Framkvæmdaskýrsla númer 436 ;)

Við vorum ekki beinlínis prúðbúin og alls ekki niðri í miðbæ í gær 17. júní. Við vorum að djöflast á lóðinni okkar, gamli minn búinn með þessar fínu tröppur... setti auðvitað inn nýjar myndir... svo nú komast ekki bara heimsmeistarar í hindrunarhlaupi inn heima hjá okkur Ég var líka dugleg og tók allar gömlu gangstéttarhellurnar og staflaði þeim upp, eiginlega utan um ruslatunnuna... setti líka myndir af því auðvitað... Svo gróf gamli minn síðustu stauraholuna svo nú á bara eftir að steypa niður  síðustu þrjá staurana og þá er hægt að fara að festa dregarana... (Þýðing höfundar: Timbrið sem gegnir því hlutverki að halda pallgólfinu uppi) og svo bara gólfið á sinn stað ! Svo sem ekkert "bara" en þetta er allt að koma... mætti líklega segja að í þessu sé "rífandi gangur" Það er ekta þjóðhátíðarveður hérna í dag líka... rigning og norðanátt, en það sleppur fyrir mig ég er inni, veðrið er úti Sumarfríið mitt virðist ætla að riðlast eitthvað þetta sumarið, virðist ekki vera auðvelt að fá afleysingafólk í mína tegund af vinnu, en það sleppur örugglega til... Ég bað þær þá bara að láta mig vita þegar ég ætti ekki að mæta Eigið góðan dag elskurnar mínar allar, ég stefni á það líka

Athugasemdir

[Ragna Birgisdóttir (IP-tala skráð) 18.6.2009 kl. 11:54]

Sömuleiðis orkubolti

[Jónína Dúadóttir, 18.6.2009 kl. 12:57]

Ragna mín: Takk elskuleg

[Ía Jóhannsdóttir, 18.6.2009 kl. 13:22]

[Ásdís Sigurðardóttir, 18.6.2009 kl. 13:45]

Bjáninn hún ég fann loksins allar myndirnar, beið alltaf eftir þeim í færslu, en svo voru þær bara í albúminu til hliðar, miklar framkvæmdir hjá ykkur og flott hús.  Kær kveðja norður

[Jónína Dúadóttir, 18.6.2009 kl. 15:38]

Ía mín:

Ásdís mín: Alveg eins og ég hefði gertJá líst þér ekki bara vel á ? Þú verður nú samt að kíkja á mig ef þú kemur norður, þó þú sért búin að finna myndirnar

[Sigrún Þorbjörnsdóttir, 19.6.2009 kl. 00:18]

Ég hefði nú ekkert verið að hlaupa í skrúðgöngu eða horfa á Brúðubílinn nema af því ég er með svo litlar skottur. Og svo er sú eldri byrjuð að lesa..og auðvitað var hún búin að lesa alla dagskrána svo ekki hefði þýtt fyrir mig að reyna að svindla eitthvað  Ekki það að ég sé neitt að reyna að svíkja dæturnar..

Þið eruð dugnaðarforkar. Gaman að fylgjast með framkvæmdunum  Er líka búin að renna yfir myndirnar, var búin að fatta "felualbúmið" fyrir þó nokkru síðan  Mikið er vinnuveitandinn þinn heppinn að hafa þig í vinnu. Það er ekkert sjálfgefið að allir haldi ró sinni sem eru búnir að plana fríin sín  Knús á þig kjarnakona

[Jónína Dúadóttir, 19.6.2009 kl. 06:16]

Sigrún mín: Skotturnar verða auðvitað að fá að taka þátt Ég var nú svo sem ekkert búin að plana neitt sérstakt í sumarfríinu nema auðvitað algert aðgerðarleysi og yfirgengilega leti og svo eina viku í ágúst þá kemur dóttir mín og sú vika er ekki umsemjanleg, alls ekki og aldreiKnús á þig líka mín kæra

[Jokka (IP-tala skráð) 19.6.2009 kl. 12:20]

Vá flottar framkvæmdir  tókum þetta út hjá Jóa um daginn, þú varst nottla ekki heima þá hehe...en við komum aftur! Við komum alltaf aftur! tíhí...

[María Guðmundsdóttir, 19.6.2009 kl. 17:44]