Þegar ég veit ég er dugleg...

... þá segi ég alltaf frá því, öllum sem heyra vilja og svo auðvitað öllum hinum líka... En það sleppur alveg vegna þess að það er ekki svo oft... í alvöru ! Ég geng hálfpartinn af göflunum hérna heima aðra hverja helgi og hreyfist svo varla þess á milli... nema til að vinna/sofa/éta... Tók mig til á sunnudagskvöldið eftir helgarinnar barnapass, kjötúrbeiningu, lopapeysuprjón, kleinubakstur og bíóferð og fór að brasa við að klára akstursskýrslur fyrir september og október... hætti því svo eftir nokkurt þóf, mér finnst það bara ekki vera fyrirhafnarinnar virði... Ég sé aðallega um eitt heimili í vinnunni minni, það telst vera mín starfsstöð svo þaðan byrja ég þá að mæla... tvo daga fyrir hádegi fer ég á annað heimili og hjálpa smá til þar, stutt þarna á milli þannig að alltaf aðra hvora viku keyri ég alls tvo kílómetra. Hina vikuna er kvöldvinna líka, þá keyri ég þessa tvo og svo hálfan kílómetra á kvöldi sem gera alls 5 1/2 km. En... ég verð að halda skýrslu fyrir hvern dag, skrifa kílómetratöluna á mælinum í bílnum þegar ég fer af stað og þegar ég er komin á leiðarenda... setja tölurnar og hvert ég ek í það og það skiptið á blað fyrir hverja einustu hreyfingu, hreinskrifa svo allt heila gallaríið eftir hvern mánuð... og svo fæ ég bara skít og kanil fyrir hvern ekinn kílómetra Að vísu var mér tjáð að vinnuveitandi minn mætti aldrei borga mér minna en 3 km í hvert skipti sem ég starta bílnum... tat var ok... en það get ég bara ekki með nokkru móti látið ganga upp á skýrslunni, þá yrði ég að fara að skrifa skáldsögu... í skýrsluformi... Þar fyrir utan get ég auðveldlega labbað þetta flesta daga en ef ég á nú að vera alveg hreinskilin þá bara nenni ég því ekki fyrir mitt litla líf Ferlega góð inn í þennan fína dag og finn jólin nálgast... Góðan dag elskurnar mínar    

Athugasemdir

[Jóhanna Magnúsdóttir, 3.11.2009 kl. 07:09]

Góðan dag ;-)

[Jónína Dúadóttir, 3.11.2009 kl. 07:42]

Jóhanna mín:

[Ragna Birgisdóttir (IP-tala skráð) 3.11.2009 kl. 08:03]

Góðan daginn orkubolti:)

[Birna Dúadóttir, 3.11.2009 kl. 08:27]

Held nebbla að jólin séu alveg handan við hoddnið

[Jóhanna Pálmadóttir, 3.11.2009 kl. 08:32]

Einhver verður að segja það....jóla hvað???

Góðan daginn Ninna mín

[Ásthildur Cesil Þórðardóttir, 3.11.2009 kl. 08:45]

Geturðu ekki fengið prestinn þarna í Njarðvíkunum til að hjálpa þér að semja ræ... skýrsluna?  Hann kann þetta greinilega mjög vel.  Góðan dag á þig elskuleg.   Annars var starfsmaður hér á bæjarskrifstofunni sem bjó hinu megin við götuna við vinnustaðinn, og ég veit ekki hvað hann fékk mikla aksturspeninga en það var drjúgt.  Málið er nefnilega að ef þú ert með pjásu þá er þetta allt í smásjá en ef þú aftur á móti hefur tippi, þá er allt miklu auðveldara og nýtur meiri skilnings á því að það þurfi ekki að eyða tíma sínum í skrásetningu eða ritverk.  Þannig er bara. 

[Jónína Dúadóttir, 3.11.2009 kl. 11:37]

Ragna mín: Góðan daginn skvísa

[Jónína Dúadóttir, 3.11.2009 kl. 11:37]

Birna mín: Þau eru það

[Jónína Dúadóttir, 3.11.2009 kl. 11:38]

Jóka mín: Já alveg nauðsynlegt

[Jónína Dúadóttir, 3.11.2009 kl. 11:41]

Ásthildur mín: Jú ég ætti líklega að leita til prests...Ég fer í þetta asnalega akstursskýrslumál fljótlega sko... með typpi eða ekkiEigðu líka góðan dag mín kæra

[Ásdís Sigurðardóttir, 3.11.2009 kl. 13:16]

Æ, þú ert svo yndisleg, hugsa oft um hvað það var gaman að hitta þig í sumar, hlakka til þegar ég fer næst norður og kynnist "orkuboltanum" ennþá betur. 

[Jónína Dúadóttir, 3.11.2009 kl. 14:00]

Ásdís mín: Heimsóknin ykkar var með ánægjulegri viðburðum sumarsins hjá mér, kannski bara stoppa lengur næst ?Hlakka til