Það snjóar og snjóar...

... og snjóar og snjóar... meiningin kannski alveg komin til skila Það er virkilega fallegt að sjá út... það snjóar í algeru logni og passar alveg við desember... en þetta er nú samt að verða alveg ágætt ! Til þess sem málið varðar: "Það má alveg skrúfa fyrir... núna... strax... hóf er best í öllu" ! Hér er auðvitað allt í ró og spekt... datt einhverjum eitthvað annað í hug...  Við erum búin að ákveða hvað við rífum næst í þessu húsi... held okkur líði ekkert nógu vel ef það er ekki eitthvað á hvolfi einhversstaðar í húsinu... Það var starfsemi í þessu húsi áður en við keyptum það, svo það varð að gera auka snyrtingu, við þurfum hana ekki, við búum bara tvö hérna og plássið fyrir hana var tekið af þvottahúsinu sem varð við það bæði lítið og skrítið í laginu. En af því að ég er svo góð að raða... verð að hæla mér sjálf, það er enginn annar til þess... þá komumst samt frystiskápur, frystikista, þvottavél, þurrkari og kattarbæli með tilheyrandi kúkadalli og matardöllum fyrir þarna frammi. Þarna í þessari krumpulegu kompu er líka vaskabekkur, stiginn niður í kjallara, bakdyrnar, uppgangan upp á mitt yndislega háaloft og ótengdur skorsteinn. Það er gangfært þarna en ekkert meira en það... en þegar þetta er búið þá get ég snúið mér við með þvottakörfuna í fanginu án þess að reikna fyrst út með hávísindalegum aðferðum hvernig best er að bakka og snúa við án þess að lenda á einhverju... eða bara niðri í kjallara Mér finnst nefnilega skipta töluverðu máli að geta hreyft mig svo til óhindrað þegar ég er að gera eitthvað... Við tókum þessa ákvörðun um síðustu helgi og ég get ekki neitað því að ég var alveg til í að byrja strax... en jólin eru að koma... svo það verður ekki byrjað fyrr en á næsta ári... svona um það bil klukkan eitt eftir hádegi 1. janúar Ég vinn þannig vinnu að ég fæ ekkert jólafrí... bara mín venjulegu vaktafrí og mér finnst það bara allt í lagi eiginlega. Jólavikuna er ég bara að vinna til eitt á daginn og það er að verða komið upp í vana að vinna áramótin, enda aldrei komin heim seinna en klukkan 9 á kvöldin. Það snjóar enn... það er greinilega ekkert verið að hlusta á mann hérna Eigið góðan dag elskurnar ég ætla að fara út og setja bílinn minn í gang, það er auðvitað ómögulegt að prinsessan hérna á bauninni þurfi að setjast inn í kaldan bíl

Athugasemdir

[Ragna Birgisdóttir (IP-tala skráð) 2.12.2009 kl. 08:20]

Góðan daginn ljúfan.Kærleikskveðjur til þín,snjóinn og jólahúsið þitt.

[Jónína Dúadóttir, 2.12.2009 kl. 08:58]

Ragna mín: Sömuleiðis elskulega Eyjapæjan mín

[Ásthildur Cesil Þórðardóttir, 2.12.2009 kl. 09:29]

Hehe engin að hlusta... ekki alveg rétt, að vísu að lesa, sami hlutur.  Alltaf gaman að líta hér við. Vonandi gengur ykkur vel að breyta kompunni, en með svona ónotaðan skorstein, sem venjulega gengur upp alla leið á þakið, er ekki svoleiðis tilvalið í arinn?  Knús Jónina mín og takk fyrir enn einn gleðigjafan.

[Aðalheiður Magnúsdóttir, 2.12.2009 kl. 09:47]

Góð. Við höfum víst bara snjó í dag, það á að rigna á morgunn

[Ásdís Sigurðardóttir, 2.12.2009 kl. 12:48]

Hér snjóar líka, ég er svo þakklát fyrir hvað veðrið var gott í gær og ég gat farið til pabba, yndislegur dagur hjá okkur.  Knús á þig hjartað mitt

[Jónína Dúadóttir, 2.12.2009 kl. 13:45]

Ásthildur mín: Takk fyrir að lesa... Skorsteinninn er semsé hauslaus... það var tekið ofan af honum þegar var skipt um þak fyrir einhverjum árum síðan og hann er svo við eldhúsið... annars mundi ég sannarlega virkja hann  Knús ljúfan mín

[Jónína Dúadóttir, 2.12.2009 kl. 13:47]

Aðalheiður mín: TakkOj, það verður ljóta slabbið þegar það rignir ofan í þetta allt saman

[Jónína Dúadóttir, 2.12.2009 kl. 13:49]

Ásdís mín: Gott þú náðir góðum degi með pabba þínum elsku vina  Knúúúúúúúús

[, 2.12.2009 kl. 14:01]

Ooo en heppilegt að hafa svona verkefni framundan  Láttu þér líða vel í snjónum - hér snjóar líka en ekki svona lóðrétt eins og hjá þér

[Ía Jóhannsdóttir, 2.12.2009 kl. 14:43]

Ohhh sendu mér smá snjó það er ekki baun jólalegt hér.  Sól og blankalogn

[María Guðmundsdóttir, 2.12.2009 kl. 16:58]

 ok ég get bara ekki komid ødru á blad....ordid SNJÓR gerir mér thetta  

[Jónína Dúadóttir, 2.12.2009 kl. 22:54]

Dagný mín: Ó já, janúar er langlangleiðinlegasti mánuðurinn... fyrir utan febrúar og mars... Svo það er nauðsynlegt að dunda sér við eitthvað svonaMér líður ágætlega í snjónum takk, ég er mest inni

[Jónína Dúadóttir, 2.12.2009 kl. 22:55]

Ía mín: Ég er með alvarlega skóflufælni, annars mundi ég senda þér svo sem eins og 10 gáma af þessuAnnars er þetta byrjað að bráðna aftur

[Jónína Dúadóttir, 2.12.2009 kl. 22:57]

María mín: Æi elskan mín, er enginn snjór hjá þér ?

[Ásthildur Cesil Þórðardóttir, 3.12.2009 kl. 10:12]

 Ef hann nær alla leið upp að þakskeggi er lítið mál að prjóna við hann, og svo er eldhúsið kósýstaður ekki minna kósý með arni

[Jónína Dúadóttir, 3.12.2009 kl. 22:28]

Ásthildur mín: Ekki svo vitlaus hugmynd

[Jóhanna Magnúsdóttir, 3.12.2009 kl. 23:49]

 Meiri snjó, meiri snjó, meiri snjó!

[Jóhanna Magnúsdóttir, 3.12.2009 kl. 23:49]

það á sko að syngja þetta.

[Sigrún Þorbjörnsdóttir, 4.12.2009 kl. 00:28]

Þú getur náttla ekkert setið iðjulaus. Verður að vera að bralla eitthvað. Ég kannast vel við svona pælingar, ætla alltaf að stoppa allar framkvæmdir en er alltaf byrjuð á einhverju áður en ég veit af  

Flott hugmynd hjá Ásthildi, ég styð hana. Bara kósý að hafa arinn  

[Jónína Dúadóttir, 4.12.2009 kl. 06:54]

Jóhanna mín: Nei nei, mér finnst fallegt að hafa smá snjó en ég er með krónískt ofnæmi fyrir öllu óhófi

[Jónína Dúadóttir, 4.12.2009 kl. 07:00]

Sigrún mín: Æi já... ég get aldrei verið til friðs... ekkert frekar en þúMér líst alltaf betur og betur á hugmyndina hennar Ásthildar en hinn helmingurinn af sambúðarfólkinu hérna tekur það alls ekki í mál og er farinn að munda sleggjuna á strompinnÞað er líka minna mál að setja arinn... í stofuna, þar eru útveggir á tvo vegu

[Birna Dúadóttir, 4.12.2009 kl. 08:55]

Góð hugmynd með aukabaðherbergið, það kemur ekki að miklum notum  Það er alltaf svo gaman að rífa og tæta og byggja svo upp aftur, er þetta í genunum hjá okkur

[Jónína Dúadóttir, 4.12.2009 kl. 15:06]

Birna mín: Nákvæmlega ! Heyrðu já þetta með genin... það þekkist á þessu hundssvipurinn þó af sé höfuðið