Allt fínt að frétta héðan sko ;)

Það er rigning og mér finnst það frábært... grasið á lóðinni er að verða grænt, alveg að missa þennan eyðimerkurgrábrúna lit sem hefur skreytt það... líklega vegna þess að ég hef ekki verið nógu dugleg að vökva... og líka vegna þess að hér hefur bara alls ekkert rignt í allt sumar Það eru bara þrír... 3... segi og skrifa ÞRÍR dagar með deginum í dag, þangað til ég kemst loksins í mitt langþráða sumarfrí... alveg í heilan mánuð Það eru ekki allir jafnsáttir við að ég fari yfir höfuð í sumarfrí... þá nefnilega fer sólin... hugsið ykkur bara og ég á eftir að vera í fríi í heilan mánuð...   Held það sé hafin undirskriftasöfnun... "Ninna, halda áfram að vinna" Annars tókst mér að slasa mig í gærmorgun... fréttir ehh... nei eiginlega ekki... ef ég finn einhversstaðar sléttan blett eða einhvern öruggan stað þá dett ég eða rek mig í eða eitthvað... en er alveg viss um að það kæmi ekkert fyrir mig þó ég stæði úti á hraðbraut í Þýskalandi heilan dag... en tækist að stórslasa mig ef ég væri pökkuð inn í bómull Ég var nú bara að ganga yfir götuna að bílnum mínum og ökklinn sem ég missteig mig svo herfilega á rétt fyrir síðustu jól og átti bara að vera viku að jafna sig, gaf eftir og ég kútveltist á götunni... eins og bolti eiginlega Löng vika þetta... mér finnst meira eins og það séu komnir 7 mánuðir síðan þetta átti að lagast, en hver er svo sem að telja... ? En jæja, úbbasía og ég dauðfinn til í hinum ökklanum, hnénu, mjöðminni, bakinu, úlnliðnum, olnboganum og öxlinni... hvergi annarsstaðar samt og sem betur fer er þetta allt sömu megin og ég finn bara til ef ég hreyfi mig... annars ekki Ferlega góð inn í þennan fína dag og hlakka mikið til helgarinnar... hingað stefna næstum því bara öll börn og barnabörn og systur og systkinabörn og vonandi bara enn fleiri og dóttir mín kemur svo 7.ágúst frá Svíþjóð og þetta er allt æðislegt ! Eigið öll yndislegan dag og enn betri helgi  

Athugasemdir

[Ragna Birgisdóttir (IP-tala skráð) 29.7.2009 kl. 09:03]

Þú verður vonandi búin að jafna þig í sumafríinu þínu.Hér í gær komu líka langþráðir rigningardropar.Kveðja norður.

[Ásdís Sigurðardóttir, 29.7.2009 kl. 10:55]

Æ,æ ansans óheppni var þetta nú. Nú er ákveðið að við förum norður fimmtuda eftir verlsmhelgi og vonandi get ég hitt á þig og fleiri bloggvini, verð í bandi og ég vona að þér batni vel og helgin verði ánægjuleg í faðmi fjölskyldunnar.  Kær kveðja

[Jokka (IP-tala skráð) 29.7.2009 kl. 11:18]

Æi ljúfan mín, hvusslags er þetta með þig eiginlega  vonandi hefurðu ekki tognað eða slitið eða brotið neitt! knúss þarna uppeftir...

[, 29.7.2009 kl. 16:15]

Æ æ æ - dáldill hrakfallabálkur blessunin   Vona að þú jafnir þig fljótt og vel og eigir æðislegt sumarfrí. Þótt það rigni

[Ía Jóhannsdóttir, 29.7.2009 kl. 23:49]

Elsku kerlingin vonanadi jafnar þú þig fljótt.

[Jónína Dúadóttir, 30.7.2009 kl. 06:17]

Ragna mín: Æi já, en hef þá heilan mánuð til að jafna migKveðjur úr nokkurnveginn endalausri rigningu

Ásdís mín: Já óheppni nefnilega og ég sem held því fram að ég sé alltaf svo heppinVonast til að fá að hitta þig

[Jónína Dúadóttir, 30.7.2009 kl. 06:19]

Jokka mín: Nei ég geri svona nokkuð aldrei almennilega... bara svona um það bil... en samt alltaf nóg til að ég dauðfinn til dálítinn tímaKnús niðureftir til þín líka ljúfan mín

[Jónína Dúadóttir, 30.7.2009 kl. 06:22]

Dagný mín: Já eiginlega má bara segja það sko...Þakka þér fyrir vina mín, ég veit að sumarfríið mitt á eftir að verða frábært... rigning eða ekki

Ía mín: Þakka þér fyrir ljúfust

[Erna Evudóttir, 31.7.2009 kl. 11:18]

Segi bara Jónína Þodddn

[Jónína Dúadóttir, 31.7.2009 kl. 15:00]

Erna mín: Ætli sé ekki óhætt að sleppa bara þoddninu í þetta skiptið