Sko...

... ég skrifaði þessa líka frábæru færslu hérna í gær, hún var eins og gefur að skilja fyndin, andrík og fræðandi... minnir kannski svolítið á söguna um stóra laxinn sem slapp... ýtti á vista/birta og hún hvarf út í tómið og hefur ekki sést síðan... Ég skrifaði umsjónarmanni bloggsins sem hefur stundum hjálpað mér, en hann sagðist ekki sjá nein merki um að ég hefði verið að skrifa neitt   Nei... jæja góði, ég fór þá auðvitað bara í fýlu og skrifaði ekkert meira þann daginn... nei nei, smá skrökvulygi... gaf mér ekki tíma bara... Búin að lengja vinnudaginn í annan endann... byrja fyrr suma morgna og er þá búin fyrr á daginn í staðinn... það er fínt. Hér er bara ekkert lát á sumrinu... sól og fínn hiti... hélt ég mundi steikjast lifandi hérna úti á palli um miðjan daginn í gær... en það slapp til öllum til mikils léttis... líklega þó aðallega mér Vaknaði eins og venjulega klukkan 5 að staðartíma og líður vel með því... hef aðeins fengið að heyra að þetta sé hálfgerð geðveiki og meira að segja hefur mér verið ráðlagt ekki af lækni samt, að fá mér svefntöflur við þessu... Það verður nú ekki í þessu lífi sko... ég ætla ekki að fara að bryðja töflur við þeirri einföldu staðreynd að ég læt ekki tölustafina á klukkunni stjórna því hvenær ég er útsofin Elskurnar mínar ég er farin út í sólina... ég ætti kannski að klæða mig fyrst... þegar líður á þennan dásamlega morgun fer ég svo út "að þjónusta" skjólstæðingana mína... Smá íslenskubaga fyrir Sigga og syni Eigið yndislegan dag elskurnar mínar allar... það stefnir allt í það hjá mér líka, vegna þess að ég er ákveðin að hafa það svoleiðis

Athugasemdir

[Erna Evudóttir, 15.5.2009 kl. 07:19]

Ég ætla líka að hafa þetta góðan dag, þrátt fyrir rigninguna

[Birna Dúadóttir, 15.5.2009 kl. 07:23]

Það er sko engin rigning hér og enginn vindur heldur. Mér varð svo mikið um,að ég hélt ég væri flutt eitthvað annað

[Ragna Birgisdóttir (IP-tala skráð) 15.5.2009 kl. 07:55]

Njóttu sólardaganna.Kveðja úr rokinu hér í Eyjum dag eftir dag eftir dag..........Knús.

[Ía Jóhannsdóttir, 15.5.2009 kl. 08:07]

Njóttu sólar og góða helgi Jónína mín.

[Jónína Dúadóttir, 15.5.2009 kl. 08:18]

Erna mín: Ertu ekki að grínast... rigning ? Hvað ertu að gera með rigningu kona ?

Birna mín: Þú ert flutt í húsið hérna á móti mér... alveg satt og ég er að koma og droppa yfir í kaffi

Ragna mín: Njóttu roksins mín kæraKnús til baka

Ía mín: Takk og sömuleiðis elskuleg

[Erna Evudóttir, 15.5.2009 kl. 08:24]

Sko ég er bara að vera á móti rekst illa í hóp

[Jónína Dúadóttir, 15.5.2009 kl. 08:27]

Erna mín: Ætli við séum skyldar... ég jarma ekki þegar allar hinar rollurnar jarma... sem sagt ef ég væri rolla og syndi alltaf upp árnar... ef ég væri yfir höfuð svo klikkuð að synda í ám...

[Erna Evudóttir, 15.5.2009 kl. 08:39]

[, 15.5.2009 kl. 17:29]

Þú ert nú alveg yndisleg  Auðvitað færðu fleiri tíma í daginn ef þú byrjar hann snemma

[Ásdís Sigurðardóttir, 15.5.2009 kl. 20:34]

Vona að þú hafir átt ljúfan dag. Hér er lítil sól í kvöld en það er að lægja. Kveðja norður 

[María Guðmundsdóttir, 16.5.2009 kl. 07:19]

já njóttu bara sólarinnar i botn  hér er rigningin mætt á svædid...gródrinum til mikillar gledi ,kannski ekki alveg okkur mannfólkinu..en jújú,thad tharf ad vøkva lika. Hafdu góda helgina,kvedja hédan