Nú er úti norðanvindur....

... og það verður þá bara að hafa það, trallalla ! Er ekki vísan einhvernveginn svona annars ?Nei ég veit það, en það er ekkert við þessu að gera, mér finnst öllu verra að kattarskrattinn er týndur enn eina ferðina. Ég mundi skilja betur þennan þvæling á honum ef það væri ekki löngu búið að gelda hannAnnars er allt gott hér eins og venjulega, við vorum auðvitað að brasa hérna í húsinu í gær, stefnum leynt og ljóst að verklokum um næstu helgi... helst, þetta er að verða ágætt í bili  Þegar við fluttum inn keyptum við forláta borðstofuskáp með glerhurðum, en við vorum búin að gleyma hvernig skápurinn leit út þegar við fórum að setja hann saman í gær, en hann er fínn  Settum líka upp ljós fyrir ofan borðið og klárum svo í dag að raða inn og þrífa og höldum upp á þennan áfanga með því að snæða læri þar í kvöld. Við höfum fengið ótal  hrós og hamingjuóskir með allt þetta brölt okkar hérna og okkur þykir verulega vænt um þaðEn eitt flottasta hrósið fengum við frá yngri syni mínum, þegar hann sagði að þetta væri nú bara alls ekkert "eins og hjá gömlu fólki" !Það er mikið hrós frá 22 ára gæja, þegar maður er á þeim aldri þá er fimmtugt fólk nú svona nokkurn veginn skriplandi á grafarbakkanum, ég man þaðNjótið þessa sæla sunnudags og munið að brosa og helst sem mest til þeirra sem eiga það ekki skilið, það er fólkið sem þarf mest á brosi að halda 

Ja svei mér þá....

... ef við erum ekki bara farin að sjá fyrir endann á framkvæmdunum hérna... í biliVið fluttum rúmið okkar inn í nýja svefnherbergið í gærkvöldi. Herbergið er stórt 19 fermetrar og rúmið, sem er enn sem komið er eina húsgagnið þar inni, er eins og krækiber í helv..... en það má alveg venjast því  Mig er farið að vanta tilfinnanlega fataskápana, þeir koma í næstu viku vonandi og þá get ég farið að "pakka upp", loksins ! Í íbúðinni okkar í Fjallakofanum vorum við með þrjá glugga, stofu- eldhús- og svefnherbergisglugga, hérna í þessu húsi eru þrettán gluggar og dökk trérimlatjöld fyrir sjö af þeim og þeir eru yndislega stórir.... en allt með þykku ryklagi eftir hamagang síðustu þriggja mánaða......Tók mig til í gærmorgun og þreif þessi tvö sem eru í stofunni og ég er ekki alveg  búin að gera það upp við mig hvort er leiðinlegra, að þrífa rimlatjöld eða mála. Ég ætla að reyna að komast að niðurstöðu í dag, á meðan ég þríf þessi 5 sem eru eftirJa hérna, sólin er aðeins að gægjast... nei nei, hún fór aftur....

Var að hugsa um það áðan hvað heimilisstörf, sem hafa aldrei verið uppáhaldið mitt en eru alveg bráð andsk.. nauðsynleg samt, eru algerlega ósýnilegt starf. Þannig að það sést alveg ef það er ekki unnið, en það tekst ekki eins vel eftir því ef það er unnið sæmilega sómasamlegaKannski er það þess vegna sem ég hef aldrei getað fundið mig í því starfi... vantar athyglina.... úps...En jæja, ég er nú samt sem betur fer meira þannig að mér nægir að vera ánægð sjálf með það sem ég geri og er bara nokkuð dugleg að hæla sjálfri mér... einhver verður að gera þaðMeð þessa ómetanlegu speki sendi ég ykkur inn í daginn og vona að ykkur öllum líði sem best, sem lengst

Ekki fræðilegur.....

Þarf að leiðrétta smá misskilning..... Ég vinnvið heimaþjónustu sem felur í sér hjálp við venjuleg húsverk og annað tilfallandi inni á heimilum, hjá fólki sem sökum annað hvort elli eða einhverra annarra leiðinda á erfitt með að gera hlutina sjálft. Þó ég sé búin að vinna við þetta í tíu ár og þyki varið í vinnuna mína þá er þetta ekki áhugamálÞrif eru ekki áhugamál, þetta er vinnan mín og fyrir alla muni ekki og ég endurtek, ekki vera að bjóða mér á einhverjar sápu og klúta og fötu og skrúbbakynningar bara af því að ég vinn við þetta Takk fyrir....  Við erum að eignast  þetta fína "söddnubergi" eins og það hét heima hjá okkur í gamla daga, búin að mála, búin að leggja parket og hálfnuð að setja gólflistana. Þurfum að lækka hurðarkarminn af því að gólfið er lægra núna og förum í dag og pöntum fataskápa frá sama stað og eldhúsinnréttinguna. Svo verðum við að setja upp rimlagardínur vegna þess að rétt fyrir utan gluggann er töluvert mikið notaður gangstígur og þó ég sé ekkert voðalega feimin, þá eru nú takmörk fyrir athyglissýkinni í mér.... Það er dásamlegt veður úti og ég er að verða nokkuð viss um að það er geitungabú hérna við húsið, það er að verða dálítið grunsamlegt hvað einu flugurnar sem álpast hérna inn líkjast mikið geitungum Mér finnst þær dónalegar að vaða svona inn óboðnar, ekki er ég að troðast inn hjá þeim Að þessu bulli skrifuðu óska ég þess að allir eigi eins góðan dag og mér finnst vera í vændum hjá mér

Ég skal mála allan heiminn.....

.... ef mér fyndist það bara ekki svona afspyrnu leiðinlegt Það er þó skömminni skárra að mála með rúllunni enda passaði ég mig á því að ná henni á undan spúsa, svo það dæmdist á hann að berjast um með pensilinn, skammastín stelpa Ég komst að því að litagleðin hefur verið í hávegum höfð í þessu herbergi í gegnum árin.... barnaljósblátt var það einhvertímann, svo var þarna einhver litur sem ég held að heiti ljóslilla... oj barasta og liturinn sem við vorum að mála yfir núna hefur  ábyggilega ekkert nafn... eitthvað svona ljósgrænbleikdrapp..... Okkar litur er marmarahvítt, ég nenni ekki að mála í litum, veit alveg að ég fengi fljótt leið á þeim og þá yrði ég sko að mála aftur og það er ekki í umræðunni Set frekar myndir á veggina og glaðlegar gardínur ef mig vantar liti. Ég er svakalega dugleg og drifin með það sem mér leiðist að gera, illu er svo sannarlega best aflokið   Enda ekki ekkert eftir nema að mála með pensli yfir smá spartl sem ég bætti í á nokkrum stöðum og svo bara skella sér í að sækja parketið. Gerum þetta að góðum degi, við skjáumst seinna

Dagur þrjú, púnktur !

Ég er sem sagt í sumarfríi, en er samt ennþá með þessa tilfinningu að ég þurfi að mæta klukkan þetta eða hitt einhversstaðar.... vinnan mín er svo mikið svoleiðis. Þessi tilfinning hverfur líklega ekki alveg ef ég þekki sjálfa mig rétt, það er samt í sjálfu sér allt í lagi að líða þannig, það er svo gaman þegar ég fatta að þetta er bara hugsanavilla... ein af mörgum Setti áðan inn mynd af eyjunni í eldhúsinu, við fengum borðplötuna á hana í gær og keyptum okkur líka stóla, á meðan við vorum að bíða eftir því að restin af steypunni þornaði á svefnherbergisgólfinu. Núna heitir það að gólfið er "tilbúið undir veggmálningu" og svo kemur parketið Það dugar ekki að slá slöku við í sumarfríinu... eða er það nokkuð ? Ég er búin að setja dagsetningu á verklok hérna : 12. júlí, 12.45 "Bara aþþí bara" líklega ekkert að marka samt, var spurð að því af virðulegum lögfræðingi og gat ekki með nokkru móti sleppt því að svara með álíka virðulegum hætti..... alveg þekkt fyrir það, hvað ég er virðuleg Eigið dásamlegan dag elskurnar, ég er að fara að mála... þegar ég er búin að fá mér aðeins meira kaffi..... og líta kannski svo sem einn blogghring... og kíkja á það helsta í fréttum... ég er í nú sumarfríi

Sumarfríið mitt....

... varð að veruleika klukkan 10 í gærmorgun Enda bara rökrétt að breyta veikindafríinu í sumarfrí og sumarfríinu þá í veikindafrí.... bara gera það besta úr því sem hægt er Svo núna er ég í sumarfríi til og með 20. júlí og ætla aldeilis að njóta þess ! Fékk alveg hreint svakalega flottan sumarfrísfíling strax í gærkvöldi við að horfa á yngsta son spúsa og kærustuna hans, slá alla lóðina okkar Alveg alvöru sumarfrí hjá mér Bara dásamlegt og það sem meira var, þau gerðu það bara af því að þeim fannst það gaman.... líklega af því að þau hafa enga lóð heima Minn yngsti er aftur á móti í Færeyjum núna, að bíða eftir skipinu til Íslands, eftir 4 vikna flæking um Norðurlöndin. Tollararnir í Færeyjum voru eitthvað að bögga hann í gær við komuna þangað, af því að fíkniefnahundurinn fann einhverja torkennilega lykt í bílnum hans. Þeir fundu auðvitað ekkert, af því að drengurinn er allt of meðvitaður um líf sitt og heilsu, til að vera að fikta með einhvern óþverra og ég segi það ekkert í einhverri mömmulegri afneitun, þetta vita allir sem þekkja hann Svo þeim kom saman um það, tollurunum færeysku, hundinum þeirra og syni mínum að þetta væri mjög  trúlega lykt af hundi, sem stóri bróður hans á og fær oft að koma með honum í bílinn Í dag málum við svefnherbergið okkar, okkur datt í hug að það væri bara gáfulegra að gera það áður en parkettið fer á gólfið Hér er sól og fínt veður og að öllu þessu sögðu, óska ég ykkur alls góðs inn í þennan fína dag

Sól í sinni....

Þá er svefnherbergisgólfið okkar að verða tilbúið undir parket, bara eftir að flota aðeins yfir þann hluta sem þurfti að steypa í En fyrst ætlum samt við að mála veggina, það tekur enga stund, einkum og sér í lagi ef ég skyldi nú geta breytt tilvonandi veikindafríinu mínu í núverandi sumarfrí.... Það væri fínt, þá er vinnan ekki að trufla mig og okkur vinnst auðvitað betur ef við erum bæði að brasa í þessu. Ég er ekki ennþá búin að setja gardínur fyrir eldhúsgluggana, ekki fundið mér tíma í að sitja og sauma ennþá og ég eiginlega heyri gamlar konur fyrir mér, fussa yfir því.... Ætli hún sé ein af þessum nýtísku konum sem hafa bara alls engar gardínur...Það á sko ekki upp á pallborðið hjá þeim, ég er búin að fá að heyra það svo oftEn sem sagt, ef ég er nú komin í sumarfrí, sem kemur í ljós í fyrramálið, þá fer þetta allt að ganga hraðar og ef við getum nú stillt okkur um að fara að laga stofugólfið, þá er kannski bara hægt að þrífa aðeins hérna líka. En ég treysti okkur nú ekki alveg til að vera hætt í bili, það er oft ekki orð að marka svoleiðis yfirlýsingar á þessum bæ  Annars er planið fyrir daginn að fara í hrein föt og kíkja á breytingarnar á Glerártorgi, lesist :ég ætla í R.L. búðina og gá hvort ég get ekki eytt peningum í hillur inn á baðið hérna eða eitthvaðÞakka ykkur fyrir athugasemdirnar í gærÓska ykkur svo öllum yndislegs sunnudags

Dhææææs.....

Síðan hálfþrjú í gær er ég búin að vera reið, sár, leið, niðurdregin, fúl, úldin, vonsvikin og sjálfsagt má finna eitthvað fleira.... Það þarf bara töluvert til að ég verði þó ekki nema eitthvað af þessu.... Og þetta töluvert gerðist í gær... aðgerðinni var frestað og það átti bara að afgreiða mig með einni setningu: Lækninum finnst þetta leitt, hann hefur svo samband við þig... Jæja góða og hvenær hefur hann samband heldurðu ? Ja, bara einhvertímann til að gefa þér nýjan tíma í aðgerð.... Já nei takk það er ekki nóg fyrir mig, væna ! Ég er búin að setja allt á annan endann í vinnunni minni til að fara í þessa aðgerð, búið að ráða fólk fyrir mig og ein þurfti að breyta sumarfríinu sínu af því að ég var að fara í þessa aðgerð ! Og svo ætlar læknirinn bara að hafa samband við mig... bara svona einhvertímann.... Kjaftæði, ég vil að hann hafi samband við mig strax og hann er búinn að vinna takk fyrir.... Ég var alveg ógeðslega fúl fattiði, en tókst samt að vera sæmilega kurteis við grey ritarann sem var sigað í þetta ömurlega erindi. Læknirinn hringdi svo og afsakaði sig í bak og fyrir og gaf mér tíma 29. júlí og ég mátti ráða klukkan hvað.... Klukkan sjö takk ! Ehhh gjarnan, en við byrjum ekki að vinna fyrr en átta, dugar það ? Já jæja ætli það ekki..... Af því að ég hef engan til að skamma í rauninni, þá ákvað ég bara að skrifa mig frá þessu og mér líður miklu betur núna Þakka ykkur, þið yndislega fólk fyrir allar kveðjurnar á blogginu mínu, þær yljuðu og fara sko ekkert í súginn, ég geymi þær þangað til 29. júlí Svo verð ég að fara til yfirmannsins míns á mánudaginn og ákveða með henni hvort ég fer að vinna núna á mánudaginn eða hvort sumarfríið mitt er byrjað núna Njótið dagsins elskurnar mínar og þakka ykkur fyrir að hlusta... eða sko lesa

Góðan og blessaðan....

Núna eftir hádegi er ég að fara í smá aðgerð og kem úr henni betri en ný og bila aldrei.... Það eina sem ég má svo gera næstu fjórar vikurnar, er að fara út að labba og leika mér í tölvunni, það eru sko ekki allir svo heppnir að vera með læknisvottorð upp á það Ég er að farast úr stressi að vísu og það birtist þannig að ég verð helmingi rólegri en venjulega, utanaðfráséð og sæki í að þrífa og laga til, sem er nú bara besta mál eiginlega Kvíði mest fyrir því að mega ekkert borða fyrr en um kvöldmat og svo að vakna upp úr svæfingunni... vakna svo illa af svona gervisvefni Annað er það nú ekki, ég trúi því alveg að þetta hafi verið læknirinn sem ég talaði við, en ekki húsvörðurinn og að hann bara viti hvað hann er að gera... það er að segja læknirinn Fram að aðgerð, ætla ég að vera í hlutverki handlangara inni á svefnherbergisgólfinu okkar, sem er btw vel hálfnað að setja nýjar spónaplötur á og eftir það að flota aðeins upp við tvo veggi og svo bara parket !Skjáumst seinna elskurnar, þegar ég samkvæmt læknisráði fer með tölvuna út að labba.... eða kannski hef ég ekki náð þessu alveg rétt..... Óska ykkur góðs dags og ennþá betri helgar

Ég segi aldrei allt sem ég meina...

... en á móti, þá meina ég allt sem ég segi... Kannski er ég orðin eitthvað viðkvæmari á efri árum en það fer svoooo oft í taugarnar á mér, þegar fólk talar bara til að tala.... bullar bara eitthvað út í loftið, bara til að segja eitthvað...  Ég mínusa stjórnmálamenn út, þeir eru atvinnubullarar og ég get alveg valið að hlusta bara ekki á þá, þess vegna læt ég yfirleitt allt stjórnmálakjaftæði fara langt fram hjá mér ! Ok kannski er ég bara með frekjugang en mér finnst að fullorðið fólk eigi að meina það sem það segir, ég vil sem sé geta tekið mark á fólki í mínu næsta umhverfi. Með því skilyrði auðvitað að viðkomandi teljist sæmilega heill á geði á nokkuð eðlilegan, algengan mælikvarða. Ég get alveg fíflast og geri mikið af því, en ég geri það aldrei alveg út í eitt.... Sumt fólk virðist sjaldan geta talað af nokkru viti um nokkurn skapaðan hlut.... Segir bara eitthvað, jafnvel þvert um hug sér til þess að mér finnst, að halda allri athygli á sjálfum sér, neikvæð athygli betri en engin athygli ? Hjá sumum virðist þetta hreinlega orðið að leiðinda ávana og þá langar mig stundum til að hrista viðkomandi, til að gá hvort ekki er hægt að raða einhvernveginn öðruvísi í hillunum á efstu hæðinni, þarna undir hárinu.....  Á langri ævi, mér finnst ég búin að lifa svakalega lengi og mikið, þykist ég vera búin að komast að því, að þetta á samt yfirleitt frekar við um karlmenn en kvenfólk, með áheyrslu á orðið "yfirleitt". Kannski er ég ein af þessum kvenfrenjum sem geri karlmenn óstyrka með nærveru minni.... ég held samt að það sé af og frá Ég, þessi litla blíða tilbakahaldna dúlla, sem þegi stundum í staðinn fyrir að tala, af því að ég vil alls ekki alltaf segja allt sem ég meina   Kannski er samt skýringin komin í síðustu setningu.... þetta gæti bara verið mér að kenna  Með þessu nöldri sem ég sendi ykkur með inn í daginn, óska ég ykkur alls hins besta í allan dag