Jónína Dúadóttir

Þorláksmessa :)

Gamli hafði það af að kaupa handa mér jólagjöf, pakka henni inn og fela hana, á meðan ég var í vinnunni... honum er batnað... stressið farið og kvíðinn horfinn og honum finnst alveg stórkostlegt að jólin eru bara einu sinni á ári Grin Ég sleppti því að minna hann á að ég á svo afmæli á næsta ári... óþarfi að vera að eyðileggja jólin fyrir honum Tounge Við erum búin að halda skötuveislu með tilheyrandi ólykt og óþrifum... ólyktin útskýrir sig alveg sjálf en óþrifin eru vegna þess að mér tókst að láta öll geðslegheitin sjóða út úr á eldavélinni... þó ég stæði fyrir framan hana... en það er bara partur af prógramminu þegar ég á í hlut Wink Gestirnir voru skemmtilegir og ég er yfir mig ánægð að vera búin að borða skötu fyrir þetta árið... nú tekur góði maturinn við ! Ég er ekkert búin að baka fyrir jólin... nema Sörur og rúgbrauð... og læt það duga Joyful Vinn alla daga jafnt alveg sama hvað gengur á, hvort sem eru jól, páskar eða eitthvað annað en er í vaktafríi næstu helgi og leyfi mér að kalla það jólafríið mitt ! Fór í Bónus í gær að versla meðlæti með jólasteikunum... var bara með botnfylli í körfunni og þótti sjálfsagt aumingjalegt... Whistling Við eigum nefnilega 3 hangirúllur og eitt læri með beini og 1 svínarúllu og tvær svínasteikur með beini... og ég ætla að hafa fisk á aðfangadag.... nei djók Tounge Við fengum megnið af þessu í jólagjafir... frá vinnuveitanda gamla, yngri syni mínum og bónda austur á landi. Þorláksmessudagur er planaður út í ystu æsar hjá mér... fyrst að fara með jólagjafir í póst til eins sonar okkar sem kemur ekki til Ak. fyrir jólin og gleymdi að segja okkur frá því og ég vissi það ekki fyrr en í gærkvöldi... þessir krakkar manns... svo vinna og þegar ég kem heim um 1 leitið kveiki ég á útvarpinu til að hlusta á allar jólakveðjurnar, ætla sannarlega að láta verða af því núna ! Á meðan ætla ég að þrífa smá, búa til meiri ís og bleika salatið... rauðrófur og epli... og skreyta jólatréð, sjóða hangikjötið og fer ekki fet út úr húsi nema kannski út með ruslið, jú og ég ætla að skreppa og kaupa lopa í peysu á mig LoL Læt fylgja hérna yndislega fallega jólakveðju sem ég fékk frá Svani mági mínum á Ólafsfirði í sms og geri hana að ykkar: