Gleeeeeðileg jól !

Þá er hann loksins runninn upp, dagurinn sem börnin bíða eftir í ofvæni og vonandi fullorðna fólkið bara líkaÍ þessu húsi er allt tilbúið til að taka á móti jólunum, hér verður fámennt og góðmennt í kvöld, yngri sonur minn borðar með okkur og verður hjá okkur eitthvað fram eftir kvöldinu, svo lengi sem hann endistOg á morgun verða þau svo líka með okkur, eldri sonur minn, tengdadóttirin og yndislega stelpuskottið þeirra, hún Linda Björg þriggja áraÞá vantar bara stelpurnar mínar tvær í Svíþjóð, en þær koma ekki núna þó ég fegin vildi...Æi ég sakna þeirra alltaf, ég veit þið kannist við tilfinninguna, það er alveg sama hvað börnin verða fullorðin, maður saknar þeirra samt...Núna ætla ég að laumast til að pakka inn jólagjöfunum til spúsa míns, á meðan hann sefur svefni hinna réttlátu og hálflösnu... hann er með einhverskonar flensudr... vona samt að honum versni ekki meira, karlgreyinu mínuEinhvertímann fyrir hádegið ætla ég svo að hætta mér út í vonda veðrið og fara með jólakort á tvo staði og jólagjafirnar til stóra stráksins míns og stelpnanna hans og svo horfi ég á teiknimyndir og borða mandarínurÓskin mín til ykkar allra sem lesið þetta er sú, að þið eigið góð og gleðileg jól, umvafin fjölskyldum og vinum... Megi nýja árið færa ykkur frið, farsæld og góða heilsu og verða á allan hátt miklu betra en gamla árið...

Þorláksmessugleði...

Ég er búin að fá jólagjöf frá spúsa mínum, hann gaf mér hlýjan mokkajakka í gær, yndislega flík sem ég valdi sjálf, en það er bæði tíma og vesensparnaður fyrir hann og gaman að fara með honum í fataverslunÉg fer í vinnuna í dag, þó ég þyrfti að skríða, sem ég þarf ekki... það er samt ekkert til að hælast yfir... fólkið mitt sem ég fer til, á við stærri og erfiðari vandamál að glíma en einn snúinn fótræfil svo ekki er mér vorkunnUng ólétt vinkona mín hringdi í mig í gær, röddin í henni var svo skrítin að ég fékk í magann... alvarleg og róleg og ég þorði ekki að spyrja... hún hló að mér skömmin og var bara að hringja til að segja mér að hún var búin að eignast litla stúlkuTveim vikum fyrir tímann að vísu en allt í lagi samt, fyrir restHún trúði mér fyrir litlu leyndarmáli, ég fékk að vita hvað sú stutta heitir... það er yndislega fallegt nafn og vel geymt hjá mér þangað til þau ákveða sjálf að gera það opinbertHeld þetta sé í fyrsta og eina skiptið sem ég ramba á að segja rétt til um stelpu eða strák... ég sagði að þetta yrði stelpa, en það var nú bara vegna þess að hún á tvo stráka fyrir, svo það er ekki nokkurt mark takandi á mér í þeim málumÉg er búin að gera allt fyrir jólin... í þessu allt er einungis það sem ég ætlaði mér að gera, ekki það sem einhverjar gamlar venjur segja að ég eigi að gera... húsið er hreint og þrifalegt og svolítið jólalegt líka og jólagjafirnar handa fólkinu mínu komnar úr óljósum hugmyndum, í áþreifanlegan veruleikaEigið góðan Þorláksmessudag að vetri, elskurnar mínar allar og hafið það gott í jólahlákunni

Halló og góðan dag :-)

Læri líklega seint ef þá nokkurtímann, að það fer ekkert endilega allt eftir því sem ég vil... Var svo algjörlega ákveðin í að mér yrði batnað í fætinum í dag, mánudag og ég færi auðvitað í vinnuna... Ég er ekki farin að sjá það gerast, nema það gerist eitthvað kraftaverk fram til klukkan 10, en þó ég sé nú oft með höfuðið uppi í skýjunum, þá hef ég samt aldrei trúað á kraftaverk Svo sveiflast ég á milli þess að fara nú kannski bara samt, vegna þess að það er þessi tími og það er ekkert víst að það sé nein til að leysa mig af og fara ekki, af því að ég er varla fær um að gera neitt almennilegt gagn Allt tekur svo langan tíma hjá mér, ég laumast þetta á hraða snigilsins á milli í húsinu og þá er ég sko ekki að  meina Snigil á mótorhjóli... ég er að meina þetta þarna litla slímuga dýrið, sem fer svo hægt að það er alveg hægt að sofna við að fylgjast með því... En bara svona fyrir þá sem ekki þekkja mig í eigin persónu, þá er ég samt hvorki slímug né lítil... Annars ferlega góð inn í daginn, svoleiðis... Fer núna klukkan hálf níu á uppáhaldssnyrtistofuna mín að láta dúlla við mig, ég get nefnilega alveg setið á rassinum, fjarskalega góð í því Hafið það gott í dag, sem og alla aðra daga elskurnar mínar allar, það er alveg að koma að fallegustu stund ársins...   

Yndislegt tilgangsleysi....

Það snjóaði í logni... hreinn og fallegur snjór yfir öllu... ég ætla að fara út á eftir, þegar það er farið að skyggja og taka myndir Jólalögin hljóma í útvarpinu og spilaranum... það er einhver ró yfir, þó að það keyri alltaf bílar framhjá enda mikil umferðargata... kannski fólk að fara í búð og kaupa jólagjöf handa börnunum... eða elskunni sinni... eða bara rúnta eitthvað í tilgangsleysi... Ég sit hér við tölvuna í tilgangsleysi og líður fjarskalega vel með því, milli þess sem ég þríf aðeins og set jóladúka og glingur á viðeigandi staði Skutlaði hækjunum upp á háaloft í morgun, svo ég hnyti nú ekki um þær og slasaði mig og vona að ég þurfi aldrei að sjá þær aftur Ég var að urlast í gær og ákvað að til að halda geðheilsunni, gæti ég ekki með nokkru móti verið lokuð inni þriðja daginn í röð, svo ég tók bílinn minn af spúsa og fór niður í göngugötu í þeim tilgangi að fara nú loksins og kaupa mér föt. Ég var svo heppin að fá stæði beint fyrir framan búðina, en sá þá mér til skelfingar að ég hafði að sjálfsögðu skilið veskið eftir heima í forstofu... Þegar ég kom svo aftur hafði auðvitað einhver dóni tekið stæðið mitt, en ég fann annað og tókst alveg að eyða slatta í föt í þessari fínu verslun Og það besta er að ég fæ þau endurgreidd, fatapeningar Alveg ákveðin í að teikna kort með nákvæmum leiðbeiningum handa spúsa mínum svo hann rati í þessari sömu verslun, beint á jakkann sem hann ætlar að gefa mér í jólagjöf... hann veit ekki ennþá hvað hann ætlar að gefa mér í jólagjöf, en hann á eftir að komast að því Hlakka til rólegheitanna yfir jóladagana, við verðum bara þrjú, að kettinum meðtöldum og ég er svo heppin að þurfa ekki að vinna fyrr en yfir áramótin Ég ætla svoooo að njóta þess að slappa af og gleðjast yfir því að þurfa ekkert að fara út ef ég nenni því ekki Eigið góðan dag elskurnar Dísa og Tommi: takk fyrir komuna

Þetta er of flókið fyrir mig...

Nú er búið að kæra eigendur Bónus fyrir að vera svo miklir glæpamenn að þeir gerðu allt til að hafa lægsta verðið á matvörumarkaðnum... Það var nefnilega svo agalega vont fyrir okkur neytendur... Ehhh... nú é´kki skilja... Ég get svo svarið það og það er eins satt og ég sit hér og skrifa þetta, að það er ofsalega gott fyrir mig sem neytanda, að fá sem mest fyrir peningana mína ! Það er svo sannarlega ekki verið að hugsa um minn hag sem neytanda, þegar kært er fyrir svoleiðis og viðkomandi gert að borga einhverjar 2-300 milljónir í sekt, sem leggst svo ofan á verðin í versluninni og ég þarf þá að borga meira fyrir vörurnar Ok, þessir menn áttu þátt í að koma Íslandi næstum því á hausinn, en þeir eru samt yfirleitt með lægsta vöruverðið á markaðnum og þá versla ég hjá þeim ! Ég þarf nefnilega að lifa í dag og það er verulega óhagstætt fyrir mig sem neytanda, að eiga ekki fyrir því sem ég þarf til þess Fólk rífst og skammast út í þá Bónusfeðga, þetta séu sko algjörir glæpamenn og svo framvegis og það er tuðað og nöldrað út í eitt, við eldhúsborðið og svo fer þetta sama fólk beinustu leið í Bónus og verslar þar, af því að það er hagstæðast fyrir neytandann Ég má alveg við því að leggja aðeins af, það er staðreynd, en ég lifi ekki á hugsjóninni einni saman og ef ég versla ekki í neinni búð þar sem eigendurnir hafa gert eitthvað sem mér líkar ekki, þá lít ég fljótlega út eins og sá sem stendur alltaf einn og yfirgefinn, úti í horni í skoðunarstofunni á Slysó og svo mikið langar mig nú ekki til að leggja af Eigið góðan og blessaðan dag elskurnar mínar allar, ég ætla að fara að undirbúa skötuveislu Púkinn hér er í jákvæðari kantinum í dag, hann mótmælir orðinu "ekki"

Það er nauðsynlegt fyrir hverja fjölskyldu...

... að eiga minnsta kosti eitt par af hækjum ! Þetta sagði afgreiðslumaður við mig fyrir 2 árum síðan þegar ég var að fara í aðgerð á fæti og ætlaði að leigja hjá honum hækjur í nokkrar vikur. Það var  mörgum sinnum ódýrara að kaupa þær en leigja, svo ég sló til. Síðan hef ég gert mikið grín að þessari yfirlýsingu hans, með hækjurnar kyrfilega geymdar upp á háalofti, en ekki lengur...Ég virkilega þurfti á þessum andsk... verkfærum að halda í gær, annars hefði ég einfaldlega fengið rasssæri og það er ekki baun eftirsóknarvertÉg var fjarskalega þolinmóð með þessar græjur alveg fyrsta hálftímann í gærmorgun, en upp úr því fór nú gamanið að kárna... það var alveg sama hvar ég stoppaði, þetta fjandans drasl datt alltaf á gólfið og fann sér oftast ástæðu til að skoppa nógu langt frá mér svo ég þurfti virkilega að hafa fyrir því að ná þeim aftur...Löngu fyrir hádegi voru hækjurnar orðnar mínir verstu óvinir og ég var næstum því hætt að finna til í fótunum... ég fann miklu meira til í skapinuAllt tók minnst korter, þetta var að verða staðlað, rétt eins og hálftímarnir á slysó...En upp úr kvöldmat í gærkvöldi settumst við á rökstóla hækjurnar og ég og útkoman varð uppsögn... ég er sem sagt búin að reka þær og ætla að  bjarga mér án þeirra, með hjálp veggja, borða og stóla... eða fá þá bara rasssæri í versta falli... hetjulega mæltHljómar þetta nokkuð eins og ég sé hálfklikkuð ? Jú reyndar, en það er varla nema von, búin að vera heima alveg heilan dagAnnars góð og hreint afskaplega þolinmóðEigið góðan dag elskurnar mínar allar og ekki jólast yfir ykkur  

Og aulaverðlaun ársins fær:

Engin önnur en... ég... Ég sit hérna við tölvuna í frekar óþægilegri stellingu með bundið um vinstri ökklann og finn til... bæði í ökklanum, stóru tánni á hinum fætinum og svo smá á sálinni líka...   Verðlaunaaulinn er hölt á báðum Um 7 leitið í gærkvöldi var ég að koma út úr vinnuhúsi, bara í rólegheitunum, en gleymdi einni tröppu og tókst með alveg einstakri snilld að böggla undir mér báða fætur... Ég lá emjandi smá stund fyrir utan húsið, örugglega bæði virðulegt og smart, ákvað svo að þetta mundi lagast af sjálfu sér og hökti af stað út í bíl. Það bjargaði miklu að ég er svo sérvitur að ég vil bara sjálfskipta bíla, þannig að það var ekkert mál að komast á milli húsanna Fór á tvo staði og hef aldrei verið svona lengi úr bíl og inn í hús, ég fann svo til, en þegar ég var komin á enn einn staðinn, þar sem ég hefði þurft að klöngrast upp á aðra hæð í raðhúsi, gafst ég upp fyrirfram, fór að skæla, hringdi á afleysingu, sótti spúsa og við fórum á slysó Skringilegur staður slysavarðstofa... þar tekur allt hálftíma... bíða hálftíma frammi, annan hálftíma inni eftir lækni, enn einn hálftíma til að komast inn á röntgen og getiði bara... hálftíma bið inni á röntgen, myndatakan tók hálftíma, sami fjöldi af mínútum fór í að skoða myndirnar... En bara korter samt að fá að vita að allt er óbrotið, slæm tognun, heima í viku góða, utan um fótinn, fram í hjólastól, borga og út í bíl. Læknaneminn sem skoðaði mig fyrst, spurði hvort ég hefði líka rekið höfuðið í ? "Ha, neinei, ég er bara svona skrítin" sagði ég auðvitað Hann var ósköp indæll en fannst ég ekkert fyndin Annars sýndist mér þessi sem stóð þarna úti í horni á skoðunarstofunni hafa þurft að bíða þó nokkuð mikið lengur en bara hálftíma, hann var ekkert nema beinin og ekki nokkur leið að halda uppi samræðum við hann, sama hvað ég reyndi Ég vil svo þakka öllum sem stóðu að björgun minni... nei nei ég ætla að hætta þessu bulli og hökta af stað fram á klósett og vona að ég nái þangað Eigið góðan dag elskurnar mínar allar

Uppáhaldsjólaspurningarsvarið mitt...

Eftir nýrri erlendri rannsókn að dæma getur beinlínis verið hættulegt að horfa of mikið á rómantískar gamanmyndir... áhyggjuefnin eru víðaEkki það að ég sé í neitt mjög ofarlega á skalanum í þeim áhættuhópi, takandi mið af því að ég nenni yfirleitt ekki að horfa mikið á sjónvarpið og svo á ég líka sambýlismann sem er álíka rómantískur og gaddavírsgirðing með stífkrampa... og sjónvarpsgláp fjölskyldumeðlima þessa húss tekur svolítið mið af þvíVeriði róleg, ég segi aldrei neitt um hann sem ég segi ekki við hann og hann hlær að þessu... að sjálfsögðu, enda er það líka tilgangurinn með svona bulliEldhúsið okkar er núna alveg tilbúið ! Komnir gólflistar og ýmis smáatriði sem við áttum eftir frá í sumar, þegar mesti eldmóðurinn rann loksins af okkur í húsuppbyggingunniÞað er líka orðið yndislega jólalegt, nema það eru engin jólaljós í gluggunum, en þau komast upp núna á eftir þegar ég er búin að finna límbandsrúlluna...Ég er löngu hætt að nenna að nota sogskálar við að setja seríurnar í gluggana, þær duttu alltaf niður og mér líkar það ekkiÖll ljósin mín eru núna föst á sínum stöðum og það er svona ykkur að segja, fljótlegra að líma þau upp en að taka þau niður aftur, en það er seinni tíma vandamál... enda ekki að fara að taka þau niður fyrr en á næsta áriÉg er alltaf að fá uppáhaldsjólaspurninguna mína þessa dagana: "Ertu búin að öllu fyrir jólin ?" Og alltaf svara ég með uppáhaldsjólaspurningarsvarinu mínu:"Jahérnajájájá" og uppsker allskonar skemmtileg svipbrigði, sérstaklega frá eldri konumÉg ætla nú ekkert að halda því fram að það sé í öllum tilvikum einlægur aðdáunarsvipur sem kemur á þær... ég gruna þær sumar um að halda að ég sé bara eitthvað skrítinAð öllu þessu bulli loknu, ætla ég að óska ykkur alls góðs inn í daginn og fara að leita að límbandsrúllu... 

Var að lesa frétt...

... um að drottningin í Bretlandi vill að konungsfjölskyldan spari pínu... Hún er í fréttinni talin frekar sparsöm sko, passar að það sé aldrei ljós í tómum herbergjum í höllunum og svoleiðis og það má ekki henda afgöngum frá máltíðum... munar ábyggilega miklu fyrir breskan almenning Gott mál auðvitað, en það sem mér fannst furðulegast í þessari frétt var, að það fylgjast einhverjir snillingar svo hroðalega nákvæmlega með klæðaburði þeirra hjóna, að það var sérstaklega fært í letur að maðurinn hennar bruðlar ekki mikið í fatnaði og gengur stundum í buxum sem voru keyptar fyrir 30 árum... Hvernig er hægt að muna eftir einhverjum einum sérstökum buxum ? Ég þyrfti að fá þessa snillinga til að skrá það sem ég keypti mér bara í fyrra... þá hefði ég til dæmis ekkert þurft að vera að rangla um í búðum til að leita að jólagardínum sem ég hélt ég ætti ekki... Annars góð bara Hér er til fullt af laufabrauði og ekkert því til fyrirstöðu að halda jól, fyrir utan þá staðreynd kannski að það er ennþá bara 15. desember Enda liggur mér ekkert á, það er svo gaman að hlakka til og pakkinn til sænsku stelpnanna minna, dóttur minnar og tengdadóttur, fer ekki af stað fyrr en í dag að gömlum séríslenskum jólasið mömmu/tengdamömmu Nú ætla ég að fá mér nokkur köff í viðbót og græja mig svo inn í daginn, sem ég vona innilega að verði ánægjulegur fyrir ykkur öll  

Góður dagur :-)

Laufabrauðsdagur í dagEldhúsið mitt er orðið hreint og fínt og aftur orðið óhætt að koma þar inn með matvörur. Jólagardínurnar eru þær sömu og ég hafði fyrir einum litlum glugga í eldhúsinu okkar í Fjallinu... það er eins og ég hafi verið svolítið ýkt í efniskaupum, fyrst ég get látið þær ná vel fyrir tvo stóra glugga núnaÉg var búin að gleyma að ég hafði verið með þær á síðustu jólum, sá það dauðóvart á myndum og ég tók líka myndir núna og setti inn í albúmið hérna á síðunni, þá get ég  séð fyrir næstu jól hvaða gardínur ég var með og þarf þá ekki að rangla um í búðum, leitandi að því sem mig vantar svo bara alls ekkiÞað fór lítið fyrir verslunarleiðangrinum mínum í gær, bara eitt orð yfir ástæðuna fyrir því: gestir. Það lagast, ég hef tveggja tíma hádegishlé minnsta kosti þrjá daga í næstu viku og þá á ég að geta komið einhverju í verk... Ég er svolítið í vandræðum með að eyða þessum hálfa mánuði sem ég á ennþá eftir af sumarfríinu mínu... En ef afleysingin mín skyldi nú samþykkja það, þá ætla ég að taka mér sumarfrí í kvöldvinnunni, vikuna yfir nýjárið, þá á ég að vinna og svo þennan tvo og hálfan dag í dagvinnunni líka... vonandiMeð því móti gæti ég verið að horfa fram á lengsta jólafrí sögu minnar í þessari vinnu, ég vinn nefnilega alltaf fram að hádegi á aðfangadag og gamlársdag, svo jólafríin hafa nú ekkert verið að þreyta mig hingað tilEigið góðan dag í dag og látið ykkur líða eins vel og hægt er