Sumarfrí í vorinu...

Í dag er ég í sumarfríi... allan daginn og alveg til klukkan 10 í fyrramálið ! Ég veit svei mér ekki hvað í ósköpunum ég á að gera af mér allan tímannJú jú, við þurfum til dæmis að fara og ganga frá afsalinu á Fjallakofanum, það dróst aðeins... af eðlilegum orsökum. Þá eigum við sko ekki lengur tvö hús, bara eitt og það dugar okkur alvegÞað er næstum því vorlegt úti, ef ég læt það vera að líta á dagatalið... það var 7 stiga hiti í gærkvöldi þegar ég var að koma heim úr vinnunni, bara æðislegt... meira svoleiðis takk ! Ég er búin að vera skráð á Fésbókina í ár eða meira og er líklega leiðinlegasti meðlimurinn... finn aldrei upp á neinu þar og nenni aldrei að taka þátt í neinuSkil ekki þegar fólk er að tala/skrifa um að þetta taki upp allan þeirra tíma... jú jú, það er alveg hægt að sitja við tölvuna tímunum saman en elskurnar mínar, það er líka alveg hægt að standa upp frá henni, athugið það  Ætla ekki að hafa þetta lengra núna, má ekki vera að því... er í sumarfríi...

Ég óska ykkur dásamlegs dags og ennþá betri viku

Suðið niðar... niðurinn suðar...

Í nokkur ár hef ég haft stanslaust suð eða kannski öllu heldur nið, fyrir öðru eyranu... það er fínn taktur í þessu og ég hélt þegar ég fór að fá þetta fyrst að þetta væri merki um of háan blóðþrýsting og hentist til læknis. En allt í fína með blóðþrýstinginn og einhver fleiri próf sögðu að ég væri allt að því fullkomin... Jæja minn kæri læknir, hvernig losna ég svo við þetta ? Jahhh... hm... þú gætir farið í heyrnarmælingu, sagði doksi. Ok, geri það og hverfur þetta þá ? Hm... neeeei... sagði hann. Nú en hvað, er eitthvað hægt að gera ? Nei ekkert, það eru sumir með þetta en þetta hættir þegar þú missir heyrnina á eyranu....... laumaði hann út úr sér. Ha ? Missi heyrnina... en til hvers þá að fara í mælingu ? Nú það er það eina sem ég get ráðlagt í þessu tilviki, jú og ég skal skrifa upp á róandi töflur handa þér, tilkynnti mín ágæti heimilislæknir. Jahá og hættir þetta þá ? Nei nei, þá áttu bara auðveldara með að sætta þig við þetta, sagði doktor vitleysingur Ég hélt fyrst að hann væri að grínast, það eru yfirleitt mín fyrstu viðbrögð við því sem mér finnst vera afkáralegar yfirlýsingar   En það var sko ekkert grín í gangi þarna, en hann hefði nú alveg eins geta sagt mér að ég skyldi drekka Ajax... Ég þáði ekki róandi, ég ætlaði ekki að fara að búa til í mér sátt við þetta með töflum, frekar að sætta mig við suðið á þeim forsendum að á meðan ég heyri það þá er ég ennþá með heyrn á eyranu Það er annað, mér finnst ég stundum heyra þetta með öllu höfðinu... það þýðir þá bara að það er ennþá eitthvað að virka þar... eða er það ekki ? Fínn dagur í vændum, smá vinna hjá mér og svo sumarfríi á morgun, alveg heilan dag Látið ykkur líka vel elskurnar það ætla ég líka að gera  

Heppin...

... alltafÍ minni vinnu er enginn samdráttur og engar uppsagnir, það á þvert á móti að fara að lengja vinnutímann í kvöldvinnunni minni... veit ekki alveg hvernig mér líst á það, en auðvitað hækka ég þá í launum, sem kemur sér vel með atvinnulausan sambýlismannHér fyrr í vetur var svolítill þrýstingur á okkur að flytja til Noregs, en ég tók þvera nei-ið á það... þurfti ekki að hugsa mig um einu sinni. Hver sem er má flytja hvert sem er, mér og mínum að meinalausu, ég fer ekki fetÞað kostar líka að lifa í öðrum löndum og atvinnuleysi er að aukast í Noregi eins og annarsstaðar. Paradís á jörð er ekki til nema í huga hvers og eins og hversdagslífið og allt strögglið fylgir manni alltaf, alveg sama hvaða tungumál þar er talaðSvo ég verð hér og reyni að gera það besta úr því sem ég hef, það verður auðvitað hver að liggja eins og hann hefur um sig búiðEkki fer ég að hætta í vel  launaðri vinnu eins og ástandið er núna, það væri bara heimska... ég veit hvað ég hef en ekki hvað ég fengi...Við erum mjög vel stödd miðað við svo marga aðra, erum til dæmis ekki með myntkörfulán á húsinu okkar, af því að ég gat ekki með nokkru móti fattað almennilega hvernig það virkaði, svo ég neitaði að taka svoleiðis lán... segið svo að það geti ekki komið sér vel að vera hæfilega fattlaus...Er að vinna 3- 21 í dag og á morgun og svo sumarfrí á mánudaginn... en bara á mánudaginn, ég er að reyna að vinna niður afganginn af sumarfríinu mínu síðan í fyrraGóða helgi  

Já, mikil er mæðan...

Það virðist vera töluvert um að fólk kemst ekki í sólarlandaferðir núna um páskana... Æi já hugsaði ég þegar ég byrjaði að lesa fréttina... ástandið er svona hérna hjá okkur... kreppan þið vitið En svo las ég lengra og komst að því að þetta hafði víst lítið með þá kreppu að gera, það er ekki það að fólk hafi ekki efni á því að fara út eins og það er vant að gera um páskana... Nei sko, ferðirnar eru uppseldar... kreppa í framboði á sólarlandaferðum... Vá maður... einhvernvegin á ég mjög erfitt með að hafa samúð í þessu tilviki... Samúðin mín er nefnilega upptekin, hún er með þeim sem hafa misst vinnuna og eiga varla fyrir nauðsynjum, hvað þá utanlandsferðum Annars býsna góð inn í daginn og langar alveg til sólarlanda svo sem, hver gæti haft á móti því að fá sól... en ég ætla frekar að bíða eftir því að hún fari að skína hér og njóta hennar bara á íslensku Sé fram á tveggja mánaða sumarfrí í sumar, að vísu kannski ekki alveg handan við hornið, en það er nú þegar kominn miður febrúar... Hans hátign Lúkas heimilisköttur klórar í þvottahúshurðina þegar hann vill komast inn á morgnana, eins og hinir hundarnir bara... Honum lá svo á í morgun að það heyrðist til hans langar leiðir og þegar ég hleypti honum inn spýttist hann fram í forstofu, ég opnaði út og hann hentist á ská yfir götuna og svo var hann horfinn... líklega sofið yfir sig og orðinn allt of seinn á stefnumót eða eitthvað... Góður dagur í vændum fyrir alla vona ég og svo er alveg að koma helgi   

Happa og glappa aðferðin... eða ekki...

Ég er svo andlaus þessa dagana að það hálfa væri miklu meira en nóg... held að það sé eitthvað  sofandi í höfðinu á mér Vann kapalinn minn hérna í tölvunni áðan, en hef eftir áreiðanlegum heimildum að hann sé sérsniðinn fyrir heilalausa þannig að það er þá ekkert sérstakt afrek... Ég held samt ekki að þetta andleysi mitt sé meðfætt eða áunnið,  ég held það sé þessu endalausa frosti að kenna... Já hvað... ég verð að finna einhverja skýringu á þessu sem ekki bendir beint á mig... vona bara að frostinu fari að linna Annars hef ég verið að velta svolitlu fyrir mér undanfarið og líst alls ekki á ef grunsemdir mínar reyndust nú réttar... Það er búið að tekjutengja dvöl á elliheimilum sem er sjálfsagt hið besta mál, en ég þykist hafa séð þess merki að sumir þeir sem hafa meira úr lífeyrissjóðum sínum en aðrir, fái í einhverjum tilvikum fyrr inni og fái betri herbergin Ég hef auðvitað ekki gert neina fræðilega könnun á þessu, en þetta er nokkuð sem hefur verið að naga mig undanfarið. Kannski er ég bara svona tortryggin og leiðinleg, en því gæti þetta ekki átt sér stað í þessu ekki beinlínis dásamlega græðgisþjóðfélagi sem við búum í ? Peningarnir fram fyrir manneskjuna... og ekki erum við neitt ofsalega fræg fyrir að hlúa vel að gamla fólkinu okkar... og alveg sérstaklega ef það á ekki peninga Ég held samt ekki og vil auðvitað ekki trúa því að þetta sé markvisst unnið svona, en ég heyri og sé svo margt sem gæti bent til þess að þetta hafi átt sér stað í einhverjum tilfellum og þó þau væru ekki mörg þau tilfelli, þá væru þau samt allt of mörg   Annars bara nokkuð góð inn í daginn og vona að þið séuð það líka  

Þögn !

Fyrir mér er list eitthvað fallegt og skemmtilegt sem einhver býr til, fyrir augað, eyrað eða hugann. En "tónverk" sem er eingöngu þögn í 4 mínútur og 33 sekúndur... það er sé ég ekki sem list, það  finnst mér vera ferlega góður brandariBandarískt tónskáld "samdi" það og líka annað verk, þar sem leikin er ein nóta á ári næstu 630 árin... hann hefur verið óborganlegur brandarakarl þessi maður... gengur líklega ekki vel að gefa það út á diski... ekki strax allavegaOg fólkið sem lætur telja sér trú um að þetta sé list... ég sé fyrir mér fullan sal af fólki... allir sitja andaktugir og hlusta á þögn í 4 mínútur og 33 sekúndur og borguðu sig inn til að fá að hlusta á þetta stórkostlega verk  Annars er auðvitað list að geta komið fólki til að hlægja, en ég er samt ekki alveg viss um að það hafi verið tilgangurinn með þessari list, þó ég voni það nú samtSegið svo að það sé aldrei neitt  skemmtilegt í fréttunumMér finnst þögn góð en ég mundi aldrei fara að borga mig einhversstaðar inn til að hlusta á hana...Suma daga er þögnin þegar ég slekk á ryksugu, yndislegasta þögnin sem ég hlusta á... og það er ég sem fæ borgað fyrir að hlusta á hanaFerlega góð inn í daginn og sit hérna í þögn sem er frumsamin af sjálfri mér og skemmti mér velGangið glöð inn í góðan dag og njótið þagnarinnar... þegar hún gefst

Biiiiilað...

Framkvæmdagleðin mín er að koma aftur... ekki viljandi samt, ég finn hana bara nálgast og ég eiginlega nenni henni ekki... Ég kenni um hækkandi sól... Er sem sagt farin að sjá nýtt stofugólf í hyllingum... Það gamla er sigið og grindin undir greinilega ekki fest við eldgamla steingólfið, sem er þarna um 30 cm neðar þar sem dýpst er ! Upphaflega gólfið hefur sigið um 1-2 cm á þeim 30 árum sem liðin eru frá því að þetta var gert, svo stofugólfið virkar líkt og trampólín. Hillusamstæðan er með glerhurðum og þegar gengið er á gólfinu fyrir framan hana, þá glamrar í öllu draslinu... Við þurfum að taka gamla parketið af og henda því, festa grindina sem er þar undir við eldgamla gólfið og lækka hana líka svo gólfið verði í sömu hæð og á holinu. Helst taka líka gamla risastóra níðþunga ofninn, einhver hundruð kíló sá hlunkur og setja hita í gólfið í staðinn, þykka plötu á grindina, nýtt parket og... trallala... komið nýtt gólf Það var nú á planinu að klára þetta fyrir síðustu jól, en þá vorum við bara komin með upp í háls af framkvæmdum Á fjórum mánuðum, apríl til júlí á síðasta ári, bjuggum við til stórt eldhús algjörlega frá A-Ö, geri það aldrei aftur... rifum upp gamla gólfið í svefnherberginu og settum nýtt og smíðuðum líka fataskápa þar og máluðum og flikkuðum mjög mikið upp á okkar yndislega hús og vorum bæði í fullri vinnu með, en komumst svo loksins að því að það eeeeeru takmörk... Þetta var náttulega bara bilun en líka alveg ofsalega gaman Ég ætla að hætta þessu áður en ég verð of þreytt bara við tilhugsunina um þetta allt... Eigið dásamlegan dag þið öll þarna úti

Fer fljótlega...

... að hrista af mér höfuðið yfir þessari endalausu vitleysu... og það væri sko ekkert fyndið að sjá hausinn á mér skoppa eftir gólfinu... eða jú reyndar gæti það nú verið svolítið fyndið... en nóg um það... Tveir þriðju Seðlabankastjóra neita að hætta í vinnunni sinni, þó það sé búið að segja þeim að veru þeirra sé ekki óskað þar lengur... Þekki þessa menn auðvitað ekki neitt, en ef þetta væru vinir mínir, væri ég örugglega búin að reyna að ræða við þá eða þá fá hjálp handa þeim... í formi sálfræðiviðtala eða eitthvað þessháttar... Þess væri óskandi að allir sem eru búnir að vera að missa vinnuna sína undanfarna mánuði, hefðu líka getað bara neitað... "Nehei, ég fer ekki fet, ég var ráðin í þessa vinnu og ætla ekkert að hætta neitt..." Ekki málið og enginn atvinnulaus ! Nokkuð viss um að það hefði ekki þýtt neitt... Eins og allir vita þá skiptir máli hvort þú átt peninga eða ekki og hvort þú ert í rétta flokknum eða ekki og svo skiptir líka máli að hafa hroka og auðmýkt í vitlausum hlutföllum 100/0, ofan á allt hitt. Ekki nóg að vera bara heiðarlegur Jón í byggingarvinnu að reyna að sjá fyrir fjölskyldunni... því miður Annars ferlega góð inn í mánudaginn, ennþá með hausinn á nokkurnveginn réttum stað held ég og langar til að fá sumarið núna, sem þýðir bara ekki seinna en strax En það er óraunhæf óskhyggja og ég læt nægja að gleðjast yfir því, að það verður alltaf bjartara og bjartara með hverjum deginum Eigið góðan dag elskurnar mínar  

Af viti ? Neeei... ;-)

Gærdagurinn fór mestmegnis í að gera alls ekki nokkurn skapaðan hlut af viti... samt var ég að sjálfsögðu komin á fætur fyrir allar aldir... Að vísu fór ég tvisvar út að labba, í gærmorgun og svo aftur seinnipartinn, þá dró ég spúsa með mér.... ætlaði nefnilega að koma við í verslun og kaupa sykurpoka... Fattaði í morgun að ég hafði ekki hreyft bílinn minn allan gærdaginn og það er  mjög sjaldgæft... Helgast kannski af því að ég nota hann í vinnunni og er bara í fríi aðra hvora helgi, vinn 16 daga og frí 2... vá, mikið er þetta nú dugnaðarlegt, svona komið á blað Planið er að labba líka tvisvar í dag og svo ætla ég að... hm... sjálfsagt bara endurtaka hóglífi gærdagsins Gamall draumur minn var alltaf að eiga þó ekki væri nema einn dag, þar sem ég gæti vaknað með þá hugsun, að þann dag þyrfti ég alls ekki að gera neitt... Síðan ég hafði vit á að selja gistiheimilið hefur sá draumur ræst hvað eftir annað og einn af þessum dásamlegu dögum er einmitt í dag Ég ætla ekki að fara í messu og þarf svo sem ekkert að taka það neitt sérstaklega fram... ég fer aldrei í messu... en bara svona til öryggis... Mér finnst ekkert athugavert við það þó aðrir geri það, það er bara ekki fyrir mig Njótið vel þessa dásamlega dags krúttin mín, það ætla ég líka að gera

Það er mér að kenna ;-)

"Það er þér að kenna að ég er í vondu skapi..." Óneinei, vitlaust og hreint út sagt afskaplega vanhugsað... það er aldrei þér að kenna hvernig mér líður, þvert á móti... mín líðan er alfarið á mína eigin ábyrgðAð vísu eru til undantekningar, eins og ef einhver stingur mig með hnífi eða eitthvað þessháttar, þá er það að sjálfsögðu árásarmanninum að kenna að ég finn tilEn ég lifi í svo vernduðu umhverfi, að það er afskaplega lítil hætta á að ég verði fyrir þannig árásum og ég sé auðvitað sjálf um að skapa mér mitt eigið verndaða umhverfi. Eftir því sem ég best veit, þá lifi ég bara einu sinni og ég er ákveðin í að hafa gaman á meðan og láta mér líða vel og ég verð að sjá um það sjálf, það er nefnilega enginn annar til þessOg eftir því sem mér líður betur, þess betur líður fólkinu mínu í kring um mig... rökrétt ? Ég geri mér fulla grein fyrir því að ég er ekkert að finna upp hjólið eða dósaopnarann eða neitt þess háttar, ég er búin að koma mér þessu upp á langri leið, bæði með og án hjálpar og leiðbeiningaÉg bara heyri svo allt of oft, að þetta og hitt sé öllu og öllum öðrum að kenna... og það frá fullorðnu fólki með heilann í sæmilegu lagi, fólki sem ætti auðvitað að vera búið að gera sér grein fyrir því að þannig er það alls ekki...Það er miklu auðveldara fyrir mig að breyta mínum viðhorfum, heldur en að breyta einhverjum öðrum eða annarra viðhorfum og auðvitað vel ég auðveldari kostinnEf ég er í vondu skapi þá er það mér að kenna, ef mér leiðist þá er það mér að kenna, ef ég er óánægð með eitthvað/einhvern þá er það mér að kenna og svo framvegis og þá verð ég að breyta því og ég get það alveg. Af því að ég stjórna mínu skapi, það hefur nefnilega enginn fengið leyfi hjá mér til að ráða yfir mínum tilfinningum og fær aldrei, þeim ræð ég sjálfTilhugsunin um góða helgi og skemmtilega bloggvini, lætur mér til dæmis líða vel akkúrat núna og ég leyfi því alveg að hafa góð áhrif á migEigið góða helgi elskurnar mínar allar, bæði þið sem nenntuð að lesa alla leið hingað og líka þið hin sem ekki nenntuð því...