Síðast þegar ég var í sumarfríi...

... þá snjóaði... það var að vísu undir miðjan maí Núna er ég komin í alveg 9 daga sumarfrí, sólin er farin úr augsýn og ætlar ekkert að mæta hingað þessa viku... en það snjóar samt líklega ekki núna... snjóþungt sumarfrí er ekkert sérstaklega aðlaðandi Spúsi á afmæli í dag, ég sendi hann með smurbrauðstertu í vinnuna og set svo á eitthvað smá í viðbót til að eiga handa gestum, allir velkomnir að gleðjast með unga manninum Í tilefni dagsins ætla ég að þrííífa hérna... húsið lítur út eins og það hafi ekkert verið gert í þeirri deild mjög lengi og svoleiðis er það líka ! Það er búið að vera svo frábærlega yndislegt veður núna lengi og þá er kona ekki inni að þrífa... ekki þessi kona að minnsta kosti Pallurinn okkar er kominn með skjólvegg... að vísu bara ytra byrðið, en það verður látið duga í bili. Andlitið á mér og handleggirnir eru komnir með rauðbrúnleita áferð og það er ekki bara fúavörnin mahóní... En það kostar svo sannarlega fyrir mig að fá þennan lit... fyrst brenn ég nokkrum sinnum og það er andstyggilegt, síðan klæjar mig í einhverja daga og það er óþolandi og gerir mig geðvonda, en svo þegar það er loksins ekkert eftir lengur sem getur brunnið, þá kemur þessi rauðbrúna áferð... ég hef það fyrir reglu að fækka bara alls ekki fötum í sól, af skiljanlegum ástæðum Vona að þið eigið öll dásamlegan dag... ég er að fara á stefnumót... við sápubrúsa, ryksugu, moppur og afþurrkunarklúta   

Athugasemdir

[Heiður Helgadóttir, 13.7.2009 kl. 09:54]

Jamm, svona stefnumót eru hundleiðinleg, er samt búin að afreka uppvask í dag, eftir morgunkaffið mittGangi þér vel í hreingerníngunum, og til hamingju með kallinn

[Jónína Dúadóttir, 13.7.2009 kl. 10:01]

Heidi mín: Dugleg stelpaTakk heillin mín og gangi þér vel að njóta góða veðursins

[Erna Evudóttir, 13.7.2009 kl. 11:43]

Til hamingju með Jóa

[Jónína Dúadóttir, 13.7.2009 kl. 19:03]

Erna mín: Takk fyrir það

[Jóhanna Pálmadóttir, 13.7.2009 kl. 20:17]

Já innilega til hamingju með unga drenginn þinn

[Díana (IP-tala skráð) 13.7.2009 kl. 20:40]

Til hamingju með eilífðarunglinginn þinn :)

[Jónína Dúadóttir, 14.7.2009 kl. 10:08]

Takk elskurnar