Já þið segið það... ;)

Síðasti dagur ársins 2009 runninn upp... og auðvitað ýmislegt búið að ganga á eins og hjá öllum öðrum... Hjartkærir ættingjar og vinir horfið yfir móðuna miklu og skilið eftir sorg og söknuð, en líka góðar minningar sem ylja... Litlar dásamlegar manneskjur fæðst og lýsa upp tilveruna eins og börnum einum er lagið... eins og velkomin sorgarjöfnun... Ekki ætla ég að telja allt upp sem hefur gerst hjá mér og mínum undanfarna 364 daga, það væri ógjörningur af ýmsum ástæðum... Þá yrði ég til dæmis að sitja við tölvuna í allan dag og það er ekki ásættanlegt... og líka að ég sem man ekki á milli herbergja get auðvitað ekki munað eftir hverjum og einum einasta degi af þessum öllum... og svo auðvitað eitt og annað sem ég hef ekki leyfi til að segja frá Ekki veit ég frekar en aðrir hvernig nýja árið kemur til með að verða en get bara vonað að það verði betra en það gamla og reynt að gera mitt besta til þess En mér finnst gaman að geta sagt samt að ég veit upp á mínútu hvað ég er að gera það sem eftir er ársins... ekki erfitt auðvitað þegar það er ekki nema hálfur sólarhringur eftir af því... Ég er að fara að vinna núna á eftir og hringja í eina dásamlega konu og vinna aðeins meira, svo erum við búin að bjóða yngri syni mínum að borða með okkur síðustu kvöldmáltíð ársins, eftir það tekur við prjónaskapur og sjónvarpsgláp og auðvitað fylgist ég með flugeldabrjálæðinu líka... kaupi enga sjálf en það er stórfenglegt að fylgjast með Svo skála ég fyrir nýja árinu í kaffi og kóki, sendi SMS út um allar trissur og fer tiltölulega snemma að sofa af því að ég byrja nýja árið í vinnunni.... hljómar yfirgengilega spennandi er það ekki ? Ekkert partý, ekkert fyllerí = ekkert gaman ? Ferlega fín inn í daginn og vona að þið öll séuð það líka... og við "skjáumst" í fyrramáliðánæstaári, þegar ég kem hérna inn og óska ykkur gleðilegs árs  

Athugasemdir

[Jóhanna Pálmadóttir, 31.12.2009 kl. 10:14]

Ég ætla ekkert á fyllerí heldur, jú kalkúnafyllerí kanski, er með einn 6 kílóa hérna, viltu koma í mat?

[Jóhanna Magnúsdóttir, 31.12.2009 kl. 10:31]

[Jóhanna Magnúsdóttir, 31.12.2009 kl. 10:31]

Úps - varð full stórt, ... og takk fyrir allt gamalt og gott.

[Erna Evudóttir, 31.12.2009 kl. 13:26]

Nebbs verð edrú í kvöld verslaði fullt af flugeldum í gær, skjótum þessu upp ég og krakkarnir

[Jónína Dúadóttir, 31.12.2009 kl. 13:47]

Jóka mín: 6 kíló... jahá ég kem sko

[Jónína Dúadóttir, 31.12.2009 kl. 13:49]

Jóhanna mín: Þetta er stórfíntÞakka þér fyrir og sömuleiðis

[Jónína Dúadóttir, 31.12.2009 kl. 13:50]

Erna mín: Jamm... mig grunaði þaðFarðu varlega með skoteldana og brenndu ekki börnin þín

[Sigrún Þorbjörnsdóttir, 1.1.2010 kl. 18:39]

Það er svo satt, að það þarf hvorki partý né fyllerí til að það sé gaman. Ég fór fyrir nokkrum árum á ball á nýársnótt og jeminn, ég geri það sko ekki aftur. Leiðinlegasta ball sem ég hef farið á, miklu skemmtilegra að skála í kóki og "essemmessast" út um allt