Jónína Dúadóttir

Gleðilega páska :)

Páskarnir eru fyrir mér bara frí, svo til þess að vera sjálfri mér samkvæm ætti ég að óska öllum gleðilegs páskafrís... en ég sleppi því, ég gæti móðgað einhvern og það er óþarfi Wink Héðan er það helst að frétta að það er alls ekkert að frétta... svona frekar aðgerðarlaus tilvera en ósköp notaleg samt Smile Það stóð til að mála baðherbergin og laga til í kjallaranum... lesist: "ég ætlaði að láta gera það" Cool Var sjálfsagt að hafa áhyggjur af því að hinum helmingnum af okkur sambýlingunum mundi leiðast allt þetta frí á meðan ég væri í vinnunni... en það eru ástæðulausar áhyggjur og hverri manneskju hollt að hafa bara frí í fríum... Tounge Ég er að prjóna lopapeysu... hélt nú eiginlega að ég væri hætt því samt... Whistling Í hvert skipti sem ég klára lopapeysu lofa ég sjálfri mér að það sé sko síðasta peysan... búin að lofa því í einhver hundruð skipti í gegn um árin... iss og bara hnuss líka ekki orð að marka skal ég segja ykkur, meira að segja svo alls ekkert að marka, að ég er strax búin að ákveða næstu peysu og bara hálfnuð með bolinn á þessari LoL Fór í gær í nýja Bónus til að versla páskaegg... á síðasta snúningi auðvitað og einu eggin sem voru eftir voru svo risastór að ég steinhætti við og fór í aðra verslun og fékk eitt miklu minna og sá þegar ég var komin með það heim, að innan í því voru miðar fyrir heila fjölskyldu á einhverja barnateiknimynd í bíó... það var nú aldeilis alveg stórfínt sko Halo Muna: alltaf að hafa gleraugun með í búðir og ekki bara hafa þau með... setja þau á andlitið líka Tounge En það er alltaf gott að eiga mörg barnabörn, núna get ég verið svona ofboðslega góð amma og boðið heilum hópi í bíó... með afa sínum Grin Látið ykkur líða vel elskurnar mínar, það ætla ég að gera Smile Heart