Ég held...

... að sumarið sé komið... til að vera ! Það virðist samt eins og sólin viti af kreppunni af því hún skín bara annan hvern dag eða þá einungis brot úr degi... spara Hér er allt mjög rólegt... eiginlega bara ekkert að gerast... sólpallurinn okkar mjakast ekkert upp úr jörðinni... við getum ekki haldið áfram með hann af neinu viti fyrr en búið er að skipta um jarðveg í bílastæðinu og það hefur enginn mætt í það ennþá... Ég stóð í þeirri meiningu að hann kæmi um síðustu helgi... en viðkomandi hefur greinilega haft allt aðra skoðun á því... kannski var það þessi helgi... vonandi, annars hringi  ÉG í hann Ég er búin að rekja upp rauða kjólinn sem ég var að prjóna á Lindu litlu... annað hvort er þessi prjónauppskrift eitthvað skrítin eða þá að ég er ekki með neina ofgnótt af glóru í hausnum... Það síðarnefnda gæti nú alveg passað, en það eru nú barasta engin geimvísindi á bak við það að fara eftir prjónauppskrift, svo mín litla glóra ætti nú alveg að duga í það Þegar ég var búin með pilsið og aðra ermina þá var garnið búið, enda kjóllinn líklegri til að passa á 10 ára en fjögurra ára. En það er ekkert mál, ég byrja bara aftur... núna á eftir... þegar ég er búin að bulla hérna aðeins Heyrði í dótturinni minni frá Gautaborg í gærkvöldi og hún sagði mér þær gleðifréttir að hún kemur í heimsókn í ágúst ! Mikið hlakka ég til Ég fékk einhverskonar kast í gær milli vinna... skúraði og bónaði eldhúsgólfið og baðgólfin... það er náttulega ekkert vit að láta svona og það í góða veðrinu sem var hérna í gær... Nú ætla ég að fá mér fleiri köff og byrja aftur að prjóna rauða sparikjólinn á Lindu Björgu... Góða helgi elskurnar

Athugasemdir

[Erna Evudóttir, 23.5.2009 kl. 08:29]

Ég er nú alveg bit á þessu með kjólinn, NOT myndi ekki einu sinni reyna að prjóna ehh pottalepp, hvorki með eða án uppskriftar Gaman að Kata kemur, þarf að hitta hana, kominn tími til

[María Guðmundsdóttir, 23.5.2009 kl. 08:35]

gott ad sólin er med á nótunum i kreppunni  eigdu góda helgi

[Ía Jóhannsdóttir, 23.5.2009 kl. 09:03]

Tek undir þetta með kreppusólina hehehe

[Birna Dúadóttir, 23.5.2009 kl. 14:11]

Langar líka í sona kjól Kemur hún fyrir 10 ágúst, ég að vera yfir versló á Ak, á Halló mamma

[Jónína Dúadóttir, 23.5.2009 kl. 15:09]

Erna mín: Ég kann ekki að hekla það kannt þúJá þið megið til að hittast

María mín: Hér virðast allir vera með á nótunumGóða helgi líka

Ía mín: Já hefur þú tekið eftir þessu líka ?

Birna mín: Ég nenni ekki fyrir mitt litla líf að prjóna á þig kjól stelpa...En ég er búin að lofa að prjóna á þig lopapeysu og ég stend við það, þú þarft bara að ákveða hvernig hún á að vera og koma með efnið í hanaKata er ekki úin að panta miðana, svo ég veit ekki dagsetningar

[, 23.5.2009 kl. 22:26]

Kannast við svona uppskriftir  og fátt er leiðinlegra en að rekja upp. Skömminni skárra að fötin verði of lítil - það má þá bara gefa þau næsta barni  Góða helgi ljúfan

[Sigrún Þorbjörnsdóttir, 25.5.2009 kl. 17:00]

Frábært að dóttir þín ætli að koma, skil vel gleðina  Vona að einhver fari að mæta svo pallurinn verðir að veruleika fljótt  Góða skemmtun í kjólaprjóni  Ég reyni að forðast skúringaköstin þessa fáu sólardaga sem hafa verið hérna. Fékk bara garðakast í staðinn, miklu skemmtilegra.

[Guðrún Jónína Eiríksdóttir, 25.5.2009 kl. 23:16]

Þú ert alltaf jafn dugleg. Kveðja frá Skerinu.

[Katrin Stefansdottir (IP-tala skráð) 28.5.2009 kl. 14:47]

Afhverju ertu að þrífa núna þegar ég kem í ágúst? :)

[Jónína Dúadóttir, 29.5.2009 kl. 06:03]

Aldrei að vita nema ég þrífi líka eitthvað í ágúst