Það var nú ekkert allt of hlýtt...

... í þessari meintu hitabylgju sem gekk yfir um helgina... alveg þolanlegt í skjóli samt Hér kemst lítið annað að en pallasmíði, enda gólfið farið að koma í ljós eins og myndirnar sýna sem ég set hérna í albúmið, þegar ég er búin að pikka þennan mjög svo innihaldsríka og djúphugsaða pistil Innistörfin hafa setið gjörsamlega á hakanum í þessu húsi, við erum að vísu bara tvö í heimili en það þarf samt að huga að þeim annað slagið... setja í þvottavél, moka nokkurnveginn gangfærar slóðir um gólfin og jafnvel elda eitthvað Hans hátign Lúkas heimilsköttur er stunginn af... hefur ekki sést í marga daga... þolir sjálfsagt ekki þessi læti í okkur endalaust Ég geri fastlega ráð fyrir því að hann sé einhversstaðar að hrella blásaklausa fuglsunga, hann sem nennir nú yfirleitt ekki meiru en að hlusta á matinn syngja og fer svo í skálina og étur tilbúinn mat Hann kemur eflaust aftur... nú eða þá ekki, það kemur bara í ljós. Sumarfríið mitt sem hingað til hefur verið 30 virkir dagar er núna komið upp í 40 daga... helgast af því að núna er ég komin í vaktavinnu... held ég hafi skilið þetta þegar það var útskýrt fyrir mér en þó ekki nógu vel til að segja frá því svo vel sé... skyldi nú samt mjög vel töluna 40 Ég fór og keypti fíflaeitur fyrir rest... það var letin í mér sem stjórnaði því... ef ég hefði keypt verkfæri til að pota fíflunum upp úr lóðinni þá hefði mér ekki enst sumarið til að losna við þá... úðunin tekur kannski hálftíma og mér líst miklu betur á það... Eigið góða daga elskurnar mínar allar... skjáumst næst þegar ég man eftir því að ég á tölvu

Athugasemdir

[Erna Evudóttir, 29.6.2009 kl. 09:06]

Líst vel á ykkur verður svo bara sól þegar ég kem næst þá skal ég sitja á nýja pallinum

[Jónína Dúadóttir, 29.6.2009 kl. 11:48]

Erna mín: Lofa auðvitað sól þegar þú kemur næst... svo bara spurning hvað sólin gerir í því

[Ragna Birgisdóttir (IP-tala skráð) 29.6.2009 kl. 12:06]

Sólarpallakærleikskveðjur

[Jónína Dúadóttir, 29.6.2009 kl. 13:43]

Ragna mín: Sama til baka

[, 29.6.2009 kl. 22:24]

Umm umm. Sólin og hitinn var hér hjá mér í dag   Vona að fríið þitt verði eitthvað meira en strit og streð. Ég á eina vinkonu sem titlar sig alltaf verkstjóra þegar gera á eitthvað svona á heimilinu og tekur það mjög hátíðlega - þ.e. stendur yfir vinnumönnunum og lyftir ekki litlafingri nema tila að benda hvað þeir eiga að gera  

[Ía Jóhannsdóttir, 30.6.2009 kl. 08:08]

Bestu kveðjur norður á hjara veraldar þar sem sólin skín alla daga.

[Jónína Dúadóttir, 30.6.2009 kl. 08:36]

Dagný mín: Ég vildi óska að ég hefði vit á að gera eins og þessi kona... þá væri ég ekki svona þreytt á kvöldin... en það er samt góð þreytaVeistu ég er alls ekki komin í sumarfrí... við erum bæði í fullri vinnu með þessu öllu saman

Ía mín: Bestu kveðjur til þín líka héðan af sólríkum hjaranumÞað er að vísu þoka hér núna en hún fer

[Birna Dúadóttir, 30.6.2009 kl. 23:29]

Ég var í hitabylgju-m, yndislegt bara

[María Guðmundsdóttir, 2.7.2009 kl. 08:02]

Alltaf nóg ad gera  hafdu thad gott og mundu já inná milli ad thú átt tølvu knús og kram hédan

[Jónína Dúadóttir, 2.7.2009 kl. 08:44]

María mín: