóttir, 4.4.2009 kl. 19:06]

Ía mín:

María mín: Alveg frábær

Ragna mín: Knús til þín mín kæra, fegin þú skulir vera hér

[Sigrún Þorbjörnsdóttir, 6.4.2009 kl. 12:07]

Bara gaman að fá svona símtöl  Eldri dóttir mín var að koma sér upp símanúmerabók...svo nú fer hún örugglega að hringja í tíma og ótíma í ömmu og afa. Komin með öll símanúmer, vinnu, gemsa og allt