Elsku hausinn minn ;)

Gærdagurinn fór ekki alveg eins og ég vildi frekar en sumir aðrir dagar... Ég var rétt komin heim úr vinnunni um eitt leitið þegar ég fékk migreni og þá lá leiðin bara inn í rúm í nokkra klukkutíma Fyrir nokkrum árum var móðurlífið tekið úr mér ásamt einhverju fleiru í þeirri deild og þá fann ég ekkert fyrir mígreni í ein fjögur ár, en undanfarin tvö ár hef ég verið að fá þetta að meðaltali þrisvar í mánuði eða svo Hef stundum velt því fyrir mér hvort það þurfi að taka eitthvað fleira innan úr mér svo þetta hætti aftur, en mér finnst bara ég ekki mega missa neitt fleira, allt í notkun sko Ég var hætt að eignast börn svo það var allt í lagi að móðurlífið færi, það þarf ekkert að hafa það til að geta eignast barnabörn... alveg klár á því Þegar ég er með migreni væri mér eiginlega alveg sama þó hausinn væri tekinn af... en svo bráir af mér og þá verður mér ljóst að mér þykir svo undurvænt um vitlausa hausinn á mér, svo hann er ennþá á sínum stað Ferlega góð inn í þennan fína dag, spáin yndisleg... já ég skrifa auðvitað um veðrið, ég er nú íslendingur... og fjórir vinnudagar þangað til ég kemst í viku sumarfrí. Ég vinn um næstu helgi ef vinnu skyldi kalla, er bara með tvo skjólstæðinga og hjá öðrum þeirra eru fullorðnir synir í heimsókn svo þá er ekki eins mikil þörf fyrir mig á meðan og á hinum staðnum eru þetta bara smáheimsóknir, það er nær að segja að ég sé bara á kaupi um helgina Eigið dásamlegan dag elskurnar mínar, ég ætla að skreppa aðeins í vinnuna

Athugasemdir

[Birna Dúadóttir, 9.7.2009 kl. 08:54]

Æts migreni er leiðinda kvilli  Eigðu góðan dag 

[Ragna Birgisdóttir (IP-tala skráð) 9.7.2009 kl. 08:58]

Æ ljúfanl. Ég lá í svona 20 tíma kasti á Laugardaginn.Það er ekki skemmtilegt og er ég samt með öll innyflin í mér Vonandi hressistu nú og farðu vel með þig

[Heiður Helgadóttir, 9.7.2009 kl. 09:58]

Ég barðist við migreni, fyrir nokkuð mörgum árum, en það virðist vera sem að ég sé laus við það núna sem betur fer. Eitthvað hef ég lesið mér til um að mataræði hafi áhrif á þennan sjúkdóm, t.d ostur og rautt vín.

[Jónína Dúadóttir, 9.7.2009 kl. 11:53]

Birna mín: Æi já... eigðu líka góðan dag, næstsíðasta dag fyrir sumarfrí

Ragna mín: Æi stelpuskinniðFarðu líka vel með þig

Heidi mín: Gott þú ert laus við það... Ég er búin að gera endalausar tilraunir á sjálfri mér og forðast allt sem gæti komið þessu af stað, en það er ekki alltaf nóg bara

[Einar Indriðason, 9.7.2009 kl. 12:50]

Hætta að nota:  Rauðvín, sterka osta, dökkt súkkulaði, koníak, rautt(reykt) kjöt, salt kjöt.

Þetta eru helstu mígrenivaldarnir.  Ásamt með stressi, og vöðvabólgu.

Svo getur líkamsrækt hjálpað til við að losna við mígrenið, og vöðvastyrkingar.

[Jónína Dúadóttir, 9.7.2009 kl. 14:06]

Einar minn: Drekk ekki rauðvín, finnst sterkir ostar, dökkt súkkulaði og koníak allt saman vont... læt það þar af leiðandi vera... get borðað reykt og saltað kjöt en ekki reyktan fisk. Er aldrei stressuð, hreyfi mig mikið en er með króníska vöðvabólgu sem ég þó get haldið niðri. Svo eru ýmis krydd sem ég verð að varast... og fæ síður migreni í kulda...anda núna...

[Jóhanna Pálmadóttir, 9.7.2009 kl. 20:18]

No brain no pain

[, 10.7.2009 kl. 00:00]

Andstyggð þetta mígreni. Hún dóttir mín hefur verið með þetta frá því hún var smákrakki og mataræði hefur ekkert að segja - hún er verst þegar hún er að byrja á blæðingum og nýorðin ólétt og svo fær hún stundum köst ef svefninn er óreglulegur hjá henni eða hún passar sig ekki á að drekka nægan vökva. vona að allt sé batnað og komi helst ekki aftur hjá þér

[Birna Dúadóttir, 10.7.2009 kl. 08:45]

Talandi um rauðvín, ég veit að þú hefur ekki smakkað það síðan Bokki (þá hann libbði) pissaði á veggin hjá þér

[Jónína Dúadóttir, 10.7.2009 kl. 13:27]

Dagný mín: Jamm andstyggilegt bara

Birna mín: Ekki dropaEf ég einhvertímann fæ mér rauðvín, sem ég er nú ekkert endilega farin að sjá fram á þá verður það bara til að skála fyrir honum Bokka blessuðum, hann mátti alveg pissa á þetta ljóta strigaveggfóður addna

[Jónína Dúadóttir, 11.7.2009 kl. 06:20]

Jóka mín: Sá þig ekki strax stubbalína mín

[Jóhanna Pálmadóttir, 11.7.2009 kl. 09:17]

Hahahaha

[Ía Jóhannsdóttir, 11.7.2009 kl. 10:49]

Farðu nú vel með þig, mígreni er víst ekki það besta sem maður getur óskað sér.  Góða helgi.