Vitiði bara hvern ég sá...

... í speglinum áðan ? Einstein gamla sjálfan... já eða segjum hárið á honum... Þetta var nú að vísu hárið á mér, fyrir þá sem ekki fatta og það leit út eins og ég hefði stungið sjálfri mér í samband með öllum jólaseríukílómetrunum sem ég er búin að setja hérna í gluggana okkar Ég byrjaði að jólaljósast á mánudaginn og var farin að halda að mér tækist bara ekki að koma þessu upp fyrir áramót... Ástæðan fyrir því var sú að þessi hörkuduglegi sambýlingur minn elti mig á milli glugga með pensil á lofti og í hvert sinn sem ég var búin að þrífa einn glugga og var farin að munda seríu, tók hann sig til og bar á timbrið í glugganum og eftir sat ég... með kaffibolla í hendinni og jólaseríu um hálsinn... Náði samt 2 gluggum... sem hann bar á í fyrra... án þess að þurfa að lúta í lægra haldi fyrir málningarpenslinum... en málning hefur þá skemmtilegu eiginleika að þorna fyrir rest svo ég gat  alveg klárað þetta og nú á ég bara eldhúsgluggana eftir Mér finnst þetta gaman, er algerlega óstressuð og nýt þess bara að stússast svona, enda jólin bara einu sinni á ári ! Ef ég fengi að ráða ein og sjálf, þá mundi ég ekki hafa neinar smákökur og kaupa bara laufabrauðið tilbúið Og vitiði enn eitt, ég er löngu búin að komast að þeirri niðurstöðu að ég held ekki jól af neinum sérstökum trúarástæðum, mér finnst þetta bara svo svakalega gaman... og mér finnst piparkökur vondar svo ég fletti nú fullkomlega ofan af mínum myrku leyndarmálum Það er falleg, hvít, þunn ábreiða yfir öllu hérna á norðurhjaranum... ég tala nú yfirleitt ekki svona fallega um snjó... en hann er alveg í setteringum við aðventuna sem byrjar á morgun Góða helgi elskurnar mínar allar og eins og litla systir í Svíþjóð segir: Gangið hægt um gleðinnar dyr og galvösk inn í góðan dag

Athugasemdir

[Ragna Birgisdóttir (IP-tala skráð) 28.11.2009 kl. 09:59]

Góðan daginn ljúfan og njóttu helgarinnar.

[Jónína Dúadóttir, 28.11.2009 kl. 10:10]

Ragna mín: Sömuleiðis takk

[Birna Dúadóttir, 28.11.2009 kl. 10:48]

Hvar varst þú þegar piparkökunum var úthlutað  mmmm ég elska þær

[, 28.11.2009 kl. 10:54]

[Erna Evudóttir, 28.11.2009 kl. 12:51]

Hér eru afleggjararnir mínir byrjaðir að skreyta, voða notalegt Fæ vonandi að sjá herlegheitin fyrir jól

[Ásdís Sigurðardóttir, 28.11.2009 kl. 14:25]

Æ, það er alltaf eitthvað svo notalegt að lesa færslurnar þínar, mér finnst ég boðin velkomin inn í húsið þitt í hvert skipti.  Hafðu það gott elskuleg og borðaðu bara það sem þér finnst best, maður á alveg að fá að ráða sínum jólum, það geri ég allavega.  knús

[Jónína Dúadóttir, 28.11.2009 kl. 16:07]

Birna mín: Hlýt að hafa verið uppi herbergi að lesa... og haft hjá mér franskbrauð með sultu...

[Jónína Dúadóttir, 28.11.2009 kl. 16:08]

Dagný mín: Takk fyrir innlitið

[Jónína Dúadóttir, 28.11.2009 kl. 16:09]

Erna mín: Þú verður að koma og kíkja fyrir jól

[Jónína Dúadóttir, 28.11.2009 kl. 16:10]

Ásdís mín: Þú ERT svo innilega velkomin

[Líney, 29.11.2009 kl. 15:44]

Þú ert æði,kemur  alltaf   smá bros  og stundum skellihlátur þegar ég les   færslurnar  þínar 

[Jónína Dúadóttir, 29.11.2009 kl. 16:10]

Líney mín: Þakka þér fyrir vina mín, það þykir mér vænt um

[María Guðmundsdóttir, 29.11.2009 kl. 20:33]

já nú er ég farin ad lesa bloggin aftur  fésid er bara ekkert thad sama,miklu meira innlit á blogginu.

En mikid er ég sammála thér, fæ aldrei jólastress og geri bara akkúrat thad sem mig langar til,svoleidis á thad ad vera. En øfunda thig thokkalega af hvitu breidunni..thad verd ég ad vidurkenna  vantar alveg hérna..óged thessi fjárans rigning. En hafdu thad gott skvis,knús i hús

[Jónína Dúadóttir, 29.11.2009 kl. 22:22]

María mín: Gaman að fá þig aftur fjörkálfurinn minnÞað er alveg mátulega mikill/lítill snjór hér fyrir minn smekk... þarf svo sem ekkert endilega að vera mín vegnaHafðu það líka gott... knús úr jólaljósum og snjó

[Ásthildur Cesil Þórðardóttir, 1.12.2009 kl. 09:41]

Notaleg frásögn.  Ég er ekki farin að skreyta neinn ennþá, Elli minn sagði stelpunum að ég væri jólagrís, og Hanna Sól spurði mig hvort það væri satt.  Ójá sagði ég.  Hún var samt ekki alveg með það á hreinu hvað þetta þýddi.  En samþykkti það alveg samt. 

Ég er eins og þú ég nýt jólanna sem þátt í því að senn fer sólin að feta sig aftur upp á himininn.  Vetrarsólstöður.  Tel að kristnir menn hafi stolið jólunum og fleiri hátíðum heiðinna til að fá fleiri með í félgasskapinn. 

Knús á þig elskuleg mín.

[Jónína Dúadóttir, 1.12.2009 kl. 19:23]

Ásthildur mín: Knús á þig minn kæri jólagrís