Hundalíf ;)

Ég hef þann lítt dásamlega hæfileika að geta hvað eftir annað spillt þessum fáu fríhelgum sem ég þó hef með mínu fáránlega hugmyndaflugi, þannig að ég kem þreyttari undan helginni en þegar ég er að vinna Nýjasta afurð fáránleikans var að láta mér detta í hug að mála stærra baðherbergið hérna í húsinu okkar... það er orðið rosalega hreint og líka fínt en ég er dr.... þreytt Fékk þessa hugmynd... sem ég veit ekki hvaðan kom eiginlega... á laugardagskvöldið þegar ég fattaði allt í einu að það var enginn vandi að færa ljóta frístandandi sturtuklefann fram á gólf og þrífa bak við hann og undir honum... og fyrst það var nú líka til nóg af málningu var best að klúðra þessu almennilega og mála bara í leiðinni Við höfum ekkert gert við þetta baðherbergi síðan við fluttum inn nema þrífa það aðeins, raða inn í það og setja upp gardínu. Ég æsti gamla í að hjálpa mér að færa klefann og við dunduðum okkur svo við að mála í allan gærdag... milli þess sem ég fór og sinnti hundi eldri sonar míns. Hann, kona og börn eru farin til Sviss og verða þar í mánuð og ég veit um ömmu og afa þar sem eru svo innilega ánægð núna Örverpið mitt ætlar að búa í húsinu þeirra á meðan og sinna dýrinu, en hann skrapp vestur í Ísafjarðardjúp um helgina svo þá tók ég við... geta þessir blessaðir ungar mínir ekki bara verið heima hjá sér... en hann er nú kominn heim aftur þannig að ég er sloppin Annars ferlega góð inn í þennan fína dag, búin með lopapeysuskammt ársins og er að klára síðustu prjónuðu jólagjöfina... jólin nálgast óðum og það er yndislegt... Ég er að byrja kvöldvinnuviku núna og það er fínt bara og gamli bannaði mér að klára að mála eða gera nokkuð inni á baðherberginu... en ég fékk samt náðarsamlegast leyfi til að fara í sturtu og það er það sem ég er ætla að gera núna Eigið góðan dag börnin mín blíð og góð og ennþá betri viku... í vinnu eða ekki

Athugasemdir

[Ragna Birgisdóttir (IP-tala skráð) 16.11.2009 kl. 08:02]

Góðan daginn mín kæra.Helgin hefur verið annasöm hjá þér þrátt fyrir frí í vinnu.Þú ert nú engum lík í orkunni.Kveðja norður.

[Birna Dúadóttir, 16.11.2009 kl. 08:12]

Ég segi nú bara Jónína Þoddn  Alveg búin að rústa mínum frambærilega húsmóðurferli

[Jóhanna Pálmadóttir, 16.11.2009 kl. 11:47]

Jahérna. lætin í þér kona! Þú ættir nú frekar að koma heim til mín, hér er sko FULLT af hlutum sem þarf að gera!!! Já, og svo eiga stelpurnar ekki einu sinni mömmu sem kann að prjóna lopapeysur handa þeim hahahaha

[Jónína Dúadóttir, 16.11.2009 kl. 14:46]

Ragna mín: Jamm.. var fegin að komast í vinnuna í morgun... til að slappa aðeins af skoKnús og kveðjur út í Eyjar

[Jónína Dúadóttir, 16.11.2009 kl. 14:47]

Birna mín: Það er skrökvulygi

[Jónína Dúadóttir, 16.11.2009 kl. 14:50]

Jóka mín: Ef ég væri góð manneskja... sem ég er ekki... þá mundi ég samt örugglega ekki nenna að gera þetta annarsstaðar en heima hjá mérOg ég fæddist ekki með kunnáttu til að prjóna lopapeysur... ég lærði það og fyrst ég gat lært það þá getur hvaða hálfviti sem er lært það líka

[Birna Dúadóttir, 16.11.2009 kl. 15:04]

Ninna mín ég er alveg viss um að þetta er fæðingar-kostur, að þú kunnir að prjóna, held þú hafir alltaf verið svona

[Jónína Dúadóttir, 16.11.2009 kl. 15:55]

Birna mín: ... "fæðingakostur" er flott orð á Degi íslenskrar tungu

[, 17.11.2009 kl. 00:12]

Sumar konur eru dáldið ofvirkar á köflum   Geturðu ekki smitað mig oggupons?   Knús og kátar óskir í norðrið

[Jónína Dúadóttir, 17.11.2009 kl. 06:22]

Dagný mín: Þessi ofvirkni er valkostur, sendi þér það litla sem eftir er  Knús til baka

[Ásthildur Cesil Þórðardóttir, 18.11.2009 kl. 10:39]

Úff hvað allir eru duglegir þessa dagana.  Farðu vel með þig Jónína mín.  Þú getur svo auðvitað glaðst yfir fína baðinu.  Knús.  Mér finnst maður alltaf fá aukaorku ef manni tekst að gera eitthvað svona.