... já og þú líka :))

Það er þetta með blessaðan hrokann... hann er leiðindafyrirbæri...Blindar fólk gjörsamlega á eigin galla... en margfaldar ímyndaða eigin kosti... og kemur að sjálfsögðu þá líka algerlega í veg fyrir að fólk sjái eitthvað gott í öðrum... en magnar upp getuna til að margfalda alla gallana í fari annarra ! Ég dett svo oft í að pæla eitthvað svona... er nú líka með nokkur  "félagsfræði og mannfræði verkefni" í seilingarfjarlægð...Það er hroki og svo er stolt... en það er alls ekki það sama, engan veginn... ef ég er stolt af einhverju sem ég geri þá er ég ekki að hreykja mér yfir aðra... nei, ég er bara stolt af mínum eigin árangri... og þó ég sé stolt af mínum eigin árangri þá er ég alls ekki að  lýsa því yfir í leiðinni að allir aðrir séu aumingjar að geta ekki það sama og ég... nei, ég er bara stolt yfir mínum eigin árangri, ekkert flóknara en þaðAf því að öllum er eitthvað gott gefið, auðvitað misjafnt hvernig og hvort fólk notar það svo... ég get ýmislegt betur en aðrir, aðrir geta ýmislegt betur en ég... algjörlega hið besta mál og kemur sér líka oft svo skemmtilega velÉg hef tekið eftir því að fólk sem hefur velvilja, manngæsku og heilbrigð viðhorf að leiðarljósi í lífinu... í núinu... og vill og reynir að horfa á hlutina á jákvæðan hátt... er laust við hrokaÞannig að niðurstaðan af mínum hávísindalegu mannfræði og félagsfræðirannsóknum er sú, að meðal annars af neikvæðninni fæðist hrokinn...Endilega leiðréttið mig ef ég er að bulla tómt malbik, en ég held samt... í hroka mínum... að ég sé alls ekki að því   

Eigið dásamlegan dag elskurnar mínar allar... já og þú líka

Jamm... bíðiði bara :))

Frábær dagur sunnudagurEr virkilega búin að sitja á mér að vera ekki utan í sonardætrum mínum undanfarna daga af því að oma(amma) og opa(afi) frá Sviss eru í heimsókn og þau eiga að fá að vera í friði með einu barnabörnunum sem þau eiga... enn sem komið er vonandi samt, þau eiga líka tvo syniÉg á auðvelt með að setja mig í annarra spor og er svo dásamlega heppin að sonur minn og tengdadóttir ákváðu að setjast að hér en ekki í Sviss, hennar heimalandiSvo ég get vel skilið að oma og opa finnist erfitt að geta ekki fengið að sjá þær nema nokkrum sinnum á ári og þá eiga þau líka að fá að hafa þær algerlega í friði þegar þau eru hér ! Ég get knúsað þessar dásamlegu litlu elskur hvenær sem mig langarEn núna er tillitssemin mín algerlega uppurin og þolinmæðin þorrin svo ég ætla að fara til þeirra núna á eftir, auðvitað líka til að hitta oma og opa

Það er ekki glampandi sól hérna úti núna en hún er samt alltaf með mér í huganumMér líður ekki nógu vel í sködduðu tánni minni... en það hlýtur að fara að lagast og ég ætla að hökta í vinnuna í fyrramálið og sjá til hvort það gengur ekki bara vel"Égummigfrámértilmínstefnan" sem ég er búin að taka með líf mitt virkar stórkostlega, það er bara ekki hægt að segja annað um þaðVar næstum því alveg búin að gleyma því hvernig það virkar að hugsa fyrst og fremst og vel um mig, en það kemur... svona eins og að hjóla... gleymist aldrei algerlega og rifjast fljótt upp afturOg svoleiðis verður það líka að vera, ef mig langar að láta sjálfri mér og fólkinu mínu líða vel í kringum mig, þá verð ég að hafa góðan sjóð til að sækja í og hann verð ég að byggja upp sjálf, innra með mérSumir fatta það bara alls ekki og bíða alltaf eftir því að aðrir láti þeim líða vel...Gengur ekki vegna þess að ef þú vilt dansa verður þú að bjóða upp, annars siturðu bara allt kvöldið úti í horni og horfir á alla hina dansa

Furðulegt til þess að vita en samt líka svolítið skondið eiginlega, að ég veit um fólk sem les bloggið mitt í þeim eina tilgangi að gá hvort þar er ekki örugglega eitthvað sem hægt er að finna að, setja út á og skammast út í mig fyrirÞetta sama fólk nær að taka allt til sín sem er ekki nógu jákvætt í skrifum mínum... og er algerlega með á hreinu að ég sé að skrifa bara og algerlega, eingöngu og prívat og persónulega um það og ekkert annaðHm... væri sko alveg rétt og gæti alveg passað, ef ég þekkti innan við 10 manneskjur í öllum heiminum, en það er bara ekki þannig... þekki örugglega minnsta kosti 12En bíðiði bara elskulega fólk, ég skrifa aldrei neitt neikvætt eða leiðinlegt nema þegar er troðið á mér og ég er hætt að leyfa fólki að troða á mér... svo það er þá ekki um neitt svoleiðis að skrifa

Óska ykkur öllum góðs dags... já og þér líka auðvitaðOg gaman að geta sagt frá því að minn dagur verður líka góður

Ekki í gær, ekki á morgun... í dag :)

Það er dásamlegt veður... séð út um gluggann... sólin að gera heiðarlega tilraun til að brjótast fram úr skýjunum, gengur nú ekkert ofsalega vel... en aldrei að gefast uppÞað er að vísu allt hvítt úti en það er snjórinn sem féll í gær sem gerir það... við heppin hérna að hafa þó ekki öskufall... þá er nú snjórinn skömminni skárri...Ég er alveg að hafa það af að klára peysu á hana Lindu mína... hef ekki verið mjög dugleg að prjóna undanfarið. Það er nú aðallega út af biluðu tánni minni... mér finnst svolítið erfitt að sitja og slappa af við prjónaskap þegar það er alltaf eins og einhver sé að klípa mig í tána... en það hlýtur að fara lagastÞað er tvennt stórkostlegt að gerast í lífi mínu þessar vikurnar en ég ætla ekki að ljóstra því upp strax... ekki fyrr en allt er í höfn... þegar þar að kemur þá fer það sko ekki fram hjá neinumAnnars er alltaf eitthvað gott að gerast hjá mér... enda ef ég vil að eitthvað gott gerist þá verð ég líka að gera eitthvað til þess sjálf... sit ekkert bara úti í horni með fýlusvip og bíð eftir að eitthvað gerist... Neibb þá nefnilega gæti ég vaknað einn morguninn og fattað að úbbs... ég er að verða áttræð... eða eitthvað svoleiðis... og ekkert hefur gerst... búin að bíða ævina af mér... og það er svo sannarlega ekki eftirsóknarvertLifa í dag en ekki í gær eða á morgun, bara í dagEr ekki með neitt plan fyrir daginn... bara hafa hann góðan og þakka fyrir að hafa nægilegt vit í kollinum til að gera ekkert að kvöldi sem lætur mér líða illa að morgni

Eigið góðan dag elskurnar... já og þú líka

Af með´ana... :))

Það var þriðjudagur og ég var í vaktafríi... æðislegt veður og ég vaknaði með þá hugsun í kollinum að fara nú í góðan göngutúr, jafnvel alla leið niður á Eyri og snapa þar kaffi allavega í 2 góðum húsumEn fyrst þurfti ég aðeins að sinna annarri stóru tánni minni... var búin að sýna lækni hana í vikunni áður, en honum fannst hún ekkert merkilegHún var búin að vera svo aum og mátti ekkert koma við hana...  hann sagði að við skyldum sjá til...Ég hringdi í hann í gærmorgun og vildi láta líta á hana aftur, var sem sagt búin að sjá til alveg nógu lengi... það var farið að grafa í henni... ég var að úldnaJá já, sagð´ann ég á tíma handa þér næsta föstudag.... ég fór út í bíl og keyrði niður á slysadeild... sko þegar ég er farin að skemmast svona þá ER eitthvað að og þá sé ég sko ekkert til neittÉg þurfti ekkert að bíða lengi á slysó, varla hálftíma... fyrst tók á móti mér þessi yndislegi hjúkrunarfræðingur, svo kom læknir og læknirinn kallaði til sérfræðing... "Af með hana" sagði sérfræðingur og ég hélt hann meinti tána... Er það nú ekki svona aðeins of mikið í lagt... spurði ég. Nei, verður... er með sögina í vasanumOk gamansamur, mér líkar það en hann var bara að tala um nöglina, hún skyldi af og svo tók hann fram sprautu örugglega með sko alvöru fullorðins beljunál og stakk í gegnum ristina á mér... á 2 stöðum ! Djö... hvað mig langaði að stinga hann til baka... en ég stillti mig, var ekki með neitt til þess heldur...Svo beið ég og beið og beið... og hann kom aftur, ýtti mjúklega á tána og spurði hvort þetta væri vont... nei alls ekki... þá fór hann að stinga í tána með hnífi og það var vont, svo hann deyfði meira, hálffúll bara... "Þú sagðir að þetta væri ekkert vont"... sagð´ann "Búhú, væni... ég viðurkenni alveg að ég er vesalingur af Guðs náð, en er þér sama þó þú gerir þetta eins gott fyrir MIG og hægt er" sagði ég eiginlega bara svona  svolítið "blíðlega"Og ég beið aðeins lengur og táin var orðin þreföld af öllu sullinu sem var búið að sprauta í hana og þá kom   hann enn og aftur og byrjaði þá að skera nöglina af !!! Djööö... hvað mig langaði bara alls ekkert til að vera á hinum endanum á þessum fæti þarna... En til þess að gera nú langa sögu stutta og vera líka ekkert að lýsa því í öllum smáatriðum hversu mikill vesalingur ég er... þá er nöglin farin af, ég sit hérna með fótinn uppi á stól, kemst ekki í neina skó, á matseðlinum eru aðallega kaffi, sýklalyf og verkjatöbblur og það er farið að gjósa undir Eyjafjallajökli !

Eigið dásamlegan dag elskurnar, það ætla ég líka að eiga 

Experíment í... hverju... hvað.... :))

Las frétt í morgun um mann á Lauga(r)nesinu sem er búinn að standa alls konar þrasi við byggingafulltrúa þar út af allra handanna hraukum og byggingum, sem hann hrúgar upp í kringum sig í óleyfi. Hann segist vera að fegra umhverfið fyrir almenning og svo framvegis og ekki ætla ég að leggja neinn dóm á það, aldrei komið þarnaEn það sem ég tók eftir var að að var haft orðrétt eftir honum í fréttinni að þetta væri "experíment í environalisma" ! Ég þykist alveg skilja þetta en þessi maður er íslenskur, titlar sig að vísu listamann en samt...Kannski er það bara ég en mér finnst alveg óendanlega hallærislegt þegar verið er að sletta svona... þetta er ekkert fínt, það þótti það kannski í gamla daga en ekki lengurTilraunir í umhverfislist eða eitthvað álíka hefði alveg komist til skila sko ! Endilega þýðið þetta fyrir mig samt...

Ferlega fín inn í frábæran dag, sólin skín, ég er hress og fín og í fríi í dag... það er sem sagt NEI dagur hjá mér í dag... vaktaforritið segir þaðAlls ekki neikvæð samt, einmitt afskaplega jákvæð inn í daginn af um það bil milljón ástæðum eða svoAð vísu tvennt neikvætt sem ég veit að gerist í dag, en en allt þetta jákvæða yfirgnæfir það algerlega þannig að það kemur bara út sem minniháttar tímabundin óþægindi, sem ganga fljótt yfirÞegar sólin skín svona dag eftir dag þá fer ég að sjá sumarfríið mitt í hillingum... en það er sko ekki fyrr en í júlí ef ég fæ að ráða

Óska ykkur öllum góðs dags og ennþá betri viku

Vakna barasta alltaf þegar ég er búin að sofa... :))

Komin á fætur vel fyrir sjö á sunnudagsmorgni og bara ánægð með það... get ekkert sofið með sólargeislana í andlitinu... enda vakna ég bara alltaf þegar ég er búin að sofa, hvað svo sem klukkan er og hvað svo sem dagurinn heitirAlltaf verð ég nú jafnhissa á hverju ári þegar það er farið að glitta í vorið og sólin farin að skína... samt hefur þetta gerst hvað eftir annað og aftur og aftur, alla mína ævi... og á örugglega eftir að gerast þónokkrum sinnum í viðbótÞað má segja að snjórinn sé nokkurnveginn horfinn hérna, nema þykkustu skaflarnir og snjóhrúgurnar hér og þar... svona á þetta að vera ! Ferlega góð inn í daginn, frísk og hress og líður dásamlega með sjálfa mig og auðvitað  vorkomuna. Hitti mann í gær sem var ekki eins ánægður með veðrið... spáir hreti um miðjan maí ef þetta heldur svona áfram og norðanátt hér fram í júlí-ágústJæja, ég ætla ekki að fara að hafa áhyggjur af "kannski komandi hretum", er á meðan er og ég nýt þess að hafa gott veður núna... get ekki lifað framtíðina núna, bara nútíðina...Er að klára kvöldvinnuvikuna mína í kvöld, frí á morgun og ekki er hún erfið vinnuvikan framundan... 15-21 þrjá daga og frí næstu helgi... getur bara varla verið betra, ég held ekkiFór á kaffihús í gær með góðum vinum, kláraði að sauma eldhúsgardínur, þvoði þær straujaði og setti þær upp... smá pælingar og prufur en útkoman þykir glæsilegNúna á eftir ætla ég að elda matinn fyrir kvöldið, fæ gest í mat og kem ekki til með að gefa mér tíma til að elda seinna í dag og skemmtilegra að hann sé tilbúinn nokkurnveginn á matartíma ! Nú ætla ég að hætta þessu og fara út að labba í góða veðrinu, læt góða veðrið og labbifélagann minn ekki bíða lengur eftir mérEigið eins og ég dásamlegan dag elskurnar mínar allar  

 

Sól sól sól...

... skrifa ekki "skín á mig" af því að ég er ekkert búin að fara út í morgun... en það er glampandi sól úti og snjóar ekki og það eru sko fréttir Hér er allt yndislega ljúft og rólegt og lífið gengur sinn vanagang... sem er gott... get svo sem ekki sagt frá því öllu, sumt er ekki til opinberrar birtingar og svo man ég varla á milli herbergja, svo ef ég ætlaði að segja frá öllu yrði ég að skrifa það niður jafnóðum, en ég má bara ekki vera að því Er að berja saman eldhúsgardínur fyrir einn glugga, ekki mikið sem þarf að sauma en ég er bara alltaf að gera eitthvað allt annað... alveg eins og þegar ég þyrfti eiginlega að fara að skúra hérna... Það er vinnan og það eru vinkonurnar og það er útiveran og það eru barnabörnin, veit ekki hvað er eiginlega langt síðan ég hef kveikt á sjónvarpinu hérna og svo er... eitthvað sem er ekki til opinberra birtingar... Ferlega góð inn í hvern daginn á fætur öðrum... bein í baki og brosandi Er að plana smá ferðalag suður á flatlendið einhverja fríhelgina mína... ekki alveg ákveðið ennþá, en fer að smella saman... gistingin er klár samt Það eiginlega kemst ekki svo margt annað á blað núna nema blessuð sólin... alveg kominn tími til að hún fari að setjast að hérna uppi Eigið góðan dag elskurnar mína, það kem ég til með að gera líka

Mig skortir skilning... ;)

Mig skortir skilning á því hvers vegna í sjálfum ósköpunum fólk leggur á sig það algerlega óþarfa erfiði að vera móðgað/í fýlu/reitt út í einhvern árum saman jafnvel... Hann/hún sagði eða gerði eitthvað árið 1997 og ég tala sko aldrei við hann/hana aftur... Mér er algerlega fyrirmunað að skilja þetta... að nenna þessu... að eyða einu ævinni sem við fáum, í að vera að passa sig að muna nú  eitthvað leiðinlegt sem einhver hefur sagt eða ekki sagt, gert eða ekki gert svo við getum örugglega verið í móðguð/í fýlu/reið út af því... í mörg ár og jafnvel bara ævina út ! Oft byggist svona lagað auðvitað á misskilningi hjá fólki, annar talar í austur og hinn í vestur og það má alveg reyna að leiðrétta miskilninginn þá... Nú ef það reynist svo ekki vera misskilningur eða bara ekki hægt að bera klæði á vopnin, þá er ýmislegt annað til en að koma sér bara í stellingar og gera sjálfum sér þann óleik að vera mógaður/í fýlu/reiður það sem eftir er... þá verður maður bara beiskur, bitur og gamall langt, langt fyrir aldur fram og hver vill það eiginlega ??? Ef einhver vilji er fyrir því að umgangast   þann/þá sem kallaði yfir sig þessi ósköp, annaðhvort með einhverju eða engu, nú þá er til dæmis  hægt að reyna að sætta sig bara við hann/hana eins og hann/hún er, vegna þess að ekki breytum við öðru fólki... þá er bara að breyta okkar eigin viðhorfum... Nú ef maður hefur ekki áhuga á að umgangast viðkomandi, sökum manns eigin m/f/reiði og ekki sjens í helv... að maður fáist til að breyta viðhorfum til hans/hennar, þá er hægt að láta kyrrt liggja... ó jú það er víst hægt ! Það eru nefnilega til fyrirbæri sem kallast að halda áfram, setja afturfyrir, gleyma og grafa, sleppa fornleyfagreftrinum og svo man ég ekki fleiri nöfn á fyrirbærið í bili... Málið er nefnilega að viðkomandi veit svo bara alls ekkert að maður er móðgaður/í fýlu/reiður og og er jafnvel bara alveg nákvæmlega sama og til hvers þá að leggja þetta á sig ? Mér líst miklu betur á að lifa bara lífinu lifandi á meðan ég er á lífi og gera eitthvað skemmtilegt... móðganir, fýluköst og reiðitarnir eru ekki innifalin í skemmtilegt hjá mér ! Kalliði mig bara lata en ég nenni ekki svoleiðis... ! Eigið svo dásamlegan dag dúllurnar mínar, ég er að fara að vinna núna klukkan 9 og er búin klukkan 21 í kvöld !

Gleðilega páska elskurnar mínar ♥ :-)

Las frétt um konu einhversstaðar í útlöndum sem er búin að geyma páskaeggið sitt í 50 ár... OJ og auðvitað líka VÁ, ekki er ég aaaaalveg svona staðföst... ég fékk mitt páskaegg í fyrradag og er að verða búin með það... í gærFórum á skírdag austur á Fáskrúðsfjörð í fermingu Ívars systursonar míns, það var ferlega gaman, gekk fínt og hann komst held ég bara vandræðalaust í fullorðinna manna töluSvo höldum við áfram að koma fram við hann sem það barn sem hann er, eins og allir á þessum aldri... hann má ekkert meira núna heldur en daginn fyrir ferminguna...Svolítið snúið eiginlega... eins og tilveran sé ekki nógu furðuleg fyrir, á þessum aldri...Ferlega góð inn í fínan páska/sunnu/frídag og hef ekki haft tíma til að vera svo mikið í tölvu undanfarið, of margt og mikið skemmtilegt til að truflaGet nú ekki talið það alveg allt upp en þar er meðal annars mikill gestagangur, matarboð bæði hér heima og að heiman, afmæli og ýmsar aðrar heimsóknir... sem sagt ferlega gamanVeðrið já sko... það er ekki alltaf alveg eins gaman að því en fínt í dag... snjóar allavega ekki enda kominn nægur snjór handa öllum sem vilja... og eiginlega dálítið mikið meira en þaðAlltaf að pæla eitthvað auðvitað... ekki hægt að komast hjá því ef maður lifir lífinu sæmilega lifandi... fann sko upp hjólið um daginn með því að fatta að jákvæðni og velvilji geta komið svo svakalega miklu góðu í verk... bara þessi tvö verkfæri sem allir hafa einhversstaðar í sér, en eru bara misduglegir að nota þau...Ég veit auðvitað alveg asnarnir mínir að ég er ekkert að finna upp hjólið meðessu, en mér finnst gott að minna mig á og alveg bráðandsk... nauðsynlegt líkaEigið dásamlegan dag elsku dúllurnar mínar og etið nú yfir ykkur af súkkulaði, það er svo hollt... fyrir sálina  

Það er ekki alveg laust við...

... að snjókoman hérna á norðurhjaranum sé farin að kroppa aðeins í þolinmæðina mína... Það er að vísu bara mars ennþá en kommon... það snjóar núna ekki mikið, en samt... ég þarf að fara að fá hlýindi, slabb, drullu og smásól annað slagið En ok, af smátillitssemi við skíðafólk stórt og smátt og auðvitað vélsleðamenn, gef ég þessu sjens fram yfir páska, en ekki hálftíma framyfir það Annars ferlega góð inn í fínan dag eins og alltaf og ætla að fara á eftir og láta smyrja bílinn minn og kíkja svo í heimsókn í gott hús Helgin var meiriháttar, fékk og fór í heimsóknir sem aldrei fyrr... var samt líka að vinna helgina... svo það var skemmtilega nóg að gera Fór í gær og keypti blessuð stígvélin sem mig langaði svo í... þau eru með aðeins hærri hæl en ég hafði hugsað mér... og svoleiðis skilst mér það eigi að vera, en mikið djö... eru þau flott og alls ekkert vont að ganga á þeim... það er nú svo sem heldur ekki meiningin að vera í neinum svakalegum göngutúrum í svona skófatnaði... en það má alveg lifa þá af á fundum og mannfagnaði ýmiskonar Sólin braust fram undan skýi rétt í þessu sem minnir mig á að fara og stilla á KK á gömlu Gufunni... hann klikkar ekki fremur venju sá snillingur, virkilega gott og gaman að hlusta á hann í dagsbyrjun Linda mín Björg 4 ára sagði við mig í gær: "Það það á nú ekkert að segja ok amma mín... það á að segja allt í lagi... finnst þér það ekki líka vera fallegra ?" Dásamlega dúllan mín  Læt þetta gott heita og skelli mér í smágöngutúr áður en ég fer að sinna daglegum störfum... já og vinna svo aðeins seinna í dag... óska ykkur öllum alls góðs inn í daginn