Gaddavírsgirðing... ;)

Maðurinn sem ég bý með kom heim úr vinnunni um hálf 9 í gærkvöldi... hann rétti mér pakka þegar hann kom inn, með orðunum: "Ég ætla að gefa þér þetta af því að þú ert svo mikill böðull" ! Hann er nú stundum álíka rómantískur og ruslatunna eða gaddavírsgirðing með stífkrampa... þessi elska   Ehhh... hvað þá... er ég hvað ??? Hm... langur flatur pakki/böðull... er mannfjandinn í alvöru að gefa mér öxi ??? Jæja ég opnaði samt pakkann með hálfum huga þó... það er nú alltaf gaman að fá gjafir... en úr flata pakkanum til böðulsins kom ekki öxin sem ég gat átt vona á, það var nýtt lyklaborð fyrir tölvuna Af gefnu tilefni vil ég að það komi skýrt fram að sá helmingur sambúðarfólksins í þessu húsi, sem situr hér og hripar þessar línur er ekki heimilistækjaböðull hússins Til að hefna mín fyrir brandarann fór ég með elsku bílinn minn bláa í skoðun og ætlaði að búa til verkefni fyrir gamla svo hann hefði eitthvað annað að brasa við en að finna upp allt mögulegt til að gera at í mér með... En þar kom vel á vondan... bíllinn minn er í fullkomnu lagi og engrar viðgerðar krafist

Athugasemdir

[Ásdís Sigurðardóttir, 28.8.2009 kl. 13:26]

 Góð að vanda, farðu nú vel með nýja lyklaborðið og sjálfa þig, góða helgi.

[Jónína Dúadóttir, 28.8.2009 kl. 13:36]

Ásdís mín: Sömuleiðis góða helgi dúllan mín

[Ragna Birgisdóttir (IP-tala skráð) 28.8.2009 kl. 13:47]

Knús í helgina:)

[Jónína Dúadóttir, 28.8.2009 kl. 13:54]

Ragna mín: Knús inn í helgina þína mín kæra

[Birna Dúadóttir, 28.8.2009 kl. 17:09]

[, 28.8.2009 kl. 20:49]

[Anna Guðný , 28.8.2009 kl. 22:10]

[Jónína Dúadóttir, 29.8.2009 kl. 08:14]

Takk fyrir innlitin dúllurnar mínar

[Jokka (IP-tala skráð) 30.8.2009 kl. 11:32]

[Ía Jóhannsdóttir, 31.8.2009 kl. 10:16]