Hér sé... stuð ;)

Í þessum skrifuðu orðum eru um það bil tvær vikur til jóla og ég er á fullu við að... njótaSkrítin og skemmtileg spurning sem heyrist svo oft um þetta leiti: "Ertu búin að öllu fyrir jólin" ? Held þetta sé jólaútgáfan af hinni kveðjunni sem er svo mikið notuð: "Hvað segirðu gott" ? Báðar í raun jafn innihaldslausar og yfirleitt lítil meining á bak við þær...Fyrri spurningunni svara ég alltaf með: "Ja hérna já já, fyrir löngu síðan" og fæ þá stundum aðdáunaraugnaráð, en það er þá frá fólki sem þekkir mig lítið sem ekki neitt eða ég tek það fyrir aðdáun allavega... það getur líka alveg verið meðaumkvun... "Æi greyið ætli það sé ekki allt í lagi með hana" ?Ég þarf nú líka alltaf að láta eins og það sé ekki alveg allt í lagi með mig og ég get huggað ykkur með því að ég lagast ekkertMér fannst aldeilis ekki vera allt í lagi með mig í gær þegar ég var að prjóna hnappagatalistann á hettupeysu sem ég var að prjóna handa minni litlu Láru Rún í jólagjöf...Það eru sannarlega engin geimvísindi á bak við þetta tiltölulega einfalda verk á lítilli peysu, en mér tókst að vinna það þannig að ég þurfti að rekja upp 5 eða 6 sinnum... hef það að vísu mér til afsökunar að ég var að horfa á uppáhaldsglæpaþáttinn minn í sjónvarpinu í fyrstu tvö skiptin... en í öll hin skiptin hef ég enga afsökun...Rétt áður en ég fór í vinnuna í gærmorgun var ég loksins búin að þessu og peysan tilbúin fyrir tölur og jólapappír... en það var eitthvað skrítið við hana.... ég þurfti að velta henni dálítið í höndunum áður en ég fattaði hvað það var... ég eiginlega vildi ekki trúa því og segi sko aldrei nokkurri einustu manneskju frá því að ég gerði öll hnappagötin á hettunaStundum er ég einhverstaðar allt annarsstaðar en ég á að vera... veit alveg hvar ég er í huganum þessa dagana... það er góður staður en alls ekki réttur staður...Þið getið lesið um það í endurminningum mínum sem koma út eftir 80 ár... þá verður það fyrntÉg prjónaði líka peysu á eldri sonardóttur mína hana Lindu Björgu... eftir uppskrift, en las uppskriftina ekki alveg til enda... það eiga að vera hekluð blóm á kraganum en það er bara eitt smáatriði sem kemur í veg fyrir að þau verði þar: ég kann ekki að heklaFinn eitthvað út úr því... og hnappagötin á Láru peysu eru núna á bolnumEigið dásamlegan dag elsku krúttin mín 

Athugasemdir

[Ía Jóhannsdóttir, 9.12.2009 kl. 09:07]

Njótu dagsins í jóla amstri.  Hér koma jólin alveg þó ekki sé allt búið sem var á listanum.  Það er bara þannig.

[Birna Dúadóttir, 9.12.2009 kl. 09:31]

Sniðug peysa samt

[, 9.12.2009 kl. 09:50]

[Ragna Birgisdóttir (IP-tala skráð) 9.12.2009 kl. 12:18]

[Jónína Dúadóttir, 9.12.2009 kl. 13:21]

Ía mín: Eini listinn sem ég er með fyrir utan hnappagatalista er jólagjafalistinn

[Jónína Dúadóttir, 9.12.2009 kl. 13:22]

Birna mín: Já finnst þér það ekki bara

[Jónína Dúadóttir, 9.12.2009 kl. 13:23]

Dagný mín:

[Jónína Dúadóttir, 9.12.2009 kl. 13:23]

Ragna mín:

[Sigrún Þorbjörnsdóttir, 10.12.2009 kl. 09:19]

Hahaha, þú ert alveg óborganleg  Bara orðinn tískufrömuður. Vittu til, það gæti hæglega orðið hátísku hettupeysa með hnappagötum á hettunni  

Auðvitað á að njóta aðventunnar. Það geri ég líka

[Jónína Dúadóttir, 10.12.2009 kl. 13:55]

Sigrún mín: Verst er ef ég hneppi hettunni fyrir andlitið á litlunni minni þá  flaksast bolurinn.... verð að reyna einhverja aðra hönnun held ég

[Ásthildur Cesil Þórðardóttir, 10.12.2009 kl. 14:41]

Hahaha nú tókst þér að láta mig skella upp úr Jónína.  Þetta er alveg frábært, sé fyrir mér hnappagötin og hnappana á hettunni.    'oborganlega fyndið.

Annars er ég sammála þér með jólastressið, það bara þarf ekki að vera með neitt svoleiðis. Jólin koma, og það er okkar val að hafa þau stressuð og erfið, eða afslöppuð og fín.  Ég vel seinnihlutann. 

[Jónína Dúadóttir, 10.12.2009 kl. 14:58]

Ásthildur mín: Það þykir mér vænt um, það er svo gott að hlægjaÉg vel líka að hafa jólin mín afslöppuð og fín... svo langt sem það nær þegar ég er að vinna alla daganaEn ég get það samt af því að ég vil þaðBataknús á þig mín kæra í firðinum þínum fagra

[María Guðmundsdóttir, 10.12.2009 kl. 19:55]

uss fruss..listi hvad  geri sko engan  lista..geri bara thad sem mér dettur i hug og langar til..á thad ekki annars ad vera svoleidis,jólin koma vist á hvorn veginn sem er  knús i thitt hús skvis,haltu bara thinu striki,thad er svo helviti gott strik

[Aðalheiður Magnúsdóttir, 10.12.2009 kl. 20:52]

Hér er jólastressið á fullu eða þannig það eina sem skiptir máli hjá mér er að koma jólakortunum og jólagjöfunum frá. Hin verkin eru öll bónus sem er mishár eftir því hvað ég hef mikinn tíma. Mannlegi þátturinn er fyrstur á lista hjá mér. Ekki bakstur og hreingerning.

[Jónína Dúadóttir, 11.12.2009 kl. 06:46]

María mín: Jú nákvæmlega þannig á það að veraKnús til baka skottið mitt

[Jónína Dúadóttir, 11.12.2009 kl. 06:46]

Aðalheiður mín: Innilega sammála