Kvöldstund... og prjóna"skap"...

... og skapið ekki upp á það besta svoleiðis... ganga frá endunum á lopapeysunum... sauma upp á milli... klippa og prjóna svo kantana eða hvað það svo sem heitir... þær verða báðar hnepptar   Úff... ekki skemmtilegasta verkið skal ég trúa ykkur fyrir... hélt á tímabili að ég mundi hengja mig í öllu spottakraðakinu... En ég slapp, er á lífi og við hestaheilsu, takk fyrir að spyrja Og hef ekki yfir neinu að kvarta nema einhverju svona ómerkilegu og vildi svo innilega óska þess að allir gætu sagt það sama... Ég er komin með tvo yndislega jólakarla á skenkinn á holinu og á morgun fer ég upp á háaloft og athuga rétt si svona hvort ekki sé allt í lagi með jólaskrautið Ekki er ráð nema í tíma sé tekið og á morgun fer ég svo líka og kaupi síðustu jólagjafirnar Dásamlegur tími í uppsiglingu og ég hlakka svo til að fara að hlakka opinberlega til jólanna... er nú aðeins byrjuð að spila eitt og eitt jólalag... er með alla tónlistina mína í tölvunni svo það er ekki langt að læðast   Vinn bara frá 9-13 og ekkert á kvöldin þessa viku og finnst ég hafa allan tímann í veröldinni til að gera allt sem mér dettur í hug... eða næstum allt skulum við segja Það er búið að vera yndislegt veður hérna í marga daga... ótrúlegt að það sé kominn nóvember... sól, tiltölulega hlýtt og smá ofankoma af og til en samt einungis í formi rigningar en ekki snjókomu.... sem er frábært Vona þið hafið það virkilega gott sem lesið hérna og allir hinir líka bara

Athugasemdir

[Ragna Birgisdóttir (IP-tala skráð) 10.11.2009 kl. 08:01]

[Jónína Dúadóttir, 10.11.2009 kl. 13:57]

Ragna mín: Dúlla

[, 10.11.2009 kl. 19:57]

Það er alltaf gott þegar maður hefur ekki nema yfir einhverju ómerkilegu að kvarta

[Jónína Dúadóttir, 10.11.2009 kl. 19:58]

Dagný mín: Já er það ekki bara ?

[Ásthildur Cesil Þórðardóttir, 10.11.2009 kl. 22:56]

Svona eiga manneskur að vera Jónína mín.   Knús inn í nóttina.

[Díana Bryndís (IP-tala skráð) 11.11.2009 kl. 00:43]

Ég gæti hugsanlega kvartað undan tímaskorti, en þá væri ég að sóa tíma, svo ég sleppi því bara.. habbðu það sem allra best krúttlan mín, og við hljótum að fara að hittast....

[Jónína Dúadóttir, 11.11.2009 kl. 06:02]

Ásthildur mín: Þakka þér fyrir, þetta var fallega sagtKnús

[Jónína Dúadóttir, 11.11.2009 kl. 06:04]

Díana mín: Takk fyrir að gefa þér þó tíma til að kíkja hingaðFer að kíkja á þig í nýja húsinu elsku vinkona

[Birna Dúadóttir, 12.11.2009 kl. 11:13]

Jamm

[Jónína Dúadóttir, 12.11.2009 kl. 14:00]

Birna mín: Jú...