Klæddur hverju... ??? :))

Það vakti athygli mína í gær þegar ég var að hlusta á fréttir á Bylgjunni og verið var að segja frá manni sem réðist til atlögu með haglabyssu einhversstaðar í Reykjavík... sá sem las fréttina sagði orðrétt: "Árásarmaðurinn var klæddur lambhúshettu" ! Bíddu... var hann ekki í neinu öðru ? Það eitt og sér hefði nú verið nógu skelfilegt fyrir mig, að opna útihurðina og sjá þar mann klæddan lambhúshettu, hann hefði ekkert þurft haglabyssuna... Mér finnst maður ekki klæða sig í húfu eða eins og í þessu tilviki lambhúshettu... maður setur á sig umræddan höfuðfatnað er það ekki... eða er einfaldlega með hann á höfðinu... ? Til öryggis vil ég að taka það skýrt og skilmerkilega fram að ég er ekki á nokkurn hátt að gera grín eða fíflast með umræddan atburð, hann er skelfilegur og ekki fj... fávitanum með haglabyssuna að þakka að ekki fór verr... Ég er einungis að grínast með orðalagið sem var notað til að lýsa fatnaði árásarmannsins Ferlega góð inn í þennan fína dag og ætla til tilbreytingar að prjóna á tannlæknabiðstofu... Smá útskýring: skjólstæðingurinn er að fara til tannlæknis og ég vinn við að fylgja honum þangað sem hann þarf að fara Þegar ég kem svo heim um eittleitið mála ég seinni umferðina með rúllunni á baðherberginu, gamli er auðvitað búinn að mála allt með penslinum og hann bannaði mér að klára með rúllunni... en hann kemst bara upp með að banna mér það sem ég leyfi honum... Svo fer ég í klippingu... og eftir það, aftur í vinnuna... Það er svo á morgun sem ég ætla í RL búðina á jólarúntinn... sakna þess að hafa ekki tengdadótturina og Lindu litlu með, við erum vanar að fara saman á fyrsta jólarúntinn þar, en aðeins of langt að koma þangað frá Sviss svo ég fer bara ein núna ! Eigið góðan dag krúttin mín, það ætla ég að leggja áheyrslu á líka

Athugasemdir

[Ragna Birgisdóttir (IP-tala skráð) 17.11.2009 kl. 08:14]

Góðan daginn.Fyrirsagnir eru oft broslegar og ég hef oft lesið mér til gamans ýmsar fyrirsagnir og rýnt í hvernig þær eru settar fram.Það er oft mjög fyndið.

[Erna Evudóttir, 17.11.2009 kl. 14:01]

Sko ekki einusinni Chippendales mundu vera að gera sig bara íklæddir lamhúshettu

[Jónína Dúadóttir, 17.11.2009 kl. 14:48]

Ragna mín: ... allan daginn

[Jónína Dúadóttir, 17.11.2009 kl. 14:49]

Erna mín: Nákvæmlega

[Jóhanna Pálmadóttir, 17.11.2009 kl. 22:25]

Hahahaha :)))

[, 17.11.2009 kl. 22:42]

Jiiiii hahaha - nei ekki vildi ég mæta manni klæddum lambhúshettu  Hún yrði þá a.m.k. að vera dáldið síð  

[Steingrímur Helgason, 18.11.2009 kl. 00:43]

Já, fékk Kornbaróninn heimzókn út af einni ztelpu...

[Ía Jóhannsdóttir, 18.11.2009 kl. 21:21]

Já og síðan var einhver sem réðst að óléttri konu í skartgripaverslun hér í höfuðborginni.  Mér finnst alltaf svo hallærislegt að tala um óléttar konur.  Annars kemur mér þetta ekkert við hehehe.....

[Birna Dúadóttir, 20.11.2009 kl. 08:20]

Hahah góð